Malakai 3:5 - Uwumbɔr aagbaŋ

⁵ Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Malakai 3:5 ပူးပေါင်းရင်းမြစ်များ

Mpiin 20:11

Abraham nan giin bui u ke, “M dak ke ubaa aa bi do ki san Uwumbɔr, le nibaakan bi ga ku mi ki gaa mpuu, nima pu le m bui ke u ye nninkpan la.

Mpiin 42:18

Nwiin tatar daal, le Josef bui bi ke, “M ye unii u san Uwumbɔr na la, m mu ga siin nimi tibɔr tibaa le ki nyan nimi lii.

Nehemia 5:15

Biyidam bi mɔmɔk nan kal aan m nan paan bi pu na, nan ye limukl le ki tii binib ngbaan, ki nan gaal tikur aamombil imonko ilee le nwiin mubaa, ke baajikaar ni ndaan le na. Hali baatutum mu nan muk binib ngbaan la. Le mma aa nan ŋani kina; ba pu? m san Uwumbɔr la.

Job Aagbaŋ 31:12

Ni ga li ye mmii sakpiin aabiil li ga di maawan mɔmɔk wu na la.

Job Aagbaŋ 7:2

ki naahn unaagbiija aah neen mboon mu soon na pu na; ki naahn ututunn aah kii waapar pu na.

Ilahn 36:1

Ubiindaan aasui ponn ni ye titunwanbir la; u yii Uwumbɔr kaa pak u.

Ilahn 81:8

Maanib, li pel man tibɔr ti m joo sur nimi na; Israel yaab, m ba gee sakpen ke ni li ŋun tii mi.

Ilahn 98:9

ba pu? u choo ke u nan joo dulnyaa la; u ga di mbimbinyaan ni ibamɔn le joo dulnyaa aanib.

Nnyam 1:17

Bimamaam ngbaan mu nan san Uwumbɔr ijawaan, le kaa kii ubɔr ngbaan aamɔb, le kaa ku mbijabim ngbaan.

Nnyam 18:21

Tɔ, tiwan ni kpee na sɔ, pɔɔn aabaa ki nyan bijab bi ga ŋmaa joo biken na, ki tii bi nsaloln aatuln bi li joo biken: bisalolm ngbaan bibaa li lik lichur lichur, bibaa mu li lik nkub nkub, bibaa mu li lik piiŋmu piiŋmu, bibaa mu li lik kipiik kipiik aanib. Cha binib ngbaan li ye binib bi san Uwumbɔr ijawaan ki tun lituln mbamɔm, kaan li gaal igaŋgaŋlik na.

Nnyam 20:7

“Ni taa yin maayimbil fam fam, min Nidindaan Uwumbɔr ga daa unii u yin maayimbil fam fam na aatafal.

Nnyam 22:20

“Ni ku unii u toor kitork tii liwaal na.

Ŋiyataŋak 16:6

Li dii mbamɔm ki li si chob aan Uwumbɔr di saatunwanbir cha pinn si. Kii tii Uwumbɔr ki taa kan tibɔbir tibaa.

Ŋiyataŋak 8:13

Saah ga nyuŋ Uwumbɔr pu na le ye ke aa yii kinimbɔŋ; maa gee kigaak, ni inimpoo, ni kinimbɔŋ aasan, ni inyamɔn aamɔliin.

Aisaya 57:3

Nimi titunwanbirdam, dan do man aan Uwumbɔr nan ji nimi tibɔr. Nimi ni bibɔɔb, ni bidagoob, ni pateer tiib ye tiwanbaan la, ubaa aa jer uken.

Jeremia 23:10

Binib bi kaa kii Uwumbɔr aamɔb na le gbii kitiŋ kee pu; baabimbin aa ŋan, le bi joo baapɔɔn tun ŋitun ŋi kaa ŋan na. Uwumbɔr aah puun lii kitiŋ pu na, le ki wii ikpowiil, le tiwakor aamoŋmɔpaan kuur.

Jeremia 27:10

Bi ŋmanni nimi la, le kina ngbaan ga cha bi chur nimi buen dandar ki cha nimi aatiŋ. M ga jenn nyan nimi, le bi ku doo nimi.

Jeremia 27:9

Taa ŋun tii bibɔnabr man, bee unii umɔk bui ke u ga ŋmaa len tiwan ni ga fe ŋa fen na tidaŋ ni, bee bitekpiib aawiin, bee binib bi joo inyɔk tun na. Bi mɔmɔk tuk nimi le ke ni taa kii tii Babiloŋ aabɔr.

Jeremia 29:23

Baah tun titunwanbir sakpen pu na, baadoon le ga li bi na; bi goor kidagook, ki di Uwumbɔr aayimbil geei inyamɔn. Uwumbɔr aa nan gee kina; u nyi baah tun pu na, le uma le ye useeraadaan. Uwumbɔr le len kina.”

Jeremia 42:5

Le bi bui mi ke, “Ti yaa yii kaa kii Tidindaan Uwumbɔr aah ga di tibɔr timɔk tuk si ke aa di tuk timi na kan, u li ye useeraadaan bamɔnn ti pu.

Jeremia 5:2

Ni bui ke ni dooni Uwumbɔr la, le nisui aa joo kina.

Jeremia 5:29

“Le min Uwumbɔr ga daa bitafal tiwan nee mɔmɔk pu; m ga teen litimbol ngbaan.

Liifai Yaab 19:13

“Ni taa ji unii ubaa pem pem, bee ni gaa waawan. Unii yaa tun saatuln kan, pɔɔn aabaa ki pa u, ki taa cha ni woln kitaak.

