Malakai 4:1 - Uwumbɔr aagbaŋ

¹ Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Malakai 4:1 ပူးပေါင်းရင်းမြစ်များ

Job Aagbaŋ 18:16

Waasubon ni ŋipan yɔl ki kuur a.

Ilahn 119:119

Aa ŋani bibiindam mɔmɔk ke timoor na la, kina pu le m gee saakaal.

Ilahn 37:9

Binib bi di naadii tii Uwumbɔr na le ga li yeh kitiŋ kee, le Uwumbɔr ga jenn nyan bibiindam ma.

Nnyam 15:7

Saanaan mu kpa kipak na ponn ni le aa joo saapɔɔn nyaŋni saadim. Saaŋuul naahn mmii le ki wu bi ke ŋikak na.

Aisaya 40:24

Bi naahn tiwan ni laa punn, kaa kee kpa inyaan na la. Uwumbɔr yaa tun ni libuln kan, bi kuur la, le libuln daa bi buen ke likakl na.

Aisaya 41:2

Ŋma nan joo ni ubɔrkpaan u nyan ni liwipuul wɔb ki cha u nyaŋ binib bimɔk u ni bi jan na? Ŋma cha u nyaŋni bibɔrb ni ŋitimbol? Waajaak aajuk nan bii binib ke naah ye kitangbaak le u per lir na. Waapiin nan cha bi san yaa tɔb chee ke libuln aah daar timoor yaani tɔb chee pu na.

Aisaya 47:14

Bi ga li bi ke tigbengbir na la, le mmii ga wu ti. Baan ŋmaa gaa bibaa lii, imiigaal ngbaan ga li ton bi chee sakpen, naan li ye mmii mu ton pulpul aan bi wor mu na.

Aisaya 5:24

Kina pu na, timokuun ni ikpakpaabi aah wu mmii ni pu na, kina le nimi aanyaan ga bur, le nimi aafar mu kuur aan libuln daa ti buen, ba pu? nimi Israel yaab, ni yii Nimi Aawumbɔr Mpɔɔnsakpiindaan u bi chain na aah mɔk timi pu na.

Aisaya 9:18

Binib ngbaan aatunwanbir bii tiwan ke mmii aah wu ikokon ni ŋinaabukar pu na la. Baatunwanbir bii tiwan ke kichook ni aamii aaŋmanyuu na la.

Aisaya 9:19

Uwumbɔr Mpɔɔnsakpiindaan aaŋuul aah fii na, waatafadaan ngbaan ga bii tiwan ni binib mɔmɔk ke mmii aah wu bii tiwan pu na la. N‑yoonn ngbaan kan, ubaa aan ki li nyi uŋeen aatɔ aabɔr.

Esekiel 20:38

M ga nyan binib bi bi ni ponn ni ki ye bimɔyiib ni titunwanbirdam na. M ga nyan bi baah koo ntim mu ponn ni dandana na, ki mu aan cha bi gir ni Israel aatiŋ pu; le ni ga bee ke min le ye Uwumbɔr.”

Esekiel 21:32

Mmii le ga kuln nimi. Nimi aatiŋ ponn ni le nimi aasin ga nya, le ubaa aan ki teer ni bɔr daalbaadaal.’” Uwumbɔr le len kina.

Esekiel 24:11

Di tikumann aakumbukuun ngbaan chɔŋ ŋimiisakɔn pu, ki cha li ti mann gban gban. Nima kan, laah daŋ pu na yaa ti pɔkr lir kan, li ga ki ŋa chain,

Esekiel 34:17

“Tɔ, nimi maawakor, min Nidindaan Uwumbɔr le tuk nimi ke m ga ji ni mɔmɔk tibɔr, ki gann i ŋan na, i kaa ŋan na chee, ki gann ipiih, iŋoob ni.

Esekiel 7:10

Israel yaab aabɔbir aawiin choo.

Joel 2:1

Pii kakaan man; faa nkuun Sionn aajool li ye Uwumbɔr aajool ki bi chain na paab. Juda aatiŋ aanib, cha niwon li gbaa man. Uwumbɔr aawiin peen ni a.

Joel 2:31

Nwiin ga bɔln, le uŋmal mann ke nsin na waahr aan Uwumbɔr aawiin daal nin fuu ni. Mu ga li ye nwiin sakpiin mu kpa ijawaan na la.

Amos 2:9

“Maanib, nimi pu le m nan ku doo Amonn yaab, bima le ye bijab bi nan fɔk ke santina aasui ki pɔɔ ke ŋikpan aasui na.

