Malakai 3:11 - Uwumbɔr aagbaŋ

¹¹ Maan cha tiwayukaan bii nimi aajikaar, le nimi aasubil aasui ga lu sakpen.

Malakai 3:11 ပူးပေါင်းရင်းမြစ်များ

Jeremia 8:13

“M nan ban ke m kuun maanib, ke uja aah kuuni waajikaar pu na la; le bi tee naahn ŋisubil aasub bu kaa lu na, ki naahn likakaln li kaa lu na; hali laafar gbar a. Kina pu le m cha biwɔwɔm gaa kitiŋ ngbaan.”

Hosea 2:21

N‑yoonn ngbaan le m ga kii maanib Israel yaab aameel. M ga cha utaal nu kitiŋ pu, le kitiŋ ga ŋa tijikaar, ni ŋisubil ni olif aasui.

Joel 1:12

Ndaan aasubil aasui ni ŋikakan mɔmɔk bii doo a; le ŋisubil aasui mɔmɔk yɔl ki kpoi doo. Binib mɔmɔk aasuupiin doo a.

Joel 1:4

Itoon pam dan ki nan lir tijikaar pu. Itoon ibaa aah ŋman gur ni na, itoon iken nan di ŋman.

Joel 1:7

I ŋman bii timi aadaan aasui mɔmɔk, ki ŋman bii timi aakakan doo a. I ŋman lar tidapɔr mɔmɔk le ki cha ŋisubil ŋmeen.

Joel 2:20

M ga chuu nyan itoon i nan nyan ni ŋŋangan wɔb na ki ga jenn ibaa buen litambol ŋmeen aatiŋ ni. Itoon i loln i mɔmɔk pu nsan na ga buen ti koo N‑yaan Aanyusakpem na ni, le i paa puwɔb na ga buen ti koo Kaasisik ni Aanyusakpem na ni. I ga kpo, le iwon ga bur ki nuŋ. Yaa ŋa nimi pu na, nima le ga cha m ku i mɔmɔk.

Joel 2:22

Tiwakor, taa cha ijawaan li joo nimi man. Nimi aamoŋmɔpaan ki boln timosɔnn isui mɔmɔk lun ŋisubil, le ŋikakan ni ŋisubil ŋiken moo kpee.

Joel 2:25

M ga giin itoon aah di nimi aajikaar ti mɔmɔk ŋman ŋibin ŋi jer na ki ki di tii nimi. Min le nan tun ni itoon i wiir sakpen ngbaan na.

Amos 4:9

“M nan tun ni libuln li ton sakpen na ke li nan kuur nimi aajikaar. Le itoon dan nan di nimi aasar mɔmɔk ŋman, ki ŋman nimi aawanyukaan aasui, ni ŋisubil, ni nkpan aasui mu. Nee mu aapuwɔb na, naa ki gir ni m chee.

Habakuk 3:17

Ŋikakan yaa kaa ŋeen, le ndaan aasubil mu yaa kaa baa isui pu, olif aakpan aasui mu yaa yii kaa lun, le tijikaar mu yaa kaa ŋa ikpaakon ni, ipiih mu yaa kaa bi kibɔkpuk ni, le inaa mu yaa kaa bi tinaabar ni kan,

Hagai 1:11

Min le cha nweel dan kitiŋ ngbaan pu, ni ŋigongon, ni njikaabim aasar pu, ni ndaan aasubil aasui aasar pu, ni olif aakpan aasui aasar pu, ni tijikaar ti kitiŋ ga ŋmaa cha ti ŋa na pu, ni binib ni tiwakor pu. Mu dan tiwan ni mɔmɔk ni pɔɔn nibaa ke ni ko na pu.”

Hagai 2:17

M nan cha libuln li ton na, ni ŋitaatakpal ŋmeen dan nan bii naah kon tijikaar ti mɔmɔk na, le naa kee kpeln nimi aabimbin.

Sekaria 8:12

Bi ga bu baajikaar nsuudoon ni la. Baasubil aasui ga lu ŋisubil, le kitiŋ ga ŋa tijikaar, le utaal ga nu. Maatimbol aanib bi ga ŋmar na le m ga tii bi tinyoor timina mɔmɔk.

Ikaal 11:14

Ni yaa ŋa kina kan, u ga cha utaal nu kitiŋ ngbaan pu, le ni yaa ti ŋeer unaalan, ni linimoogaal aayoonn kan, u ga cha utaal nu. Nima kan, ni ga li kpa njikaabim, ni ŋisubil aadaan, ni olif aakpan sakpen.