Malakai 3:8 - Uwumbɔr aagbaŋ

⁸ Le m ga baa nimi ke ni ŋan ke unii ji Uwumbɔr pem pem aa? Mbamɔn, naa ŋan; le nima tee ji mi pem pem. Le ni ki baa ke, ‘Kinye aan ti ji si pem pem?’ Le m ga gar nimi ke naah yakr nimi aatuln aanyoor aageln li tii mi na, ni ipiin i ni tii mi na, le ni ji mi.

Malakai 3:8 ပူးပေါင်းရင်းမြစ်များ

Ilahn 29:2

Pak Uwumbɔr aayimbil li kpa kipak na man. Peen tiwanpeenkaan ni ye chain na, ki li dooni u man.

Ŋiyataŋak 11:24

Binib bibaa tii baamombil bisui mɔmɔk, le ki moo kani liwankpal. Bibaa mu tii ki chur bibaa le ki moo ŋani bigiim.

Aisaya 43:23

Naa nan kɔr ipiih ki di see mmii ni tii mi; naa nan joo nimi aatork nyuŋni mi. Maa nan muk nimi ke ni tii mi ipiin aatork kibaa, kaa cha nilaasaab ti nyan nibaa ni tulalee aayon pu.

Liifai Yaab 19:25

Libiln ŋmuŋmur ni kan, ni ga ŋmaa ji ŋisubil ngbaan. Ni yaa ŋa maah mɔk nimi pu na kan, nimi aasubil aasui ga lu sakpen. Min le ye Nidindaan Uwumbɔr.

Sekaria 5:3

Le u bui mi ke, “Tibɔbir le ŋmee ki pu ke ki di buen kitiŋ kee mɔmɔk pu. Lipepel libaa pu aapuun ye le ke Uwumbɔr ga kuln unaayuk mɔmɔk; le lipepel liken na pu ŋmee ke u ga kuln unii umɔk puur tipuur ki geei inyamɔn na.

Malakai 1:13

Ni bui le ke, ‘Ti kpaan bak nimina pu a,’ le ki fenn nimɔfal toŋ nibaa wɔb. Naah sun kiwakork ki na, bee ki bun na, bee kitaal koo na, le ni joo toor kitork tii mi. Ni dak ke m ga gaa nimina ni chee ee?

Malakai 1:8

Buyoonn ni joo ni kiwakork ki jɔb, bee ki bun, bee ki aataal koo na nan toor kitork tii mi na, ni dak ke taani ubaa aa bi ii? Di kina aawakork tii nimi aayidaan man ki lik. Ni dak ke kina aawakork ga li piin usui ii? U ga faar nimi aapiin ngbaan ki ter nimi ii?”

Matiu 22:21

Le bi bui u, “Siisa yaan.” Le u bui bi, “Nima pu na, di ni ye Siisa yaan na, ki di tii u man, ki di ni ye Uwumbɔr yaan na, ki di tii Uwumbɔr.”

Tibɔnyaan ti Mak ŋmee ti na 12:17

Le u bui bi ke, “Di ni ye Siisa yaan na, ki di tii u man, ki di ni ye Uwumbɔr yaan na tii Uwumbɔr.” Waah len kina na, le ni gar bi pam.

Tibɔnyaan ti Luk ŋmee ti na 20:25

Le u bui bi, “Nima pu na, ni di ni ye Siisa yaan na tii u man, ki di ni ye Uwumbɔr yaan na tii Uwumbɔr.”

Rom Yaab 13:7

Nima pu na, ni li tii nimi aayidam baah ŋeer pu na. Ni li pa lampoo tii bilampoogaab. Ni li pak binib bi ŋeer mpakm na, ki li nyuŋni binib bi ŋeer nnyuŋ na.

Rom Yaab 2:22

Si u len ke binib taa gɔr kidagook na, ba ŋa aa gɔr? Si u yii ŋiwaa na, ba ŋa aa su ŋaadir ni aawan?

Josua 7:11

Israel yaab le tun titunwanbir. Maah bui bi ke bi taa ŋa pu na, bi yii ki ŋa ni. Tiwan ni m nan bui bi ke bi bii ni na, bi yii ki yoor ni. Bi sun tiwan ngbaan, le ki gii inyamɔn ni pu, ki di kpaan baawan ponn ni.