Malakai 1:13 - Uwumbɔr aagbaŋ

¹³ Ni bui le ke, ‘Ti kpaan bak nimina pu a,’ le ki fenn nimɔfal toŋ nibaa wɔb. Naah sun kiwakork ki na, bee ki bun na, bee kitaal koo na, le ni joo toor kitork tii mi. Ni dak ke m ga gaa nimina ni chee ee?

Malakai 1:13 ပူးပေါင်းရင်းမြစ်များ

2 Samuel 24:24

Le Ubɔr David bui u ke, “Aayii, m ga pa si li pu la. Maan di tiwan ni maa pan ni pu na toor kitork tii Ndindaan Uwumbɔr,” le ki pan lidipoipaal, ni inaa ngbaan pu, tikunabr aamombil kipiik ni ŋiŋmu,

Aisaya 1:12

Ŋma bui nimi ke ni li joo ni nimina mɔmɔk buyoonn ni choo ni nan pak mi na? Ŋma bui nimi ke ni di ŋitaagbindun ŋimina koo ni Maameen Aadichal ni?

Aisaya 57:6

Ni yoor ŋitakpal ŋi ŋan na nima chee, le ki ti dooni ŋi ke ŋi ye nimi aawaa. Ni bar ndaan kpir ŋi pu ke ni tii ŋi ipiin la, ki tii ŋi njikaabim mu aapiin. Ni dak ke nsui piin nimina mɔmɔk pu uu?

Aisaya 61:8

Uwumbɔr bui ke, “M gee ibamɔn le kaa gee limukl ni titunwanbir. Maah ye mbamɔndaan na, m ga pa maanib, le ki puu tipuur ti kaan doo na tii bi.

Esekiel 4:14

Le m nan gar ke, “Ndindaan Uwumbɔr, maa kii, maa kee bii mbaa daalbaadaal. Maah fii ubo na, maa kee ŋman kiwakork ki kpo na, bee upeel aah chuu ki na. Maa kee jin tijikaar ti kɔ na.”

Esekiel 44:31

Bitotoorb taa ji unyoon, bee kiwakork ni kpo kibaa pu na, bee kiwakork kiken aah ku ni na.”

Hosea 13:9

“Israel aanib, m ga kuln nimi. Le ubaa aan ŋmaa ter nimi.

Liifai Yaab 22:8

U taa ji kiwakork ki kpo kibaa pu, ni upeel aah chuu kiwakork ki ki ŋman gur kaanann na; ni ga cha waan ki li bi chain. Min le ye Uwumbɔr.

Liifai Yaab 6:4

Unii yaa ti tun titunwanbir kina aaboln kan, waah kaa dii mbamɔn ki kan tiwan ngbaan na, u pa ni pu. Bundaal bi bee ke uma le ŋa kina na, u pa uwandaan waawan mɔmɔk, ki ki pa paan ni pu.

Amos 8:5

Ni bui nibaa ke, “Taan ŋmaa kiir ke iwinyaan daal ti jer waahr aan ti nin kooh timi aajikaar. Bayoonn aan likpaakool aawiin ga doo, aan ti ki piin ki kooh timi aawan, ki cha ti tii kidaak ki pɔɔ na, ki di tiwaŋaŋkaan ni kaa ye nibamɔnn na di ŋaŋ ki ji biwandaab?

Maika 6:3

Uwumbɔr bui ke, “Maanib, m ŋa nimi ba? Kinye pu aan m ye lituln ki tii nimi? Gar mi man.

Malakai 1:10

Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Malakai 2:12

Uwumbɔr, nyan Israel aanib ponn ni binib bi tun kina aatun na, ki taa ki cha bi kpaan timi aatimbol aah joo ipiin i nan tii sin, Uwumbɔr Mpɔɔnsakpiindaan na ni.

Malakai 2:13

Naah ki ŋani tiwan ni mu kpee na sɔ: Ni pu, le bipiib wii ki di tinyunyunn gbiin Uwumbɔr aatork aabimbiln pu, kina pu na le Uwumbɔr aa ki gaal nimi aapiin i ni joo nan tii u na.

Matiu 6:16

“Ni yaa lul bumɔb kan, ni taa bii ninimbil wɔb ke biŋmaŋmannim aah ŋani pu na; bi bii binimbil wɔb ke binib bee ke bi lul bumɔb. M tuk nimi mbamɔn la, bi kan baapal la.

Matiu 6:5

“Ni yaa mee Uwumbɔr kan, ni taa mee u ke biŋmaŋmannim na aah mee u pu na. Bi gee ke bi sil mmeen aadir ni, ni kitiŋ ponn ni ki mee Uwumbɔr, aan binib kan bi. M tuk nimi mbamɔn la, bi kan baapal le na.

Ikaal 15:21

Tɔ, nibaa yaa ŋa tiwakor ngbaan, nibaakan ki yaa wɔb, bee ki jɔb, bee ni nibaa chee yaa bii kan, ni taa di ki toor kitork tii Nidindaan Uwumbɔr.

1 Samuel 2:29

Ni ki ŋa kinye aan ni ki lik waa kitork ni ipiin i m ban maanib chee na? Eli, ni ŋa kinye aan aa pak aajapɔtiib ki jer mi, ki cha bi ji maanib aatork aanann ti ŋan sakpen aan bi ba ban bi di tii mi na, ki moo filk cha?