Malakai 3:17 - Uwumbɔr aagbaŋ

¹⁷ Uwumbɔr Mpɔɔnsakpiindaan ki bui ke, “Bi ga li ye maanib la. Nwiin mundaal m ga fii sil na, bi ga li ye min mbaa aanib la. M ga san bi kinimbaak ke te aah san ujapɔɔn u ter u na kinimbaak pu na la.

Malakai 3:17 ပူးပေါင်းရင်းမြစ်များ

Nehemia 13:22

M nan cha Liifai yaab toor kitork ki ŋa bibaa chain ki buen ti kii ibisamɔi ngbaan ke bi taa cha unii ubaa koor Likpaakool daal aakoobil. Uwumbɔr, teer mbɔr nimina mu pu, ki san mi kinimbaak, saageehm sakpem pu.

Ilahn 115:13

U ga ŋa waanyoor ŋa binib bi mɔmɔk nyuŋni u na pu, binikpaam ni biwaatiib mɔmɔk pu.

Ilahn 135:4

U nyan Jakob ke u li ye uyoo, u nyan Jakob aayaabitiib Israel yaab ke bi li ye waanib.

Nnyam 19:5

Dandana wee, ni yaa ga kii maaliin aan ki joo maah puu tipuur ti na kan, ni ga li ye maanib. Min le yeh dulnyaa wee mɔmɔk, nimi le ga li ye bininyaam

Nnyam 32:32

Uwumbɔr, di cha pinn bi baatunwanbir; aa yaa kaan ŋa kina kan, chuu ber maayimbil kigbaŋ ki aa ŋmee saanib aayimbil ki ponn ni na.”

Solomonn Aalahn 2:16

Mbɔɔn ye min yoo la, le m mu ye u yoo. U kpiini waawakor nsupuun ponn ni la,

Aisaya 4:2

N‑yoonn choo, le Uwumbɔr ga cha timoor ni isui imɔk bi kitiŋ ngbaan pu na muun ki li ŋan. Tijikaar ti ga ŋa kitiŋ ngbaan pu na ga tii Israel yaab bimɔk ŋmar na mpopiin ni limakl.

Aisaya 43:1

Israel yaab, Uwumbɔr u naan nimi na bui ke, “Taa san ijawaan man, m ga gaa nimi lii. Min le yin nimi, nimi aayimbil, ni ye maanib la.

Aisaya 43:21

Bima le ye binib bi m naan ki di tii mbaa na, le bi ga gaa ilahn ki pak mi.”

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Jeremia 31:33

Maah ga puu tipuupɔln ti tii Israel yaab na ga li ye le ke: M ga di maakaal ŋa baalandak ni, ki ŋmee mu bisui ponn ni. M ga li ye Baawumbɔr, le bi li ye maanib.

Esekiel 16:8

“Maah nan ki jer nima chee na, le m kan ke aa ŋeer kibɔtiik. M nan di maabɔkul biin aa pu, le ki puu tii si ke m ga li gee si. Mbamɔn, m ni si nan ŋa tichar aamɔbaan, le aa kpaln m yoo.” Aadindaan Uwumbɔr aah len pu na le na.

Sefania 2:2

waahr aan ki nin kuur ki kpo ke mmopuun na, waahr aan Uwumbɔr nin mɔk waaŋuul li wu ke mmii na aawiin nin fuu ni aa chee.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Malakai 4:3

Nwiin mundaal m ga fii sil na kan, ni ga nyaŋ bibiindam, le bi li gur bi ke kitangbaak na nitaaputan taab.

Matiu 25:34

Le min, u ye Ubɔrkpaan ngbaan na, ga bui binib bi si ŋŋangii wɔb na, ‘Nimi bi Nte Uwumbɔr ŋa tinyoor ŋa ni pu na, dan nan ji nnaan mu u nan toor siin nimi, buyoonn u nan naan dulnyaa wee na.

Jɔnn 17:24

“Nte Uwumbɔr, saah tii mi binib bi na, m ban bi mu li bi maah bi nin chee na, ki kan saah nyuŋ mi pu na; saah kaa nan kee naan dulnyaa buyoonn na, aa nan gee mi.

Rom Yaab 8:32

Uwumbɔr aa yii ke waan tii timi Ujapɔɔn. U nan di Ujapɔɔn ŋa binib aaŋaal ni ke u ti kpo ti mɔmɔk aatunwanbir pu la. Waah tii timi Ujapɔɔn na, u ga ki tii timi tiwan mɔmɔk ki kpee.

1 Korenti 15:23

Kina le bi ga li paa tɔb pu. Kristo le ye njan aanii u puen fikr nkun ni na. U yaa gir ni kan, binib bi ye uyaab na mu ga fikr nkun ni.

1 Korenti 6:20

Uwumbɔr daa nimi le ki pan. Naa yeh nibaa, Uwumbɔr le yeh nimi. Nima pu na, ni di nimi aawon tun lituln li ga nyuŋ Uwumbɔr na.

2 Korenti 6:18

M ga li ye Nite; ni mu ga li ye njapɔtiib ni mbisatiib. Min Uwumbɔr u kpa mpɔɔn mɔmɔk na, le len kina.”

Galantiya 5:24

Binib bi ye Yesu Kristo aanib na, bi yii baabimbikpok aah ban pu na mɔmɔk, ki di mbimbikpok ngbaan kpaa Yesu aadɔpuinkoo pu.

Ikaal 14:2

Nidindaan Uwumbɔr le yeh nimi, uma le nyan nimi binib bimɔk bi dulnyaa wee ponn ni na, ke ni li ye waanib.

Ikaal 7:6

Naah ye Nidindaan Uwumbɔr aanib pu na, ni ŋa kina. Nimi le u nyan dulnyaa aanib mɔmɔk ni, ke ni li ye uma ubaa aanib.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.