Malakai 1:11 - Uwumbɔr aagbaŋ

¹¹ Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Malakai 1:11 ပူးပေါင်းရင်းမြစ်များ

1 Bibɔrb Aabɔr 16:25

Uwumbɔr aapɔɔn nyaŋ sakpen, le ni ŋan ke ti pak u sakpen; ti ga nyuŋ u ki taa ki nyuŋ ŋiwaa ma.

Ilahn 111:9

U gaa waanib lii ki puu tipuur ti kaa kpa ndoon na tii bi. U bi chain le ki kpa mpɔɔn.

Ilahn 113:3

Pak Uwumbɔr aayimbil man, ki nya liwipuul ki ti saa liwilir.

Ilahn 138:5

Bi ga di saah tun pu na, ni saapak sakpeŋ gaa ilahn.

Ilahn 141:2

Gaa maameel ke tulalee aayon aatork na, ki gaa maaŋaal i m yoor paacham na ke kijook aatork na.

Ilahn 45:17

Maalahn le ga cha saayimbil li bi ki ti saa n‑yoonn mu kaa kpa ndoon na, le binib mɔmɔk ga li pak si n‑yoonn mɔmɔk.

Ilahn 48:10

Binib bi bi ni mɔmɔk na pak si la, le saayimbil yaa ki buen kitiŋ kee aapepel mɔmɔk ni. Ibamɔn pu le aa joo saanib;

Ilahn 48:11

Cha Sionn aanib li kpa mpopiin. Aa ji tibɔr ni ibamɔn la; cha mpopiin li bi Juda aatim pu.

Ilahn 50:1

Tidindaan Uwumbɔr Mpɔɔnsakpiindaan le len na; u yin kitiŋ kee pu yaab mɔmɔk ki nyan liwipuul ki ti saa liwilir wɔb.

Ilahn 65:9

Saah gee kitiŋ pu na, le aa cha utaal nu; aa cha ki nyuun le ki kpa tijikaar. Aa cha nnyun gbiini ikpen; aa tii kitiŋ tijikaar. Saah ŋani ni pu na sɔ:

Ilahn 67:2

aan dulnyaa wee mɔmɔk li nyi saah gee timi pu na, aan ŋitimbol mɔmɔk kan saaŋmarm.

Ilahn 86:9

Saah naan ŋitimbol ŋi mɔmɔk na ga dan ki nan gbaan aanimbiin ni; bi ga pak saah tun ŋitukpaan ŋi na.

Ilahn 96:8

Pak Uwumbɔr aayimbil li kpa kinyuŋ na man; li joo ni ipiin ki di dan man Waadichal ponn ni.

Aisaya 12:4

Nwiin mubaa ga fuu ni le binib ga gaa nlahn ke, “Doon Uwumbɔr man. Yin u ke u ter nimi man. Tuk ŋitimbol mɔmɔk waah ŋa pu na man. Tuk bi waah kpa liyimbil pu na man.

Aisaya 12:5

Gaa ilahn tii Uwumbɔr, waah ŋa tiwankpaan ni tii nimi na pu. Cha dulnyaa mɔmɔk ŋun tibɔpɔnn ngbaan man.

Aisaya 19:21

Uwumbɔr ga di ubaa mɔk Ijipt aanib, le bi ga bee u ki doon u, aan ki joo ni kitork ni ipiin nan tii u. Bi ga puu tipuur bamɔnn tii u le ki ŋa baah puu pu na.

Aisaya 30:27

Uwumbɔr aapɔɔn ni waapak ga nya ni paacham. Waaŋuul ye mmii ni iŋmanyuu la. U yaa len tibɔr kan, ti seer ke mmii na la.

Aisaya 45:6

M ga ŋa kina ki cha dulnyaa mɔmɔk aanib bee ke min le ye Uwumbɔr, ke uken aa ki bi.

Aisaya 54:5

U naan si na ga li bi ke chal na le aa chee, waayimbil le ye Uwumbɔr Mpɔɔnsakpiindaan. Israel yaab Aawumbɔr u bi chain na le ga gaa si lii, uma le ye dulnyaa mɔmɔk aayidaan.

Aisaya 59:19

Ki nya liwipuul ki ti saa liwilir wɔb, bi ga li san u ni waapɔɔn. U ga dan ke limɔɔl li puu mala mala na la, ki naahn libuln li pɔɔ na.

Aisaya 66:18

M nyi baalandak ni baatun. M choo m nan kuun litimbol mɔmɔk aanib la. Bi yaa kuun ni kan, bi ga kan maapɔɔn aah ga ŋmaa tun pu na,

Jeremia 10:6

Uwumbɔr, ubaa aa bi ke sin na; saapɔɔn nyaŋ sakpen a, le saayimbil nyuun ki kpa mpɔɔn.

Jeremia 10:7

Ŋma aan nyuŋ si u ye ŋitimbol mɔmɔk aabɔr na? Aa ŋeer bunyuŋ la. Bilandam ni bibɔrb bi mɔmɔk bi ŋitimbol ni na ubaa aa bi ke sin na.

