Malakai 3:10 - Uwumbɔr aagbaŋ

¹⁰ Ni li joo ni naah yakr tiwan ni ke ni ye min yaan na Maadichal ni, aan tijikaar li bi li ponn ni. Tɔŋ mi man aan ki kan ke m ga piir paacham aatakolu tiib waan, ki cha tijikaar gbiin nimi aatiŋ.

Malakai 3:10 ပူးပေါင်းရင်းမြစ်များ

Mpiin 28:22

Litakpal li m di ŋum do ke m li joo teer saabɔr na ga li ye nin chee m ga li dooni si na, le saah ga tii mi tiwan ni na mɔmɔk, m ga nyan nibaabaa kipiik mɔk ponn ni ki giin tii si.”

Mpiin 7:11

N‑yoonn mu Nowa ti saa ŋibin ikui iloob na, uŋmaleler aawiin kipiik ni ilole daal, le kitiŋ puu nnyun sakpen, le kitaapaak chuu piir,

2 Bibɔrb 7:19

Waah len kina na, le uninkpel ngbaan mu len ke, “Hali Uwumbɔr ubaa le yaa kpaan cha njikaabim fuu ni kan, kina aan ŋmaa ŋa.” Le Elaisa gar u ke, “Aa ga kan kina bi ŋani, le aa ma aan tee ji tijikaar ngbaan tibaa.”

2 Bibɔrb 7:2

Ubɔr aajɔ nan bui Elaisa ke, “Hali Uwumbɔr ubaa le yaa kpaan cha njikaabim fuu ni kan, kina aan ŋmaa ŋa.” Le Elaisa gar u ke, “Aa ga kan kina bi ŋani, le aa ma aan tee ji tijikaar ngbaan tibaa.”

1 Bibɔrb Aabɔr 26:20

Biŋeen aatɔtiib Liifai yaab biken nan yeh ŋimombil ni tijikaar aadir ti bi joo ipiin i bi di tii Uwumbɔr na aatun.

Nehemia 12:44

N‑yoonn ngbaan le bi nan ban bijab kaan kiir tidir ti bi joo tijikaar, ni tiwan niken siini na, ni baah di Uwumbɔr Aadichal aajikaar ti bi too too na di ŋa ti ponn ni na; bi nan di ukpaal mɔmɔk aah tii waajikaar aapiin i na, ni libiln mɔk aajikaabim mu puen biir na, ni ŋisubil ŋi mu puen puir na mu di kpee ti pu. Bijab ngbaan le nan ye bi ga li gaal ikpaakon i bi duun ntim mɔmɔk na, bitotoorb ni Liifai yaab aajikaar ti bi too tii bi, Nkaal aah mɔk pu na nan tii bi. Binib mɔmɔk nan kpa mpopiin bitotoorb ni Liifai yaab ngbaan pu;

Nehemia 12:47

Serubabel aayoonn, ni Nehemia aayoonn na, Israel aanib nan tii iwiin mɔmɔk aajikaar ki joo ter Uwumbɔr Aadichal ponn ni aalahngaab, ni biwangbaab, ni Uwumbɔr Aadichal aakikiib. Binib ngbaan nan ki di tijikaar tii Uwumbɔr, ti li ye Liifai yaab yaan, le bi mu ki lee tii bitotoorb, nkaal aah mɔk pu na.

Nehemia 13:5

U nan di kidiik ki wiir na tii Tobia. Kidiik ngbaan nan ye kidiik ki ponn ni bi nan siini tijikaar ti binib tii Uwumbɔr na, ni Uwumbɔr aatulalee aayon, ni Uwumbɔr Aadichal ponn ni aawan, ni ipiin i binib nan tii bitotoorb na; ni njikaabim, ni ŋisubil aadaan, ni olif aakpan aapiin i bi joo tii Liifai yaab, ni bilahngaab, ni biwangbaab, ni Uwumbɔr Aadichal aakikiib na.

Ilahn 37:3

Di naadii tii Uwumbɔr, ki li ŋani ni ŋan na; li bi kitiŋ kee pu ki li kpa limɔfal.

