Maika 7:18 - Uwumbɔr aagbaŋ

¹⁸ Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Maika 7:18 ပူးပေါင်းရင်းမြစ်များ

Mpiin 4:7

Aa yaa kaa ba tun titunwanbir kan, maan pak saapiin aa? Tɔ, saah tun taani na, titunwanbir si gbɔk si, ki ban ti di si ŋa taanaagbiija, see aa nyaŋ ti.”

1 Bibɔrb 8:23

le ki mee limeel ke, “Israel yaab Aadindaan Uwumbɔr, ubaa aa bi paacham, ni kitiŋ mɔmɔk pu ke sin na. Saanib yaa di bisui mɔmɔk kii tii si kan, le aa joo saah nan puu tipuur ti tii bi na, le ki mɔk bi saageehm.

2 Bibɔrb Aabɔr 30:9

Ni yaa gir ni Uwumbɔr chee kan, le binib bi chur nimi aanib buen tinaagbiir ni na ga san bi kinimbaak ki cha bi gir kun ni. Nidindaan Uwumbɔr kpa tiŋann le ki san kinimbaak. Ni yaa fenn gir u chee kan, u ga gaa nimi.”

2 Bibɔrb Aabɔr 6:21

M ni Israel yaab yaa di tinimbil toŋ ni lidichal limina ki mee si kan, aa ŋun timi aameel. Saah bi aado paacham na, ŋun ki di cha pinn timi.

Nehemia 9:17

Bi nan yii, kaa kii tii si; bi nan suln saah ŋa tiwan nimɔk na; bi nan suln saah ŋa iwaan aawan nimɔk na. Baanimpoo ni, bi nan nyan uyidaan ubaa ke u di bi giin tinaagbiir ponn ni, Ijipt aatiŋ ni. Le aa ye Uwumbɔr u joo cha pinni titunwanbir na; aa ŋan ti nyaŋ, ki gee binib, le saaŋuul aa fii mala mala. Saanimbaasaln aah nyaŋ sakpen pu na, le saa nan yii bi.

Ilahn 103:13

Ubo aate aah gee u sakpen pu na, kina le Uwumbɔr gee binib bi san u na.

Ilahn 130:4

Le aa di cha pinn timi, ke ti li san si ijawaan.

Ilahn 35:10

M ga di nsui mɔmɔk bui Uwumbɔr ke, “Ubaa aa ki bi ke sin na. Aa kii bigiim, binib bi pɔɔ na chee, ki kii bifalaadam binib bi muk bi na chee.”

Ilahn 65:3

Binib ga nya ni kookoo ki dan aa chee, baatunwanbir pu. Timi aataani nyaŋ timi la, le aa ma joo cha pinni timi aataani.

Ilahn 65:4

Saah lee binib bi ke bi li koo saadichal ni na kpa mpopiin. Tiwanyaan ni bi saadichal ponn ni, ki ye Lidichal ngbaan aanyoor na ga tii timi mpopiin.

Ilahn 71:19

Uwumbɔr, saabimbinyaan fuur kitaapaak, aa tun ŋitun ŋi nyaŋ na, ubaa aa bi ke si na.

Ilahn 86:15

Uwumbɔr, le aa ma ye Uwumbɔr u san kinimbaak ki kpa ngeehm na, ki kpa suklaa ni tiŋann, ki ŋani saah puu ke aa ga ŋa pu na n‑yoonn mɔmɔk.

Ilahn 86:5

Aa kpa ti pu tiŋann le ki joo cha pinni timi aatunwanbir; saageehm mu bi n‑yoonn mɔmɔk na bi binib bi mee si na chee.

Ilahn 89:6

Uwumbɔr, ubaa aa bi paacham ki bi ke sin na; paacham yaab ubaa aaŋeen aatɔ aa ye si.

Ilahn 89:8

Tidindaan Uwumbɔr, Mpɔɔnsakpiindaan, ubaa aa bi ki kpa mpɔɔn ke sin na; Uwumbɔr, aa ŋani saah puu pu na mɔmɔk la.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Nnyam 34:9

le ki bui ke, “Ndindaan, maabimbin yaa piir aasui kan, m mee si ke aa dii timi buen. Binib ngbaan aasui pɔɔ pam. Cha pinn timi aataani, ni timi aatunwanbir, aan ki cha ti li ye saanib.”

