Malakai 2:7 - Uwumbɔr aagbaŋ

⁷ Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Malakai 2:7 ပူးပေါင်းရင်းမြစ်များ

2 Bibɔrb 16:11

Le Uria maa kina aatork aabimbiln, aan li ni lima ngbaan ye tiwanbaan, le ki maa li doo le Ahas nin gir kun ni.

2 Bibɔrb 16:16

Le Uria nan ŋa ubɔr aah bui u pu na.

2 Bibɔrb Aabɔr 30:22

Hesekia nan pak Liifai yaab ngbaan baah nan di nlan mu tun baatuln ki joo cha Uwumbɔr aadoon chee na pu. Iwiin ilole i ponn ni bi nan toor kitork ki pak biyaajatiib Aadindaan Uwumbɔr na aah jer na,

2 Bibɔrb Aabɔr 31:4

Ubɔr nan ki tuk Jerusalem aanib ke bi li joo ni ipiin i ye bitotoorb ni Liifai yaab yaan na, aan bi ŋmaa kan mpaan ki li ŋani Uwumbɔr Aakaal aah ban pu na.

Esra 7:10

Esra nan di ubaa tii Uwumbɔr Aakaal aabaem la, le ki tun yaah len pu na, ki joo i, ni yaah len pu na mɔk Israel aanib.

Esra 7:25

“Le sin Esra, di nlan mu Uwumbɔr tii si na ban binib bi ga li lik ŋitun aabɔŋ na, ni bibɔjirb bi ga li joo Yufrates Aamɔɔl Aawilir aapepel aanib bi mɔmɔk bi Saawumbɔr aakaal ponn ni na. Aa mɔk unii umɔk aa nyi Nkaal ngbaan na.

Ŋiyataŋak 5:2

Kina kan, aa ga li nyi saah ga li bi pu na, ki cha saamɔliin mɔk ke aa kpa nlan.

Ulandaan 5:5

Aa yaa kaa puu tipuur kpala kan, ni soor ni ke aa puu kaa ŋa saah puu pu na.

Aisaya 42:19

Ubaa ki bi ki jɔb jer maatutunn aa? Ubaa kpaa jer maatuun mu m tun na aa?

Aisaya 44:26

Le maatutunn ma yaa len ke tiwan ni ga ŋa na kan, bee m yaa ti ki tun ni maatuun ke u nan kpiir maalandak tuk binib kan, m cha ilandak ngbaan ni tibɔr ngbaan gbiini la. M tuk Jerusalem ke binib ga ki gir koo ni ki ponn ni, ki ga gir maa Juda aatisakpem na mɔmɔk. Ntisakpem ngbaan ga fii nyan ni mu aah nan ber pu na ni.

Jeremia 15:19

Uwumbɔr aah nan gar pu na sɔ, “Aa yaa fenn ki gir ni kan, m ga ki gaa si, le aa ki gir ŋa maatutunn. Aa yaa di cha bɔyɔlyɔl aalem ki yaa len maabɔnyaan kan, aa ga ki ŋa maabɔnabr. Le binib ngbaan ga gir ni aa chee, saan ki li ban ke aa buen bi chee.

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 2:8

Bitotoorb aa nan ŋmaa baa ke, ‘Uwumbɔr bi la chee?’ Min mbaa aatotoorb aa nan nyi mi. Bitinjoob nan yii mi ki nyan mpuwɔb; le maabɔnabtiib nan joo uwaaja Baal aayimbil le nabr tibɔr ki dooni ŋiwaa ŋi kaa bi tibaa ni na.

Esekiel 22:26

Bitotoorb bii maakaal, le kaa pak tiwan ni ye chain na. Baa yakr tiwan ni bi chain na, ni ni kaa bi chain na. Baa mɔk tiwan ni bi chain na, ni ni kaa bi chain na aah kaa kpaa pu na, le ki cha bitafal aa bi Likpaakool daal ni. Kina pu na, Israel aanib aa pak mi.

Esekiel 7:26

Tibɔbir tibaa ga dan, le tiken paan ni ti pu, le tibɔbir ga li puu fuur ni nimi ke nkpen aah puu pu na. Ni ga gaŋ maabɔnabtiib ke bi tuk nimi baah kan tibɔr ti ga dan ni pu na. Bitotoorb aan li kpa nibaa bi di mɔk binib, le bininkpiib aan li kpa nsurm mubaa bi tii.

