Maika 7:6 - Uwumbɔr aagbaŋ

⁶ N‑yoonn mumina ponn ni le mbijabim yin bitetiib bijɔrb, le mpiibim aa keei binatiib aamɔi; le bipiisapɔm ni bichapiitiib jaa; le unii aadim ye udo lichiln ni aanib.

Maika 7:6 ပူးပေါင်းရင်းမြစ်များ

Mpiin 49:4

Aa bi ke nnyusakpem aah fii ki lir ki kpa kifuuk pu na la, saah koo doon mpuu chee, ki bii aate aawandookaan na, saan li ye uninyuun aanaatiib ponn ni.

2 Samuel 16:11

Le David ki bui Abisai ni waajab aaninkpiib bi gur na mɔmɔk ke, “Min mbaa aajapɔɔn le bi ban ke u ku mi na, kina pu na, ni ga ŋa kinye ki li kpa iwaan ke Benjaminn aamaal aanii li seei mi? Uwumbɔr le bui u ke u li puuni lir m pu; kina pu na, di cha u man, ki cha u li ŋani.

Ilahn 41:9

Hali njɔnyaan, u m tii u naadii sakpen na, aan m ni u kpaan ni ji lisambil libaa ni na, uma le fii sil m pu.

Ŋiyataŋak 30:11

Binib bibaa bi, ki puuni lir bitetiib pu, kaa neen binatiib mu.

Ŋiyataŋak 30:17

Unii umɔk ŋani ute yaansara na, ni unii umɔk lik una fam waapininkpir ni na ŋan ke nangba tiib le ji u, le ikaabɔn mu gaa lokr unimbil.

Aisaya 3:5

le unii mɔmɔk ŋa uŋeen aatɔ waageehn. Binachipɔm ni bisapɔm aan li pak bininkpiib, le binib bi kaa bi tibaa ni na aan ki li pak binib bi jer bi na.

Aisaya 9:19

Uwumbɔr Mpɔɔnsakpiindaan aaŋuul aah fii na, waatafadaan ngbaan ga bii tiwan ni binib mɔmɔk ke mmii aah wu bii tiwan pu na la. N‑yoonn ngbaan kan, ubaa aan ki li nyi uŋeen aatɔ aabɔr.

Jeremia 12:6

Hali aana aabim bi ye saadichal ni aanib na, le di si ti bii; bi kpee binib bi tak si na pu a. Bi ga li len aa chee kijɔtiik aabɔr, aa mu taa kii tii bi.”

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Jeremia 9:4

Unii mɔmɔk li nyi ujɔ bɔr, le ubaa aan li ŋmaa kpa una aabo pu kipupuk; ba pu? na aabo mɔk gii inyamɔn ke Jakob na la, le unii bii ujɔtiib.

Esekiel 22:7

Ubaa aa bi kitiŋ ngbaan pu ki pak ute ni una. Bi ji biwɔwɔm, ni bikpopiib, ni nkpobim pem pem ke baa kpa uteter.

Obadia 1:7

Nimi aamaantɔtiib ŋmann nimi la; le bi jenn nyan nimi, nimi aatiŋ ponn ni. Binib bi nan ye nijɔtiib na le nyaŋ nimi butɔb ni dandana wee na. Nijɔtiib bi nan ji ni chee tijikaar na le ŋmann nimi koon gaawɔb ni; bi baa le ke, ‘Baalan mu bi kpa na bi la?’

Matiu 10:21

“Binib ga di binaabitiib ŋa binib aaŋaal ni, ke bi ti ku bi. Tetiib mu ga di baabim ŋa binib aaŋaal ni, ke bi ti ku bi. Binib mu ga yii bitetiib ni binatiib, ki cha binib ku bi.

Matiu 26:23

Le u bui bi, “M ni unii u kpaani ji lisambil libaa ni na le ga kooh mi.

Tibɔnyaan ti Luk ŋmee ti na 12:53

Uja ga yakr ujapɔɔn chee; japɔɔn mu ga yakr ute chee; upii mu ga yakr ubisal chee; bisal mu ga yakr una chee; upii mu ga yakr ubipuu chee; bipuu mu ga yakr uchapii chee.”

Tibɔnyaan ti Luk ŋmee ti na 21:16

Nitetiib, ni ninatiib, ni ninaabitiib, ni nidoyaab, ni nijɔtiib, ga kooh nimi. Le binib ga ku ni ponn ni bibaa.

Jɔnn 13:18

“Maa len ni mɔmɔk pu. M nyi maah nyan bi na aasui ni aah bi pu na, ki nyan nimi ke ni gbiin Uwumbɔr Aagbaŋ aah len pu na ke, ‘M ni unii u kpaan ni ji lisambil ni na, uma le fii sil m pu.’