Malakai 2:17 - Uwumbɔr aagbaŋ

¹⁷ Ni cha Uwumbɔr ti kpaan bak naah len tibɔr pu na pu. Tɔ, le ni baa ke, “Ti ŋa kinye ki tii u tibakr?” Naah len tibɔr pu na, le ni tii u tibakr; ba pu? ni len ke “Uwumbɔr Mpɔɔnsakpiindaan dak ke titunwanbirdam mɔmɔk ŋan le na; ke mbamɔn, u gee bi la,” ki ki len ke, “Uwumbɔr u tii binib ibamɔn na bi la chee?”

Malakai 2:17 ပူးပေါင်းရင်းမြစ်များ

Job Aagbaŋ 34:17

Uwumbɔr mbimbinyaan daan le aa bui ke waabɔr aa ŋan aa? Aa dak ke waa gee ibamɔn aa?

Job Aagbaŋ 34:36

Dakl lik Job aah len pu na mɔmɔk ni; aa ga kan ke u len tibɔr ke utunwanbirdaan na la.

Job Aagbaŋ 36:17

Tɔ, dandana wee le aa kan ntafadaan mu ŋeer si na.

Job Aagbaŋ 9:24

Uwumbɔr di dulnyaa wee tii bibiindam la. U cha bibɔjirb mɔmɔk jɔb. Uwumbɔr yaa kaa ŋa kina kan, ŋma ŋa?

Ulandaan 8:11

Ba ŋa binib gee ki tun titunwanbir? Naah ye pu na le ye ke baa dar titunwanbirdam aatafal mala ke baah tun ti pu na.

Aisaya 1:14

Nimina mɔmɔk ye lituln li m nan bak ki ki bak li pu na la.

Aisaya 29:15

Binib bi joo baalandak bɔrni Uwumbɔr na aamɔfal junn a. Bi bɔrni le ki ŋani baatunwanbir ki dak ke ubaa aan kan bi, ubaa mu aan li nyi baah ŋani pu na.

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 43:22

Uwumbɔr bui ke, “Israel yaab, ni nan nuur mi, naa nan dooni mi.

Aisaya 43:24

Naa nan daa tulalee aayon tii mi, kaa nan di nimi aawakor aakpan tii mi. Naah nan tee tii mi tiwan ni na le ye nimi aatunwanbir; ni nan cha nlaasaab ti nyan mbaa ni nimi aatunwanbir ti ni tun na pu.

Aisaya 7:13

Waah len kina na, le Aisaya giin bui u ke, “Ubɔrkpaan David aayaabitiib, li pel man, naa ŋan ke ni cha unibɔn aalaasaab nyan nimi ni, le ni ki ban ke Uwumbɔr mu aalaasaab nyan nimi ni ii?

Jeremia 12:1

“Uwumbɔr, m yaa ban m ni sin kpak tibɔr pu kan, aa ga li kpa mbamɔn. Tɔ, m mu tee ga baa si ibamɔn aabɔr tibaa pu. Ni ŋa kinye aan bibiindam kani liwangol? Ni ŋa kinye aan beebeedam nya tibɔr ni n‑yoonn mɔmɔk?

Jeremia 15:6

Nimi le yii mi, ni fenn nipuwɔb tii mi. Kina pu le m taln ŋŋaal ki faa nimi, ba pu? maa nan ki ŋmaa chuu maaŋuul.

Jeremia 17:15

Le binib ngbaan bui mi ke, “Uwumbɔr aah faani timi pu na bi la chee? Cha u ŋa waah faani timi pu na.”

Jeremia 44:22

Din wee na, nimi aatiŋ dɔ nkuun, le ubaa aa bi ki pu. Binib gur san ki ijawaan la, le Uwumbɔr aah kaa nan ki ŋmaa gaa nimi aabiin ni titunwanbir pu na, le binib gur joo kaayimbil puuni lir biken pu.

Esekiel 16:43

Aa suln saah nan ye ubo aan m joo si pu na, le ki cha maaŋuul fii saah tun ŋitun ŋi na pu. Nima pu le m cha aa pan ni mɔmɔk pu. Ba ŋa aa di kidagook di kpee tiwan ni mɔmɔk aa ŋani aan ni sukr ponn ni na pu?” Aadindaan Uwumbɔr le len kina.

Esekiel 18:25

“Tɔ, le ni len ke, ‘Uwumbɔr aah ŋani pu na aa ŋan.’ Nimi Israel yaab, li pel man. Ni dak ke maah ŋani pu na aa ŋan la aa? Nimi aawanŋar le aa ŋan.

Esekiel 8:12

Uwumbɔr nan baa mi ke, “Unibɔn, aa kan Israel yaab aah looni ki tun ŋitun ŋi libɔɔl ni na aa? Bi mɔmɔk bi kidiik ki ponn ni ye ŋiwaa ŋmeen na, le ki dooni ŋi. Baah len pu na le ye ke, ‘Uwumbɔr aa waa timi. Waa ki bi timi aatiŋ pu.’”

Esekiel 9:9

Uwumbɔr nan gar ke, “Israel aanib ni Juda aanib aabɔr gbii titunwanbir ti bir sakpen na. Bi ku binib kitiŋ kee mɔmɔk pu, le ki di libiil gbiin Jerusalem aatiŋ ni. Bi bui ke min Uwumbɔr yii baatiŋ, kaa ki waa bi.

Amos 2:13

Dandana, m ga ŋa nimi ke unii u tu lituln aan li nyaŋ u na la.

Sefania 1:12

“N‑yoonn ngbaan le m ga yoor karyaa ki biln Jerusalem aatiŋ ponn ni. M ga daa binib bi lik bibaa ke bi ye bininyuum ki lik pak bibaa na aatafal. Bi len ke, ‘Uwumbɔr aa ŋani nibaa ni ŋan, kaa ŋani ni kaa ŋan na mu.’

Malakai 2:14

Ni baa le ke ba ŋa? Naah ye pu na le ye ke u nyi ke aa bii tipuur ti aa nan laa ye unachipɔɔn ki puu ti tii upii u aa nan yoor na. Aa ni upii ngbaan nan kpaan la, le aa bii tipuur ti aa nan puu tii u na, ki nyi ke aa nan puu tipuur ngbaan Uwumbɔr aanimbiin ni ke saan nya upuwɔb.

Malakai 3:8

Le m ga baa nimi ke ni ŋan ke unii ji Uwumbɔr pem pem aa? Mbamɔn, naa ŋan; le nima tee ji mi pem pem. Le ni ki baa ke, ‘Kinye aan ti ji si pem pem?’ Le m ga gar nimi ke naah yakr nimi aatuln aanyoor aageln li tii mi na, ni ipiin i ni tii mi na, le ni ji mi.

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

1 Samuel 2:3

Di cha nimi aapupuk ngbaan man; ŋmin man nimi aagaak aamɔliin ngbaan; ba pu? Uwumbɔr ye Uwumbɔr u nyi na la, le ki nyi binib mɔmɔk aah ŋani pu na.