Jeremia 4:2

ni ga ŋmaa puu tipuur maayimbil pu. Le ŋitimbol mɔmɔk ga bui mi ke m ŋa maanyoor ŋa bi pu, ki ga pak mi.”

Daniel 2:45

Aa nan kan litakpal aah ker nyan ni lijool aamɔgbeln aan unii ubaa aa meeh li, le li nan yun tiwanaankaan ni bi di tikur, ni tikumann, ni tiyakr, ni tikunabr, ni salmaa naan ni na. Uwumbɔr u kpa mpɔɔn sakpen na bi tuk si tiwan ni ga ŋa n‑yoonn mu choo na la. M tuk si saah daŋ pu na ni taatataa mu chob la.”

Amos 9:12

Le Israel yaab ga jan ki gaa Edom aatiŋ ki gur na, ni ntim mumɔk nan puun ye maatim na.” Uwumbɔr u ga cha nimina ŋa na le len kina.

Maika 5:4

Ujojoor ngbaan yaa nan fuu ni kan, u ga di mpɔɔn sakpiin mu nyan ni Tidindaan Uwumbɔr ubaa chee na le di joo waanib. Waanib ga li bi lifuur ni la; ba pu? kitiŋ kee mɔmɔk aanib ga li nyi waapɔɔn bɔr,

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Sefania 3:9

“N‑yoonn ngbaan le m ga kpeln ŋitimbol ngbaan aanib aabimbin, le bi ga li gur mee min baanja ki taa ki mee liwaal libaa. Bi mɔmɔk ga kii maamɔb.

Sekaria 8:7

M ga nyan ni maanib baadim aah di bi buen ntim mu na ni,

Malakai 1:14

Ujinjir u yaa joo ni kiwakork ki kaa bi tibaa ni na nan toor kitork tii mi na kan, m ga puun lii udaan pu, ba pu? u kpa kiwakork ki ŋan aan u puu ke u ga di tii mi na waapiih ni. M ye ubɔrkpaan la, le ŋitimbol mɔmɔk aanib san mi ijawaan.” Uwumbɔr Mpɔɔnsakpiindaan le len kina.

Malakai 3:3

U ga nan ji tibɔr ibamɔn ni, ke unii u pu tikunabr mmii ni ki nyani tijɔŋ na la. Uchaa aah pu tikunabr ni salmaa mmii ni ki nyani tijɔŋ pu na, kina le Uwumbɔr aatuun ga nan toor bitotoorb, ki cha bi joo ni kitork bamɔnn nan tii Uwumbɔr.

Matiu 28:19

Li cha man ŋinibol mɔmɔk chee, ki ti ŋa bi maadidiliib, ki muin bi nnyun ni, Nte Uwumbɔr, ni min Ujapɔɔn, ni Nfuur Nyaan aayimbil pu,

Matiu 8:11

M tuk nimi la, binib pam ga nya ni liwipuul wɔb, ni liwilir wɔb, ki nan kal, ki ji Abraham, ni Aisak, ni Jakob chee tijikaar Uwumbɔr aanaan ni.

Tibɔnyaan ti Luk ŋmee ti na 1:10

Buyoonn u bi seer tulalee aayon ngbaan tii Uwumbɔr na, le kinipaak sakpeŋ bi lipaal, ki mee Uwumbɔr.

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Rom Yaab 15:16

ki ŋa mi Yesu Kristo aatutunn ke m tuk binib bi kaa ye Juu yaab na Uwumbɔr aabɔnyaan, ki di bi tii Uwumbɔr, ke kitork na. Waafuur Nyaan le ŋa bi chain ke bi piir usui.

Filipi 4:18

Naah tii mi tiwan ni na, m gaa ni mɔmɔk ki kpa sakpen. Naah tun ni Epafrodaitus ke u nan tii mi ipiin i na, u nan tii mi i. Naah tii mi ipiin i na, ni naahn kitork ki ŋan na le ki tii Uwumbɔr, le usui piir, le u gaa i.

2 Tesalonika 1:12

Ni yaa ŋani kina kan, nima le ga nyuŋ Tidindaan Yesu Kristo, le u mu ga nyuŋ nimi, u ni Uwumbɔr aabulchinn pu.

1 Timoti 2:8

M ban ke bijab bi bi ŋipepel mɔmɔk na mee Uwumbɔr, ki yoor iŋaal paacham. Bi li ye binib bi bi chain na, ki taa li kpa liŋuul, ki taa li kpa kinikpakpak.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 15:4

Tidindaan, ŋma bi, kaan san si ki nyuŋ si? Si baanja le ye chain. Ŋinibol mɔmɔk ga dan ki nan gbaan aanimbiin ni ki doon si; ba pu? binib mɔmɔk kan saatunyaan.”

Tibɔkpiirkaan 5:8

Waah gaa kigbaŋ na, le tiwanfuurkaan ninaa ngbaan, ni bininkpiib moninko ni binaa ngbaan, nan gbaan unimbiin ni. Bi mɔmɔk gbaa tibar, ki joo salmaa aasambil ŋi gbii tulalee aayon na. Tulalee aayon ngbaan si Uwumbɔr aanib aameel aasisiiyaan.