Malakai 2:13 - Uwumbɔr aagbaŋ

¹³ Naah ki ŋani tiwan ni mu kpee na sɔ: Ni pu, le bipiib wii ki di tinyunyunn gbiin Uwumbɔr aatork aabimbiln pu, kina pu na le Uwumbɔr aa ki gaal nimi aapiin i ni joo nan tii u na.

Malakai 2:13 ပူးပေါင်းရင်းမြစ်များ

Nehemia 5:1

Naah ŋa iwiin ilee na le binib pam, bijab ni bipiib mɔmɔk, piin ki ŋulni Juu yaab biken aah ŋani bi pu na.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Ŋiyataŋak 21:27

Uwumbɔr aa gee titunwanbirdam aah toor kitork ki tii u na la. Waah nan ki sakpen na le ye kitork ki bi kpa tilandakwanbir bisui ni ki toor na.

Ulandaan 4:1

Le m ki fenn lik beebee aatuln li tun dulnyaa wee ni na. Baah muk binib bi na nan wii la, le ubaa aa ter bi. Binib bi muk bi na nan kpa mpɔɔn la, le ubaa aa nan ter bi.

Jeremia 11:14

Jeremia, taa mee limeel tii binib ngbaan, taa gaŋ mi bi pu. Bi yaa bi tibɔr ni ki yin mi ki ban nterm kan, maan gar bi.”

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Malakai 1:10

Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Ikaal 15:9

Ni taa yii ki bui ke libiln li ni ga di cha pinn bipɔndam na peen a, naan ki tii u nibaa. Ni taa cha tilandakbir kina aaboln koo nisui ni. Ni yaa yii ke naan tii udaan kan, u ga wii ki yin Uwumbɔr naah ŋa u tiwan ni na pu, le Uwumbɔr ga chuu si taani.

Ikaal 26:14

Maah nan wii ikpowiil na, maa nan jin ti ponn ni, buyoonn maa nan bi chain na, maa nan lee ti ponn ni ngem nyan maadichal ni, ki mu aa lee ti tii bitekpiib. Uwumbɔr, saah bui ke m tii tijikaar aapiin pu na, m ŋa ni mɔmɔk.