Malakai 3:6 - Uwumbɔr aagbaŋ

⁶ “Min le ye Uwumbɔr, maa kpelni. Kina pu na, nimi, Jakob aayaabitiib aa kee kuln doo.

Malakai 3:6 ပူးပေါင်းရင်းမြစ်များ

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

Mpiin 15:7

Uwumbɔr nan ki bui u ke, “Min le ye Uwumbɔr u nyan ni si Ur aatiŋ, ki ye Babiloŋ yaab aatiŋ na ni, le ki di kitiŋ kimina tii si, ke ki li ye siyaan.”

Mpiin 22:16

“M ga puu maayimbil pu ke m ga ŋa tinyoor ŋa aa pu pam. Min Uwumbɔr le len kina. Saah ŋa pu, kaa yii ke saan di aajapɔɔn tii mi na,

Ilahn 102:26

Kitiŋ ni paacham ga doo, le aa ma ga li beenin bi; ni mɔmɔk ga kpoi ke ŋibɔkul na, aa ga di ni mae ke kikekekpiik na, ni mɔmɔk ga wɔŋ.

Ilahn 102:27

Le sin ma beenin bi, kaan kpeln, saayoonn aan doo.

Ilahn 102:28

Timi aabilb ga li bi lifuur ni, le aa ga li kii bi, le biyaabitiib ga nan kan ŋŋmarm.

Ilahn 103:17

Uwumbɔr aageehm aa door binib bi san u na ma chee,

Ilahn 78:38

Le Uwumbɔr ma nan san waanib kinimbaak. U nan di cha pinn bi baatunwanbir kaa kuln bi. N‑yoonn n‑yoonn pam le waa di waaŋuul tun lituln, ki chuu waaŋuusakpeln.

Ilahn 78:57

bi tee nyan upuwɔb kaa dii waah len pu na ke biyaajatiib na, kaa si chob ke mpiin mu gɔr na.

Aisaya 41:13

Min le ye Nidindaan Uwumbɔr; M pɔɔk nitaakpab ki bui ke, ‘Taa san ijawaan man; m ga ter nimi.’”

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 46:4

Min le ye nimi Aawumbɔr u joo nimi na ki ti saa buyoonn ni ga por aan niyil piir na. Min le naan nimi le ki ga li joo nimi, min le ga ter nimi ki gaa nimi lii.”

Jeremia 32:27

“Min le ye Uwumbɔr, u ye unii mɔmɔk Aawumbɔr na. Nibaa aa pɔɔ m chee.

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Hosea 11:9

Maan daa aatafal maaŋuul ponn ni; maan ki kuln Israel yaab, ba pu? M ye Uwumbɔr la, maa ye unibɔn. Min u bi chain na bi ni chee. Maan dan ni chee maaŋuul ponn ni.

Habakuk 1:12

Uwumbɔr, ki nyan mpiin na, sin le ye Uwumbɔr. Sin le ye Maawumbɔr u bi chain kaa kpa ndoon na. Uwumbɔr, Ndindaan ni maakikiir, sin le lee Babiloŋ yaab ki cha bi kpa mpɔɔn ke bi ŋmaa daa timi aatafal.

Nkahm 23:19

Uwumbɔr aa ye unii ki geei inyamɔn, waa ye unibɔn le ki kpelni waalandak. U yaa puu ke u ga ŋa pu na kan, see u ŋa kina. U len, le ni ŋani kina.

Rom Yaab 5:10

Buyoonn ti nan ye Uwumbɔr aadim na, le Ujapɔɔn nan kpo ti pu. U pu, le ti ni Uwumbɔr kpaan kijɔtiik. Ti ni Uwumbɔr aah kpaan kijɔtiik na, ŋmaninkabaa taah ga ŋmar waamɔfal pu pu na?

Filipi 1:6

M bee ke Uwumbɔr u nan piin ki bi toor nimi aabimbin na, u ga li beenin ŋani kina ki toor nimi aabimbin ti doo bundaln Yesu Kristo ga gir ni na.

Hiibru Yaab 13:8

Yesu Kristo aa kpelni. Waah fe bi fen na pu na, u beenin bi kina le din, ki joo cha n‑yoonn mu kaa kpa ndoon na.

Hiibru Yaab 6:18

Waah nan puu tipuur ti na, waan kpeln. Waah puu uma ubaa aayimbil pu na, nima le sil mɔk ke waan kpeln. Waan ŋmaa mɔn nnyamɔn. Nima le timi bi san cha u chee ke ti ŋmar na aataakpab pɔɔ mbamɔm, le ti kpa limakl ke ti ga kan waah puu tipuur ti na.

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

Tibɔkpiirkaan 1:8

Tidindaan Uwumbɔr, u yeh mpɔɔn mɔmɔk, ki nan bi, ki beenin bi, ki ga li bi n‑yoonn mu kaa kpa ndoon na le len ke uma le ye Alfa ni Omega, mpiin ngbaan ni ndoon ngbaan.

Tibɔkpiirkaan 22:13

Min le ye Alfa ni Omega, njan yoo ni gbelngbeln yoo, mpiin ngbaan ni ndoon ngbaan.”

1 Samuel 15:29

Israel yaab Aawumbɔr u ye Ubɔrkpaan na aa mɔnn inyamɔn, kaa kpeln waalandak. Waa ye unibɔn, waan kpeln waalandak.”