Liifai Yaab 20:10

Ubaa yaa koo ti doon uŋeen aatɔ Israel aanii uken aapuu chee kan, ni kpaan ki ku uja ni upii ngbaan mɔk bilee.

Liifai Yaab 20:27

“Uja, bee upii umɔk ye ubɔɔ na kan, ni mae ŋitakpal ki ku udaan ngbaan, unii umɔk ŋa kina na le ku ubaa.”

Liifai Yaab 20:6

“Ubaa yaa buen bibɔɔb chee u ti ban nsurm bitekpiib chee kan, m ga daa utafal, waan ki li ye maanib ponn ni ubaa.

Maika 1:2

Ŋitimbol mɔmɔk, ŋun tibɔr tee man, binib bimɔk bi kitiŋ kee pu na, li pel man tibɔr tee. Uwumbɔr Mpɔɔndaan ga len ibamɔn, le ki galn nimi. Li pel man. U bi waapaacham aadichal ni le ki len ni.

Habakuk 1:12

Uwumbɔr, ki nyan mpiin na, sin le ye Uwumbɔr. Sin le ye Maawumbɔr u bi chain kaa kpa ndoon na. Uwumbɔr, Ndindaan ni maakikiir, sin le lee Babiloŋ yaab ki cha bi kpa mpɔɔn ke bi ŋmaa daa timi aatafal.

Sekaria 11:12

Le m bui bi ke, “Ni yaa gee kan, pa mi maapar man. Tɔ, ni yaa kaa gee kan, ni li joo li.” Le bi tii mi tikur aamombil piitaa.

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Malakai 2:14

Ni baa le ke ba ŋa? Naah ye pu na le ye ke u nyi ke aa bii tipuur ti aa nan laa ye unachipɔɔn ki puu ti tii upii u aa nan yoor na. Aa ni upii ngbaan nan kpaan la, le aa bii tipuur ti aa nan puu tii u na, ki nyi ke aa nan puu tipuur ngbaan Uwumbɔr aanimbiin ni ke saan nya upuwɔb.

Malakai 2:17

Ni cha Uwumbɔr ti kpaan bak naah len tibɔr pu na pu. Tɔ, le ni baa ke, “Ti ŋa kinye ki tii u tibakr?” Naah len tibɔr pu na, le ni tii u tibakr; ba pu? ni len ke “Uwumbɔr Mpɔɔnsakpiindaan dak ke titunwanbirdam mɔmɔk ŋan le na; ke mbamɔn, u gee bi la,” ki ki len ke, “Uwumbɔr u tii binib ibamɔn na bi la chee?”

Tibɔnyaan ti Luk ŋmee ti na 23:40

Le bakadaan uken na kae u, le ki bui u, “Saa san Uwumbɔr aa? Aa ni u kpaan kan ntafadaan mubaa la.

Rom Yaab 3:8

Ti ga tun titunwanbir aan ni kpaln tiwan ni ŋan na aa? Taan ŋa kina kpala. Binib bibaa seei timi ki bui ke ti len kina la. Binib ngbaan ga kan ntafadaan mu ŋeer bi na.

Ikaal 15:13

N‑yoonn ngbaan, aa yaa di u lii kan, aa taa cha u li gaan iŋaalpeen.

Ikaal 18:10

Ni taa di nimi aabim see mmii ni, nimi aatork aabimbiln pu. Ni taa cha ubaa le ye ubɔɔ, ubaa mu taa ji nnyɔk. Ubaa taa ban ke u bee tiwan ni ga fe ŋa fen na.

Ikaal 24:17

“Ni taa cha biwɔwɔm, ni nkpobim lann baabamɔn, ki taa gaa ukpopii aawanpeenkaan, waah pinn aa chee tiwan ni pu na, ki bui ke see u pan saawan tii si, le aa nin giin tii u.

Ikaal 27:19

“‘Uwumbɔr aamɔpuur bi unii umɔk cha biwɔwɔm, ni nkpobim, ni bikpopiib lann baabamɔn na pu.’ “Le binib ngbaan mɔmɔk ga kpaan ki kii ke, ‘Amii.’

Ikaal 5:11

“‘Ni taa yin maayimbil fam fam; min Nidindaan Uwumbɔr ga daa unii u yin maayimbil fam fam na aatafal.

1 Tesalonika 4:6

Uja ubaa taa li ban una aabo aapuu ki tun titunwanbir timina. Ti nan tuk nimi ki sur nimi mbamɔm ke Tidindaan dar binib aatafal titunwanbir ngbaan mɔmɔk pu.

Hiibru Yaab 13:4

Tɔ, chatiib ni puutiib, ni li nyi ke Uwumbɔr le di nimi kpaan, ki li pak kina, ki taa gɔr kidagook man. Binib bi chuun bɔɔni na, ni binib bi chuun gɔr kidagook na, Uwumbɔr ga ji bi tibɔr.

Jemisi 5:12

Nnaabitiib, ni jer ni mɔmɔk na le ye ke ni taa puu nibaa pu. Ni taa puu paacham pu, ki taa puu kitiŋ pu, ki taa puu tiwan nibaa pu. Ni po len ke “Een,” bee “Aayii,” ki len mbamɔn. Ni yaa po len kina kan, Uwumbɔr aan daa nitafal.

Jemisi 5:4

Ni ji bitutum bi chee tijikaar tii nimi na pem pem, kaa pa bi. Le bi bi ki wii baapal pu. Le Uwumbɔr Mpɔɔnsakpiindaan ŋun baah wii pu na.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.