Ilahn 78:23

Le u len kitaapaak chee tibɔr ki bui ke kaabisamɔi chuu piir;

Ulandaan 11:3

Busub yaa gee bu lir lipepel li wɔb na kan, bu ga li dɔ bu aah lir nin chee na la. Ntaalangbam yaa ti gbiin nnyun kan, le utaal nu.

Esekiel 34:26

“M ga ŋa maanyoor ŋa i pu ki cha i li bi maagongoln li bi chain na pu. Nima chee, le i yaa ban utaal kan, m ga tii i yaah ban pu na.

Esekiel 44:30

Bitotoorb le yeh njan aajikaar nyaan ti bi puen chee na, ni tiwan ni mɔmɔk bi di toor kitork tii mi na. N‑yoonn mu mɔmɔk Israel aanib puen ŋa boroboro na, bi di njan aaboroboro kpiln tii bitotoorb, aan ni li ye ipiin ki tii mi. Nima kan, maanyoor ga li bi baadichal pu.

Hosea 2:21

N‑yoonn ngbaan le m ga kii maanib Israel yaab aameel. M ga cha utaal nu kitiŋ pu, le kitiŋ ga ŋa tijikaar, ni ŋisubil ni olif aasui.

Joel 2:19

U kii baameel ki len ke: “Dandana wee m ban m tii nimi tijikaar ni ndaan, ni olif aakpan, aan ni mɔɔr nimi. Ŋinibol ŋiken aan ki lik seen nimi.

Joel 2:24

Ŋijikaapaa mɔmɔk ga gbiin tijikaar; ndaan aasubil ni nkpan mu ga li wiir.

Liifai Yaab 26:10

Ni ga chee tijikaar kpok mae, le ki nin kan mpaan ki di tijikaapɔnn ŋa ŋipil ni.

Liifai Yaab 26:3

“Ni yaa bi maakaal aah mɔk nimi pu na, ki kii maah len pu na mɔmɔk kan,

Liifai Yaab 27:30

Ni yaa kan tiwan nimɔk kitiŋ ngbaan ni na, ni yaa ye njikaabim, bee ŋisubil kan, ni ŋaŋ ki ti saa nfum kipiik, ki nyan nibaa, ni li ye Uwumbɔr yaan.

Hagai 2:19

Tɔ, njikaabim mubaa aa gur, le ndaan aasubil ni ŋikakan, ni ŋisubil ŋiken na, ni olif aakpan aasui mu aa kee lun; ki nya din wee ki joo cha, m ga ŋa tinyoor ŋa ni pu.”

Nkahm 18:21

Uwumbɔr nan bui ke, “M di tiwan nibaabaa ni Israel yaab nyan kipiik mɔmɔk ni tii mi na, tii Liifai yaab. Baah bi Maabool ponn ni ki tun pu na aapar le na.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Ikaal 12:6

Nima chee le ni ga toor nimi aatoor ti ni ga li joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni nimi aapiin, ni ni yaa puu Uwumbɔr tipuur kan, naah ga pa pu na, ni nibaa aageehn aapiin, ni nimi aawakor aajan aabim aapar.

Ikaal 14:22

“Ni yaa kon ki chee nimi aajikaar kan, ni faa ti ŋikpuk kipiik, kipiik, ki ti nyan tibaa kipiik mɔmɔk ponn ni, libiln mɔmɔk ponn ni.

Ikaal 14:29

Tijikaar ngbaan le Liifai yaab, ni biwɔwɔm, ni nkpobim, ni bikpopiib bi bi nimi aatim ni na mu ga li ji. (Liifai yaab aa kpa bibaa aakpaakon.) Nima chee le bi ga dan ki nan kan baah ban tijikaar ti na. Ni li ŋani kina, nima kan, Nidindaan Uwumbɔr ga ŋa tinyoor ŋa nimi aatuln mɔmɔk pu.

Ikaal 28:12

U ga cha utaal nyan ni paacham ki nan nu n‑yoonn mu ŋeer na, le nimi aatiŋ ga ŋa tijikaar pam, nima kan, ni ga pinn tii ŋinibol pam, le nimi ma aan buen bi chee ke ni ti pinn nibaa.