Obadia 1:18

Jakob ni Josef aanib ga li naahn mmii la; bi ga doo Esɔ aanib ke mmii aah wu kinaakook pu na la. Esɔ aanib ponn ni ubaa aan ŋmar. Min Uwumbɔr le len kina.

Nahum 1:10

Nimi bidanyurb ga wu mmii ke ikokon i lɔk tɔb ni na, ni timokuun aah wu pu na la.

Sefania 1:14

Uwumbɔr aawinkpaan ngbaan peen ni, mu peen ni ki choo mala mala. Mu ga li ye mpombiin daal la, hali bijab bi kaar na ga wii itaakpayɔl pu.

Sefania 1:18

Nwiin mundaal Uwumbɔr ga mɔk waaŋuul na kan, hali baakunabr ni salmaa aan ŋmaa gaa bi lii. Waaŋuul li wu ke mmii na le ga kuln kitiŋ kee mɔmɔk. U ga kuln unii umɔk bi kitiŋ kee pu na aamɔfal mala.

Sekaria 14:1

Nwiin mundaal Uwumbɔr ga kal ki ji binib tibɔr na peen ni a. Le bi ga yoor Jerusalem aawan mpɔɔn buen, ki ga yakr tiwan ngbaan ninimbil ni.

Malakai 3:15

Taah nyi pu na le ye ke bigaadam le kpa mpopiin. Titunwanbirdam kani tinyoor, le ki joo titunwanbir tɔŋni Uwumbɔr ke bi lik ke u kpa limɔr aan waa kpa, le nibaa aa ŋani bi.’”

Malakai 3:18

Maanib ga ki kan ubimbinyaan daan aah kani pu na, ni titunwanbirdaan mu aah kani pu na, ni unii u dii mi na, ni u kaa dii mi na aah kani pu na.”

Malakai 3:2

Tɔ, ŋma ga ŋmaa sil kina aawiin chee? U yaa nan fuu ni kan, ŋma ga ŋmar? U ga nan li bi ke bukiib bu pɔɔ na la, ki bi ke mmii mu wu nyani tijɔŋ tikur ni na la.

Malakai 3:3

U ga nan ji tibɔr ibamɔn ni, ke unii u pu tikunabr mmii ni ki nyani tijɔŋ na la. Uchaa aah pu tikunabr ni salmaa mmii ni ki nyani tijɔŋ pu na, kina le Uwumbɔr aatuun ga nan toor bitotoorb, ki cha bi joo ni kitork bamɔnn nan tii Uwumbɔr.

Malakai 4:5

“Tɔ, waahr aan min Uwumbɔr aawinbiik ngbaan daal nin fuu ni na, m ga tun ni maabɔnabr Elaija ni chee.

Matiu 3:12

U joo waayikpimbik uŋaal ni, u ti chaar waajikaar, ki ga di njikaabim ŋa lipil ni, ki di tigbengbir see mmii mu kaan junn na ni.”

Tibɔnyaan ti Luk ŋmee ti na 19:43

Buyoonn Uwumbɔr ban u ter nimi na, ni yii a. Nima le nimi aadim ga nan gob nimi aatiŋ, ki yuu lakr kaagoln pu,

Tibɔnyaan ti Luk ŋmee ti na 21:20

“Ni yaa kan butɔb aajab si gob Jerusalem aatiŋ kan, ni li nyi man, naan yunn, le bi ga bii kitiŋ ngbaan doo.

Tibɔnyaan ti Luk ŋmee ti na 6:23

Bi yaa ŋa nimi kina kan, ni li kpa mpopiin sakpen ki li mɔɔni; ba pu? ni ga nan kan tinyoor sakpen paacham. Kina le biyaajatiib nan ŋa Uwumbɔr aabɔnabtiib falaa.

2 Tesalonika 1:8

ki li joo ni mmiigaal u nan daa binib aatafal. Binib bi yii Uwumbɔr na, ni binib bi kaa kii Tidindaan Yesu aabɔnyaan tee na, u ga daa bima le aatafal.

2 Piita 3:7

Bi suln ke Uwumbɔr aaliin ichachaan ngbaan le joo paacham ni kitiŋ ki bi dandana wee na, ki nan saa buyoonn u ga see paacham ni taab mmii, ki kuln titunwanbirdam na; liyaadaal ngbaan le u ga ji bi tibɔr ki bii bi.