Aisaya 1:18

Le Uwumbɔr ki len ke, “Dandana wee, cha ti toor tibɔr ngbaan man. Nimi aatunwanbir man ni pu ke nsin na, le m ga ŋmaa finn nimi ni nya chain ke nkokoyon na. Nimi aatunwanbir yaa po man ni pu sakpen pu na, m ga finn nimi, ni piir chain.

Aisaya 33:24

Timi aatiŋ ni aanii ubaa aan ki bui ke u bun, le Uwumbɔr ga di timi aatunwanbir mɔmɔk cha pinn timi.

Aisaya 38:17

Nsui aah bii pu na ga kpaln nsuudoon la. Aa nyan mi tibɔbir mɔmɔk ni; aa di maatunwanbir cha pinn mi a.

Aisaya 40:18

Ti ga di Uwumbɔr ŋaŋ ŋma? Aa ga ŋa kinye ki mɔk waah bi pu na?

Aisaya 40:25

Ti ga di Uwumbɔr u bi chain na ŋaŋ ŋma? Ubaa ki bi ke uma na aa?

Aisaya 43:25

Nee aapuwɔb na, min le ye Uwumbɔr u joo cha pinni nimi, nimi aatunwanbir na; le m ŋani nimina maabimbinyaan pu. Maa daa nitafal nimi aatunwanbir pu.

Aisaya 44:22

Israel yaab, m ŋar nimi aatunwanbir ŋŋaan ke ntaalangbam aah san jer pu na. Gir ni m chee man; min le ye u gaal nimi lir na.”

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Aisaya 57:10

Ni muk nibaa ki lik ban ŋiwaa ŋiken, kaan di cha. Ni dak ke nimi aawaabir ngbaan tii nimi mpɔɔn la, kina pu na, naa bakr kpala.

Aisaya 57:16

M tii maanib limɔfal, kina pu na, maan ki galn bi ki gee liŋuul bi pu ki ti saa n‑yoonn mu kaa kpa ndoon na. M yaa ŋa kina kan, bi ga fik.

Aisaya 62:5

Unachipɔɔn aah yoor upii u kaa nyi uja na pu na, kina le Uwumbɔr u naan si na ga yoor si ŋa upuu. Unachipɔɔn aah yoor ubɔɔn aan ni mɔ u pu na, kina le Uwumbɔr aasui ga li piin aa pu.

Aisaya 64:9

kina pu na, taa gee ti pu liŋuusakpeln timi aatunwanbir pu. Ti ye saanib la. San timi kinimbaak.

Aisaya 65:19

Min mbaa ga li kpa mpopiin Jerusalem ni kaanib pu. Iwiil aan li bi nima, ubaa aan li yin uken ki ban nterm nima.

Jeremia 3:12

U nan bui mi ke m buen ki ti bui Israel yaab ke, “Israel yaab bi nyan mpuwɔb na, gir ni m chee man. M ye unimbaasaln la, le maaŋuul aan fii; maaŋuul aan fii ni pu ki ti saa n‑yoonn mu kaa kpa ndoon na.

Jeremia 3:5

Saaŋuul aan li feei n‑yoonn mɔmɔk; saan gee ti pu liŋuul ki ti saa n‑yoonn mu kaa kpa ndoon na.’ Israel yaab, ni len kina, le ki tee tun titunwanbir timɔk ni ga ŋman na.”

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Jeremia 31:34

Bi ponn ni ubaa aan ki mɔk uŋeen aatɔ ke u bee Uwumbɔr, ba pu? bi mɔmɔk ga bee mi, biwaatiib ki ti saa bikpaam mɔmɔk ga bee mi. M ga di baatunwanbir cha pinn bi, kaan ki teer baataani. Min Uwumbɔr le len kina.”

Jeremia 32:41

M yaa ŋani tiwan ni ŋan na tii bi kan, ni ga li mɔ mi, le m ga kaan bi kitiŋ kimina ni, kaan ki fiin bi.

Jeremia 33:8

M ga finn nyan bi titunwanbir ti bi tun mi na ni, le ki di baatunwanbir, ni baah yii maamɔb pu na cha pinn bi.

Jeremia 38:8

Le Ebed Melek buen nima ki ti bui ubɔr ke,

Jeremia 50:20

N‑yoonn ngbaan yaa nan fuu ni kan, titunwanbir tibaa aan ki li bi Israel ni, le mbiin mu aan ki li bi Juda ni, ba pu? m ga di cha pinn binib bi m cha bi ŋmar na. Min Uwumbɔr le len kina.”

