Malakai 2:2 - Uwumbɔr aagbaŋ

² Ni li nyuŋni mi nimi aatun mɔmɔk ni. Ni yaa kaa pel maah len pu na kan, m ga puun lii ni pu. M ga puun lii baah tii nimi tiwan ni na pu. Mbamɔn, naah kaa joo maakaal mbamɔm pu na, m puen puun lii ni pu a.

Malakai 2:2 ပူးပေါင်းရင်းမြစ်များ

Ilahn 69:22

Cha baajikaar aajim kpaln baadoon; cha baawaatork kpaln baalirm.

Ŋiyataŋak 3:33

Uwumbɔr puuni lir bibiindam aadichal pu, le ki ŋani waanyoor ŋani binib bi aabimbin ŋan na aadichal pu.

Aisaya 42:25

Kina pu le u cha ti kan waaŋuul aah pɔɔ pu na, ki cha ti jin butɔb aafalaa. Waaŋuul wu ke mmii na le Israel aatim ni, le taa nan bee tiwan ni bi ŋani na; taa nan bae nibaa ni ponn ni.

Aisaya 47:7

Aa nan dak ke aa ga li ye upiibɔr le n‑yoonn mɔmɔk, kaa di tibaa ŋa aasui ni, kaa dakl lik naah ga nan doo pu na.

Aisaya 57:11

Uwumbɔr bui ke, “Ŋiwaa ŋi cha ijawaan chur nimi na ye ŋma, le ni tuk mi inyamɔn aabɔr ki suln m pu kookoo? Maah ŋmin suuna kaa ki gar nimi ni yunn sakpen na, le naa ki pak mi ii?

Jeremia 34:17

Le min Uwumbɔr bui ke ni yii maamɔboln, ke naan tii nina aabitiib Israel yaab lifuur li bi ban na. Kina pu na, m ga tii nimi lifuur, m ga tii nimi lifuur ke ni kpo butɔb ni, ni iween ni, ni nkon ni. Maah ga ŋa nimi pu na ga cha dulnyaa wee aatimbol mɔmɔk san ijawaan.

Esekiel 3:7

le Israel aanii ubaa aan li ban ke u pel; baan kpaan pel min mbaa chee kpala. Bi mɔmɔk kpa tafalaaŋun le ki ye bimɔyiib.

Hagai 1:6

Ni bun njikaabim pam, le ki tee nan chee njikaabim pɔkaa kina. Ni kpa tijikaar ni ji, le ki mu aa babr. Ni kpa ndaan ni nyu, le mu aa tee gbii nimi. Ni kpa tiwanpeenkaan, le ni mu aa leer nimi tiwoor. Bijab bi tun lituln ki gaal lipal na aapal aa fuur bi.

Hagai 1:9

“Ni nan mak ke ni ga nan chee tijikaar sakpen, le naa nan kpann kpala. Le naah di tijikaar ngbaan kun linampal na, m pii ti libuln di buen. Ba ŋa aan m ŋa kina? Unii mɔk aanimbil aah man ubaa aadichal pu aan Maadichal ber ki dɔ na pu le cha m ŋa kina.

Malakai 2:1

Uwumbɔr Mpɔɔnsakpiindaan bui bitotoorb ke, “Nkaal mumina ye nimi yoo la.

Malakai 3:9

Litimbol mɔln ngbaan mɔmɔk aah ji mi pem pem pu na le m puun lii ni mɔmɔk pu.

Tibɔnyaan ti Luk ŋmee ti na 17:18

Ubaa aa gir ni u nan nyuŋ Uwumbɔr see uwɔwɔnja ngbaan baanja aa?”

Josua 7:19

Le Josua bui u ke, “Maabo, len timi Israel yaab Aadindaan Uwumbɔr aanimbiin ni do ibamɔn, ki kpiir saatunwanbir. Tuk mi dandana wee saah ŋa tiwan ni na. Taa di tibaa bɔr mi.”

1 Piita 4:11

Uwumbɔr yaa tii unii ipiin ke u len Uwumbɔr aabɔr kan, u teer ke ni ye Uwumbɔr aabɔr le u len. Uwumbɔr yaa tii unii ipiin ke u ter biken kan, u li ter bi Uwumbɔr aah tii u mpɔɔn pu na. Ni li nyuŋni Uwumbɔr tiwan mɔmɔk ni, Yesu Kristo pu. Uma le yeh mpakm ni mpɔɔn n‑yoonn mu kaa kpa ndoon na. Amii.

Tibɔkpiirkaan 14:7

Le Uwumbɔr aatuun ngbaan len mpɔɔn pu ke, “Ni li san Uwumbɔr, ki nyuŋ u man; ba pu? ni ŋeer u ji binib tibɔr. Ni li pak Uwumbɔr u nan naan paacham, ni kitiŋ, ni nnyusakpem, ni nnyun mɔmɔk na.”

Tibɔkpiirkaan 16:9

Le ntoton sakpen seer binib. Le bi sii Uwumbɔr u kpa mpɔɔn ki cha bi ji falaa kina na. Baa kpeln baabimbin, kaa nyuŋ u.