Malakai 1:6 - Uwumbɔr aagbaŋ

⁶ Uwumbɔr Mpɔɔnsakpiindaan bui bitotoorb ke, “Japɔɔn nyuŋni ute la, le ututunn mu nyuŋni udindaan. Nite le ye mi, ba ŋa naa nyuŋni mi? Nidindaan le ye mi, ba ŋa naa pak mi? Ni lik mi fam, le ki tee baa ke, ‘Ti lik si fam kinye?’

Malakai 1:6 ပူးပေါင်းရင်းမြစ်များ

Ilahn 123:2

Tidindaan Uwumbɔr, unaagbiija aah bi udindaan pu, aan unaagbiipiibo mu bi udindaan pu pu na, kina le ti mu lik aa pu, ki kii n‑yoonn mu aa ga san timi kinimbaak na.

Nnyam 20:12

“Aa li pak aate ni aana, nima kan, aa ga li bi ki yunn kitiŋ ki m ga di tii nimi na ni.

Ŋiyataŋak 17:6

Bijaninkpiib kpa biyaabitiib pu kipupuk ke bibilb aah kpa kipupuk bitetiib pu pu na la.

Ŋiyataŋak 30:11

Binib bibaa bi, ki puuni lir bitetiib pu, kaa neen binatiib mu.

Ŋiyataŋak 30:17

Unii umɔk ŋani ute yaansara na, ni unii umɔk lik una fam waapininkpir ni na ŋan ke nangba tiib le ji u, le ikaabɔn mu gaa lokr unimbil.

Aisaya 1:2

Uwumbɔr len ke, “Kitiŋ ni paacham, li pel man maah len pu na. Binib bi m kpiin bi na fii sil m pu.

Aisaya 43:23

Naa nan kɔr ipiih ki di see mmii ni tii mi; naa nan joo nimi aatork nyuŋni mi. Maa nan muk nimi ke ni tii mi ipiin aatork kibaa, kaa cha nilaasaab ti nyan nibaa ni tulalee aayon pu.

Aisaya 45:10

Ŋma ga ŋmaa baa ute ni una ke, “Ba ŋa ni ŋa mi kina?”

Aisaya 64:7

Ubaa aa fenn toŋ ni si ki mee si; ubaa aa chaa aa chee ki ban nterm. Aa di aabaa bɔr ti chee, ki di timi mee, timi aatunwanbir pu.

Aisaya 64:8

Uwumbɔr, sin le ye tite. Timi le ye tiyakr, le aa ye uyakmaal. Sin le naahn timi,

Jeremia 23:11

Uwumbɔr bui ke, “Maabɔnabtiib ni bitotoorb aa dii min Uwumbɔr; m kan bi Maadichal ponn ni, bi bi tun titunwanbir.

Jeremia 3:4

“Le ni bui mi dandana wee ke, ‘Aa ye tite la, le taah nan ye mbim pu na, aa nan gee timi, ki beenin gee timi.

Jeremia 31:9

Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Jeremia 35:16

Jonadab aayaabitiib ma kii tii ikaal i biyaaja Jonadab nan di tii bi na, le nimi ma aa kii maamɔb.

Esekiel 22:26

Bitotoorb bii maakaal, le kaa pak tiwan ni ye chain na. Baa yakr tiwan ni bi chain na, ni ni kaa bi chain na. Baa mɔk tiwan ni bi chain na, ni ni kaa bi chain na aah kaa kpaa pu na, le ki cha bitafal aa bi Likpaakool daal ni. Kina pu na, Israel aanib aa pak mi.

Hosea 12:8

Bi len le ke, ‘Ti ye biwankpadam la. Ti kan liwangol sakpen. Le ubaa aan ŋmaa galn timi ke ti ji biken.’

Hosea 4:6

Maanib aah kaa bee mi na, le baamɔfal ga junn. Nimi bitotoorb yii ke naan bee mi, le ki yii maakaal, kina pu le m mu yii nimi, kaan kii ke nijapɔtiib li ye maatotoorb.

Hosea 5:1

“Nimi bitotoorb, li pel nimina man. Israel yaab, pel man. Nimi bi ye nnaan ni yaab na, li pel man. Nimi aatuln le ye ke ni di ibamɔn ji binib tibɔr, kina pu na, m ga ji nimi tibɔr. Ni kpaln gaawɔb le ki dɔ Mispa, le ki ye kipɔɔk Tabor aajool pu,

Liifai Yaab 19:3

Ni mɔmɔk li pak nitetiib ni ninatiib, ki li joo Likpaakool daal ke maah siin pu na. Min le ye Nidindaan Uwumbɔr.