Jeremia 9:24

Unii umɔk ban u li kpa kipupuk na u li kpa kipupuk ke u nyi min Uwumbɔr, ba pu? maageehm bi n‑yoonn mɔmɔk la, le m ŋani tiwan ni tok ki ye ibamɔn na. Tiwan ni piir nsui na le na. Min Uwumbɔr le len kina.”

Esekiel 18:23

Tidindaan Uwumbɔr baa ke, “Ni dak ke titunwanbirdaan yaa kpo kan, ni mɔ mi la aa? Aayii, m ga li gee ke u ba kpeln waabimbin ki li bi.

Esekiel 33:11

Tuk bi ke min Bidindaan Uwumbɔr aah ye Uwumbɔr u bi n‑yoonn mɔmɔk na, maa neen ke m kan utunwanbirdaan aah kpo pu na. M tee ga li neen ke u di cha titunwanbir ki li kpa limɔfal. Israel yaab, di cha titunwanbir ti ni tun na. Ba ŋa ni ban ke ni kpo?

Esekiel 33:16

M ga di cha pinn u waatunwanbir ti u tun na, u ga li kpa limɔfal, ba pu? u ŋa tiwan ni tok ki ŋan na.

Daniel 9:9

Aa ye unimbaasaln la, ki joo cha pinni titunwanbir mu, le tima yii si.

Hosea 14:2

Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na.

Hosea 14:5

M ga li bi Israel aanib chee ke utaal aah bi pu kitiŋ ki kuun na chee pu na la. Bi ga pɔnn ke nsupuun na la; bi ga chɔbaan ke Lebanonn aatiŋ aasui na la.

Joel 2:32

Liyaadaal ngbaan unii umɔk mee Uwumbɔr na, uma le ga ŋmar ke Uwumbɔr aah len pu na ke, ‘Bibaa bi Jerusalem aatiŋ ni ki ga ŋmar; bima le ye binib bi m lee bi ke bi ga ŋmar na.’”

Amos 1:11

Uwumbɔr ki len ke, “Edom yaab aah tun titunwanbir n‑yoonn mɔmɔk pu na, le ga cha m sil daa bitafal. Bi tee mban ki ban bi ŋa binaabitiib Israel yaab mbiin ki ku bi, kaa san bi kinimbaak. Baaŋuul pɔɔ kaa sɔŋni kpala.

Amos 7:8

le u baa mi ke, “Amos, aa waa ba?” Le m bui u ke, “Likpaln li bi joo ŋaŋni tiwan na.” Le u bui mi ke, “M joo li ke m di mɔk si ke maanib naahn ligoln li bi maa li aan laa tuk na la. Maan ki kpeln maalandak maah ga daa bitafal pu na.

Amos 8:2

Le Uwumbɔr bui mi ke, “Buyoonn maanib Israel yaab ga doo na ŋeer le na; maan ki kpeln maalandak ke maan daa bitafal.

Jona 4:2

Le u mee Uwumbɔr ke, “Uwumbɔr, maah nan laa bi linampal na, m nan len ke kina le aa ga ŋa. Kina pu le m nan pɔɔn mbaa ke m san mala ki buen Speenn aatiŋ ni. M nyi ke aa ye Uwumbɔr u gee binib ki san bi kinimbaak na la, aa kpa limɔr n‑yoonn mɔmɔk, ki kpa tiŋann n‑yoonn mɔmɔk, ki ŋmaa kpelni saalandak kaa dar binib aatafal.

Maika 2:12

“Le m ga kuun ni nimi Israel aanib bi gur na nan kpaan. M ga kuun ni nimi ke ipiih aah kpaan chaa koo yaabool ponn ni pu na la. Nimi aatiŋ ga ki gbiin binib ke kipihkpaamook ki ponn ni gbii ipiih na la.”

Maika 4:7

Binib bi gur na wɔb le ki daa bido, le m ga tii bi mpɔɔn, le bi ga kpaln litimbol kpaan. M ga li bi Sionn Aajool paab le ki joo bi ki ti saa n‑yoonn mu kaa kpa ndoon na.”

Maika 5:3

Kina pu na, Uwumbɔr ga di waanib tii baadim, kaan ki gar bi ki ti saa buyoonn upii u ban u maa na maa waabijabo. Le Israel yaab bi bi biwɔwɔm aatiŋ ni na, ni bi bi Israel aatiŋ ni na ga ki kpaan tɔb chee.

Maika 7:14

Uwumbɔr, li bi saanib bi aa lee na chee ke upihdaan na. Bi yaa, ki bi kipɔɔk ni la, le kitiŋ ki nyuun na bi bi chee. