Malakai 2:11 - Uwumbɔr aagbaŋ

¹¹ Juda aanib bii tipuur ti bi nan puu tii Uwumbɔr na, ki tun titunwanbir kpaan Jerusalem aatiŋ ni, ni kitiŋ ngbaan mɔmɔk pu. Bi bii Uwumbɔr Aadichal li u gee na. Bijab yoor bipiib bi dooni ŋiwaa na.

Malakai 2:11 ပူးပေါင်းရင်းမြစ်များ

Esra 10:2

Le Elam aataŋaal ni aanii u bi yin u ke Jehiel na aajapɔɔn Sekania, bui Esra ke, “Ti nyan Uwumbɔr aapuwɔb, ki yoor biwɔwɔm aapiib, tɔ, nimina mɔmɔk mu na, Israel yaab beenin kpa limakl.

Esra 9:12

Bi nan bui timi ke ti yaa ban ke ti li kpa mpopiin kitiŋ ngbaan pu, aan ki nan kpaln tiyaabitiib aatiŋ kan, ti taa yoor baapiibim, ki taa ter bi aan bi kan tinyoor baatun ni.

Ilahn 106:28

Peor aatiŋ ni, le Uwumbɔr aanib ti kpee binib bi dooni liwaal Baal na pu, le ki jin baah di tiwan ni toor tii ŋiwaa ŋi po ye unibɔn aawanaankaan na.

Jeremia 2:3

Israel yaab, ni ye min baanja yaab la; ni nan ye maawangokpaan la. M nan cha unii umɔk tii nimi titotonn na kan falaa ni iween. Min Uwumbɔr le len kina.”

Jeremia 3:10

Nee mɔmɔk aapuwɔb na, Israel aana aabo Juda, u nyan mpuwɔb na ŋmann ke u gir ni m chee la; waa nan si chob. Min Uwumbɔr le len kina.”

Jeremia 7:10

Ni ŋani tiwan ni maa gee ni na, le ki dan nan sil nnimbiin ni, min mbaa Aadichal ni, ki bui ke, ‘Ti kpa ŋŋmarm.’

Esekiel 18:13

ki pinni ŋimombil tii binib ki gaal tinyoor. U ga li kpa limɔfal aa? Aayii, waan li kpa. U tun ŋitun ŋi sukr ponn ni na mɔmɔk, kina pu na, u ga kpo. Uma le ku ubaa.

Esekiel 22:11

Bibaa gɔr kidagook, le biken mu ŋmanni bijapɔtiib aapuutiib, le bibaa mu ŋmanni bitetiib aabisatiib ki doo bi chee.

Hosea 6:7

“Tɔ, baah ti kpaan koo kitiŋ ngbaan ni na, le bi bii tipuur ti m ni bima nan puu tii tɔb na, ke Adam aah nan bii pu na.

Liifai Yaab 20:26

Ni li bi chain aan ki li ye maanib, ba pu? Min le ye Uwumbɔr le ki bi chain. M nyan ni nimi ŋinibol mɔmɔk ni ke min baanja le li yeh nimi.

Malakai 1:1

Uwumbɔr aah nan di waabɔr ti tuk waabɔnabr Malakai ke u di tuk Israel yaab na sɔ.

Ikaal 14:2

Nidindaan Uwumbɔr le yeh nimi, uma le nyan nimi binib bimɔk bi dulnyaa wee ponn ni na, ke ni li ye waanib.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

Bibɔjirb 3:6

Bi nan joo tɔb aabim, le Israel yaab dooni baawaa.