Malakai 2:8 - Uwumbɔr aagbaŋ

⁸ “Le nimi bitotoorb yii isan i ŋan na. Naah mɔk binib pu na cha bi yenn ki tun titunwanbir la. Ni bii tipuur ti m nan puu tii nimi aayaaja Liifai na.

Malakai 2:8 ပူးပေါင်းရင်းမြစ်များ

2 Bibɔrb 16:11

Le Uria maa kina aatork aabimbiln, aan li ni lima ngbaan ye tiwanbaan, le ki maa li doo le Ahas nin gir kun ni.

Nehemia 13:29

Uwumbɔr, teer binib ngbaan aah nan bii bitotoorb aatuln, ni tipuur ti aa nan puu ki tii bitotoorb ni Liifai yaab na.

Ilahn 119:102

Sin aabaa aah ye maamɔmɔkr na, maa lik saakaal fam.

Ilahn 18:21

M kii Uwumbɔr aakaal; maa fenn mpuwɔb tii Maawumbɔr.

Ŋiyataŋak 12:8

Aa yaa kpa ichiin kan, aa ga kan kipak; aa yaa ye ulatiir kan, binib ga lik seen si.

Aisaya 30:11

Siir cha timi nsan man. Taa ban ti ŋun Israel yaab Aawumbɔr u bi chain na aabɔr.”

Aisaya 59:13

Ti yii si, kaa si aapuwɔb, kaa dii saasan. Ti muk biken, ki fenn tipuwɔb tii si. Timi aalandak, ni timi aamɔliin mɔmɔk ye inyamɔn la.

Aisaya 9:16

Binib bi loln bi pu nsan na di bi yenn a, ki cha bilan ŋmal bi.

Jeremia 17:13

Uwumbɔr, sin le ye Israel yaab aamakl; binib bi mɔmɔk yii si na ga nan ji inimɔɔn. Bi ga wɔŋ ke ŋiyimbil ŋi bi ŋmee ŋi titan ni na la, ba pu? bi yii si Uwumbɔr u bi ke nnyunbun mu tii limɔfal na.

Jeremia 17:5

Uwumbɔr len ke, “M ga bii unii u fenn upuwɔb tii mi ki tee kpa unibɔn u ga kpo na aapɔɔn pu limakl na.

Jeremia 18:15

Le maanib ma suln mbɔr; bi seer tulalee aayon mmii ni tii ŋiwaa la. Bi gbeer nsan mu ponn ni bi ba ga dii mu na la, baa ki dii n‑yaajayoonn aasan na; bi chuun nsanbim mu baa daan mu na pu la.

Jeremia 2:8

Bitotoorb aa nan ŋmaa baa ke, ‘Uwumbɔr bi la chee?’ Min mbaa aatotoorb aa nan nyi mi. Bitinjoob nan yii mi ki nyan mpuwɔb; le maabɔnabtiib nan joo uwaaja Baal aayimbil le nabr tibɔr ki dooni ŋiwaa ŋi kaa bi tibaa ni na.

Esekiel 22:26

Bitotoorb bii maakaal, le kaa pak tiwan ni ye chain na. Baa yakr tiwan ni bi chain na, ni ni kaa bi chain na. Baa mɔk tiwan ni bi chain na, ni ni kaa bi chain na aah kaa kpaa pu na, le ki cha bitafal aa bi Likpaakool daal ni. Kina pu na, Israel aanib aa pak mi.

Esekiel 44:10

Uwumbɔr nan ki bui mi ke, “M ban m daa Liifai yaab ni Israel aanib bi gur ki nan yii mi ki dooni ŋiwaa na aatafal la.

Esekiel 44:12

Tɔ, min Bidindaan Uwumbɔr puu tipuur kpaan ke baah nan toor ŋiwaa aatork tii Israel aanib, ki di bi koon titunwanbir aatun ni na, see bi kan ntafadaan.

Esekiel 44:7

Buyoonn bi bi joo kitork aawakor aakpan ni nsin tii mi na, le bi cha biwɔwɔm bi kaa gii ŋichakpan ki ye binib bi kaa kii maamɔb na koo ni Maadichal ni ki bii li. Kina le maanib ŋani tiwan ni sukr ponn ni na ki yii maah puu tipuur ti na tii bi.

Hosea 4:6

Maanib aah kaa bee mi na, le baamɔfal ga junn. Nimi bitotoorb yii ke naan bee mi, le ki yii maakaal, kina pu le m mu yii nimi, kaan kii ke nijapɔtiib li ye maatotoorb.

Liifai Yaab 21:15

Ni yaa kaa ye kina kan, waabim bi ba ga li ye chain aabim na aan li bi chain. Min le ye Uwumbɔr ki nyan u ke u li ye Utotoorninkpel.”

Sefania 3:4

Uwumbɔr aabɔnabr bi bi ki ponn ni na kpa kigaak kaa kpa mbamɔn; le bitotoorb bii tiwan ni bi chain na, le ki fenn Uwumbɔr aakaal diir baah gee niwɔb na.

Malakai 1:6

Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Malakai 2:5

“M nan puu tipuur tii bi ke bi ga li kpa limɔfafɔfɔŋ ni laafee, ki nan sil tii bi tiwan ngbaan, ke bi li pak mi. N‑yaayoonn ngbaan na bi nan pak mi ki san mi.

Nkahm 25:12

Nima pu na, bui u ke m ban m puu tipuukpaan tii u, ti li kpa mpɔɔn ki cha n‑yoonn mu kaa kpa ndoon na.

Nkahm 25:13

Waah kaa kii ke Israel yaab ki li dooni ubaa ki kpee m pu, ki joo ni chapinn baatunwanbir pu na, u ni waamaal ga li ye bitotoorb le n‑yoonn mɔmɔk.”

Rom Yaab 14:21

Ni ŋan ke aa taa kiir aana aabo Uwumbɔr aasan ni; ni taa ŋmɔ kitork aanann, ki taa nyu ndaan, ki taa ŋa tiwan nibaa ni ga cha aana aabo tun titunwanbir ki lir na.

Hiibru Yaab 3:12

Nnaabitiib, ni li nyi man, ni ponn ni ubaa aasui taa li bir aan u li joo beeni ki yii Uwumbɔr u ye limɔfadaan na.

1 Samuel 2:17

Baah nan lik seen Uwumbɔr aatork pu na, Eli aajapɔtiib aatunwanbir ngbaan nan bir Uwumbɔr chee pam.

1 Samuel 2:24

Njapɔtiib, di cha man ni. Tiwan ni Uwumbɔr aanib len naabɔr na aa ŋan kpala.

1 Samuel 2:30

Min, Israel yaab Aadindaan Uwumbɔr le nan puu n‑yoonn mu jer na ke saadichal ni saamaal le ga li tun maatuln ke bitotoorb na n‑yoonn mɔmɔk. Le dandana wee m len ke maan ŋa nimi kina. Maah ga ŋa pu na sɔ, m ga nyuŋ binib bi nyuŋni mi na la, le ki lik seen binib bi lik mi fam na.