Malakai 1:10 - Uwumbɔr aagbaŋ

¹⁰ Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Malakai 1:10 ပူးပေါင်းရင်းမြစ်များ

2 Bibɔrb 12:6

Tɔ, Joas aanaan aabin moninko ni litatar ponn ni, bitotoorb ngbaan aa nan toor Uwumbɔr Aadichal nibaa chee.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Jeremia 14:10

Uwumbɔr len binib bee aabɔr ke, “Bi gee ke bi fenn bipuwɔb tii mi, le kaan chuu bibaa. Kina pu le nsui aa piin bi pu. M ga teer taani u bi tun na, ki daa bitafal baatunwanbir pu.”

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Jeremia 6:13

Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil, hali maabɔnabtiib ni bitotoorb ji binib ngbaan la.

Jeremia 6:20

Ntafal aa bi tulalee aayon mu nyan ni Seba, aan bi joo nan tii mi na, kaa bi tulalee mam bi nyan ni dandar na ni. Maan gaa baapiin, ni kitork ki bi joo tii ni mi na.

Jeremia 8:10

Kina pu le m ga di baakpaakon tii bikpaacham, ki di bipuutiib tii bijab biken. Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil. Hali maabɔnabtiib ni bitotoorb ji binib la.

Hosea 5:6

Bi joo baapiih ni inaa ki ti kɔr toor ke bi tii Uwumbɔr la, le naa ter bi. Waah siir cha bi na, le baa kan u.

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Malakai 1:13

Ni bui le ke, ‘Ti kpaan bak nimina pu a,’ le ki fenn nimɔfal toŋ nibaa wɔb. Naah sun kiwakork ki na, bee ki bun na, bee kitaal koo na, le ni joo toor kitork tii mi. Ni dak ke m ga gaa nimina ni chee ee?

Malakai 2:12

Uwumbɔr, nyan Israel aanib ponn ni binib bi tun kina aatun na, ki taa ki cha bi kpaan timi aatimbol aah joo ipiin i nan tii sin, Uwumbɔr Mpɔɔnsakpiindaan na ni.

Malakai 2:13

Naah ki ŋani tiwan ni mu kpee na sɔ: Ni pu, le bipiib wii ki di tinyunyunn gbiin Uwumbɔr aatork aabimbiln pu, kina pu na le Uwumbɔr aa ki gaal nimi aapiin i ni joo nan tii u na.

Jɔnn 10:12

Unii u kpaa ipiih ŋimombil pu, kaa ye upihdaan na, u yaa kan lisapol choo kan, u ga san cha i. Lisapol ga chur i, ki cha i yaa.

1 Korenti 9:13

Naa nyi ke binib bi tun lituln Uwumbɔr Aadichal ni na ji nima la aa? Binib bi toor kitork tii Uwumbɔr na, bi mu ji nima la.

Filipi 2:21

Biken na mɔmɔk aatafal bi bibaa ni la. Bitafal aa bi Yesu Kristo aatuln ni.

Hiibru Yaab 10:38

Uwumbɔr aaninyaam bi gaa u ki kii na ga li kpa limɔfal. Unii ubaa mu yaa gir puwɔb kan, waan piir Uwumbɔr aasui.”

1 Piita 5:2

ni li ter Uwumbɔr aanib bi bi nido na, ke upihkpaal aah lik waapiih pu na. Ni taa ter bi limukl aaterm. Ni li ter bi nimi aageehn, Uwumbɔr aah ban pu na. Ni taa ter bi ŋimombil pu, ni li ter bi ni mpopiin.