Daniel 11:33

Binib ngbaan aaninkpiib bi kpa nlan na ga di baalan yakr tii binib pam. Le bi ponn ni bibaa ga kpo butɔb ni; bi ga see bibaa mu mmii ponn ni bi ti kpo, le ki su bibaa mu kinaayuk ki di bi ŋa kiyondiik ni; tɔ, falaa ngbaan mu aan yunn.

Hosea 4:6

Maanib aah kaa bee mi na, le baamɔfal ga junn. Nimi bitotoorb yii ke naan bee mi, le ki yii maakaal, kina pu le m mu yii nimi, kaan kii ke nijapɔtiib li ye maatotoorb.

Liifai Yaab 10:11

Maah di ikaal imɔk tii Moses aan u di mɔk si na, aa di i mɔk Israel aanib mɔmɔk.”

Sefania 3:4

Uwumbɔr aabɔnabr bi bi ki ponn ni na kpa kigaak kaa kpa mbamɔn; le bitotoorb bii tiwan ni bi chain na, le ki fenn Uwumbɔr aakaal diir baah gee niwɔb na.

Hagai 1:13

Le Hagai u ye Uwumbɔr aatuun na bui binib ngbaan ke uma Uwumbɔr puu tipuur ke: “M bi ni chee la.”

Sekaria 7:3

ki baa waabɔnabtiib ni bitotoorb mbaan mumina ke: “Ti li beenin wii Uwumbɔr Aadichal aah bii pu na, ki lulni bumɔb ŋmaŋmu ni ke taah puen ŋa ŋibin ŋi jer pam na ni pu na aa?”

Malakai 3:1

Tɔ, Uwumbɔr Mpɔɔnsakpiindaan gar ke, “M ga tun ni maatuun aan u nan toor nsan siin mi. Le Dindaan u ni ban na ga fuu ni libuul ngbaan ni, Waadichal ni. Ntuun mu ni neen sakpen ke ni kan mu na ga dan ki nan di maah puu tipuur ti na moon.”

Nkahm 27:21

U ga li lik Eleasar u ye utotoor na le pu, uma Eleasar le ga di tiwan ni bi yin ni ke Urim ni Tumim na bee maah ban pu na, le ki mɔk Josua, ni Israel yaab mɔmɔk, baah ga li dii mi pu na.”

Jɔnn 13:20

M tuk nimi mbamɔn la, unii yaa gaa maah ga tun unii u na, u gaa mi le na. Unii yaa gaa mi kan, u gaa Uwumbɔr u tun ni mi na le na.”

Jɔnn 20:21

Le u ki bui bi, “Ni li kpa nsuudoon man. Nte Uwumbɔr aah tun ni mi pu na, kina le m mu tun nimi.”

Lituln 16:17

Le u paan ni ti ni Pɔɔl aapuwɔb, ki tar ke, “Bijab bimina le ye Uwumbɔr u kaa kpa ŋeen aatɔ na aanaagbiib. Bi tuk nimi naah ga ŋa pu ki ŋmar na.”

2 Korenti 5:20

Ti sil Kristo aasisiiyaan, le ki gaŋni nimi. Ni bi ke Uwumbɔr ubaa le aah gaŋni nimi na. Ti gaŋni nimi ki tii Kristo, ke ni gir ni Uwumbɔr chee man.

Galantiya 4:14

Le ni ŋa mi tibulchinn, kaa lik mi fam, kaa yii mi ke m ye iween aanii. Ni nan gaa mi ke naah ba ga gaa Uwumbɔr aatuun, bee Yesu Kristo pu na.

Ikaal 21:5

Liifai aanib bi ye bitotoorb na mu li bi nima chee, ba pu? bima le ga ŋmaa len kina aakun aabɔr. Nidindaan Uwumbɔr le nyan bi ke bi li tun waatuln, aan ki li joo waayimbil ŋani tinyoor ŋani binib pu.

Ikaal 24:8

“Ni ponn ni ubaa yaa kpa tiwon aaween i bir na kan, ni pɔɔn nibaa ki ŋa Liifai aatotoorb aah ga bui nimi pu na. Ni ŋa maah tuk bi ikaal i na mɔmɔk.

1 Tesalonika 4:8

Unii umɔk yii mmɔkm ngbaan na, naa ye binib aamɔkm le u yii, u yii Uwumbɔr u tii nimi Waafuur Nyaan na aamɔkm la.

1 Samuel 2:17

Baah nan lik seen Uwumbɔr aatork pu na, Eli aajapɔtiib aatunwanbir ngbaan nan bir Uwumbɔr chee pam.