Sefania 3:4

Uwumbɔr aabɔnabr bi bi ki ponn ni na kpa kigaak kaa kpa mbamɔn; le bitotoorb bii tiwan ni bi chain na, le ki fenn Uwumbɔr aakaal diir baah gee niwɔb na.

Malakai 2:1

Uwumbɔr Mpɔɔnsakpiindaan bui bitotoorb ke, “Nkaal mumina ye nimi yoo la.

Malakai 2:10

Taa kpaan te la aa? Naa ye Uwumbɔr baan le naan ti mɔmɔk aa? Kina kan, ni ŋa kinye aan ti bii tipuur ti ti puu tii tɔb na, ki lik seen tipuur ti Uwumbɔr nan puu tii tiyaajatiib na?

Malakai 2:8

“Le nimi bitotoorb yii isan i ŋan na. Naah mɔk binib pu na cha bi yenn ki tun titunwanbir la. Ni bii tipuur ti m nan puu tii nimi aayaaja Liifai na.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Matiu 15:4

Uwumbɔr len ke, ‘Aa li pak aate ni aana,’ ki ki len ke, ‘Unii yaa len tibɔbir lii ute bee una pu kan, ni ku u.’

Matiu 15:6

ki yaa kaa pak ute kan, ni len ke naa kpa taani. Naah len kina na, le ni yii Uwumbɔr aabɔr nimi aakaal pu.

Matiu 19:19

li pak aate ni aana; li gee aana aabo ke saah gee aabaa pu na.”

Matiu 6:9

Ni yaa mee Uwumbɔr kan, bui ke, ‘Tite Uwumbɔr u bi paacham na, cha binib li san saayimbil.

Matiu 7:21

“Naa ye binib bimɔk yin mi ke ‘Dindaan, Dindaan’ na le ga koo Uwumbɔr aanaan ni. Binib bi ŋani Nte Uwumbɔr u bi paacham na aah gee pu na le ga koo waanaan ni.

Tibɔnyaan ti Mak ŋmee ti na 10:19

Aa nyi Uwumbɔr aakaal: ‘Taa ku binib; taa gɔr kidagook; taa su kinaayuk; taa li ye nnyamɔn aaseeraadaan; taa ji binib pem pem; li pak aate ni aana.’”

Tibɔnyaan ti Mak ŋmee ti na 7:10

Moses nan len ke, ‘Aa li pak aate ni aana,’ ki ki len ke, ‘Unii yaa len tibɔbir lii ute, bee una pu kan, ni ku u.’

Tibɔnyaan ti Luk ŋmee ti na 10:29

Le u ban ke u li kpa mbamɔn, le ki baa Yesu, “Ŋma ye nna aabo?”

Tibɔnyaan ti Luk ŋmee ti na 18:20

Aa nyi Uwumbɔr aakaal: ‘Taa gɔr kidagook; taa ku binib; taa su kinaayuk; taa li ye nnyamɔn aaseeraadaan; li pak aate ni aana.’”

Tibɔnyaan ti Luk ŋmee ti na 6:36

Ni li kpa linimbaasaln ke Nite Uwumbɔr aah kpa pu na.”

Tibɔnyaan ti Luk ŋmee ti na 6:46

“Ba pu ni yin mi ke ‘Dindaan, Dindaan,’ kaa ŋani maah tuk nimi ke ni ŋa pu na?

Efesusi 6:2

Li pak aate ni aana. Nkaal ngbaan ye nkaal kpaan la. Uwumbɔr puu tipuur ke ni yaa kii mu kan,

Ikaal 1:31

Ni kan waah joo ni nimi laafee ni, ki nan saa do chee na, ke ubo aate aah joo u pu na.’

Ikaal 32:6

Nimi bijɔrb bi kaa kpa nlan na, Uwumbɔr aah ŋa nimi tibulchinn ti na, kina le ni ga giin pa u uu? Naa ye uma le ye nite u naan nimi, ki ŋa nimi litimbol na aa?

Ikaal 5:16

“‘Aa li pak aate ni aana, ke min Nidindaan Uwumbɔr aah bui si pu na, nima kan, tiwan mɔmɔk ga li ŋan tii si, aan aa li bi ki yunn, kitiŋ ki m ga di tii si na ni.

1 Piita 1:17

Ni yaa mee Uwumbɔr kan, ni yin u ke Nite la. Nima pu na, ni li san u buyoonn ni bi na; ba pu? waa pak ubaa ki jer uken. U ga ji binib mɔmɔk aabɔr baah tun pu na.