Maika 7:9 - Uwumbɔr aagbaŋ

⁹ Ti tun Uwumbɔr titunwanbir, kina pu na, ni ŋan ke ti ji falaa waaŋuul pu. Nee aapuwɔb na u ga sil tipuwɔb ki toor taani u bi ŋa timi na. U ga nyan ni timi dan nwiihn ni; ti ga li bi ki ti saa n‑yoonn mu u ga gaa timi lii na.

Maika 7:9 ပူးပေါင်းရင်းမြစ်များ

2 Samuel 24:17

David nan kan ntuun mu bi ku binib ngbaan na, le ki bui Uwumbɔr ke, “Min le ye u aabɔr bii na. Min le tun taani. Bigiim bee mu ŋa ba? Aa ga daa min ni maadichal aatafal la.”

Job Aagbaŋ 23:10

Le Uwumbɔr tee nyi maah yoor litaal limɔk na; u yaa tɔŋ mi kan, u ga kan ke maa kpa tijɔŋ tibaa.

Job Aagbaŋ 35:14

Job, aa bui ke saa waa Uwumbɔr; tɔ, ji limɔr, saabɔr bi u chee.

Ilahn 119:154

Ter mi maabɔr ni, ki gaa mi lii, saah nan puu pu na, gaa mi lii.

Ilahn 37:6

U ga cha saah ŋan pu na li wiin ke nwiin pu aawiin na.

Ilahn 43:1

Uwumbɔr, bui ke maabɔr ŋan, ki len tii mi binib bi kaa dii si na chee; nyan mi binyamɔndam ni titunwanbirdam aaŋaal ni.

Ilahn 7:6

Uwumbɔr, di saaŋuul fii sil. Fii sil ki teŋ maadim aaŋuul; fiin aabaa paacham ki ter mi. Saah ban tiwan ni na le ye ibamɔn,

Ilahn 94:15

Bi ga ki kan ibamɔn libɔjil ni, le binib bimɔk aabimbin ŋan na ga sil ibamɔn ngbaan aachaŋ ni.

Aisaya 42:16

M ga loln maanib bi jɔb na pu isan i ni baa kee dii i na. M ga cha baabɔmbɔɔn kpaln nwiihn ki cha ŋitingbaln ŋi kaa joon na jɔŋ aan bi dii jer. Maah puu tipuur ti na le bi na, le m ga li joo ti, kaan bii ti.

Aisaya 42:7

Aa ga likr bijoom aanimbil, ki nyan binib bi bi mbɔmbɔɔn ni, tiyondir ni na lii ni nwiihn ni.

Aisaya 46:13

M joo linyaŋ aawiin mar ni la, mu aa ki daa kpala. Maanyaŋ aan ki yunn kpala. M ga gaa Jerusalem aatiŋ lii, ki joo ni Israel yaab kipak nima.”

Aisaya 51:22

Nidindaan Uwumbɔr si nipuwɔb ki bui ke, “M bi nyani falaa u m nan di tii nimi maaŋuul ponn ni na la. Naan ki ji falaa u cha ni chuun gbeer ke naah nyun ndaan le na.

Aisaya 56:1

Uwumbɔr bui waanib ke, “Li ŋani man tiwan ni ŋan ki tok na, ba pu? naan ki yunn le m ga gaa nimi lii.

Jeremia 10:19

Jerusalem aanib le wii ke, “Ti kan titotonn sakpen a, timi aabuun aan yann. Le ti nan dak ke tiwan ngbaan ye tiwan ni ti ga ŋman na la.

Jeremia 14:7

Le maanib wii yin mi ke, ‘Timi aatunwanbir galni timi la, Uwumbɔr, ter timi ke saah nan puu ke aa ga ŋa pu na. N‑yoonn n‑yoonn pam le ti fenn tipuwɔb tii si; ti tun si titunwanbir.

Jeremia 51:10

Uwumbɔr ki len ke, “Maanib, teen man ke, ‘Uwumbɔr mɔk ke timi aabɔr ŋan. Cha ti buen Jerusalem man ki ti bui binib ngbaan Tidindaan Uwumbɔr aah tun pu na.’”

Inandalahn 1:18

Tɔ, Uwumbɔr kpa mbamɔn, min le yii waamɔb. Ŋipepel mɔmɔk aanib, li pel m chee man, lik maah bi iween i ponn ni na man. Bi chur maanachipɔm ni bipiisapɔm tinaagbiir.

Liifai Yaab 26:41

ki cha m fenn daa bitafal, aan ki cha baadim chur bi buen baatim ni tinaagbiir ni na. Aayaabitiib yaa nan sunn bibaa taab, ki kan baah bii pu na aatafadaan kan,

Malakai 3:18

Maanib ga ki kan ubimbinyaan daan aah kani pu na, ni titunwanbirdaan mu aah kani pu na, ni unii u dii mi na, ni u kaa dii mi na aah kani pu na.”

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

2 Timoti 4:8

le Uwumbɔr len ke maabɔr ŋan, ki di tinyoor bil kiir mi paacham. Tidindaan u ji binib tibɔr mbamɔm na, le ga ti di tinyoor ngbaan tii mi bundaln u ga gir ni na. Naa ye mi baanja le u ga tii. U ga tii binib bimɔk gee u ki ban ke u ki gir ni na.

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.

1 Samuel 24:15

Uwumbɔr ga ji timi aabɔr, le ki bee u aabɔr bii na. Cha u lik tibɔr ngbaan ponn ni, ki sil mpuwɔb, ki gaa mi lii.”

1 Samuel 25:39

David aah ŋun ke Nabal kpo na, le u bui ke, “Pak man Uwumbɔr. U teen Nabal waah seei mi pu, ki mu aa cha min waanaagbiija tun titunwanbir ti na pu. Uwumbɔr daa Nabal aatafal, waatunwanbir pu la.” Le David tun ti bui Abigail ke u mɔn u.

1 Samuel 26:10

David nan ki len ke, “Uwumbɔr u bi n‑yoonn mu kaa kpa ndoon na pu, m nyi ke Uwumbɔr ubaa le ga ku Sɔɔl. Nibaakan ni ga nan li ye waakun la, bee u ga nan kpo butɔb ponn ni la.

1 Samuel 3:18

Kina pu le Samuel bui u ti mɔmɔk; waa nan di tibaa bɔr u. Le Eli bui ke, “Uma le ye Uwumbɔr. Cha u ŋa waah ban pu na.”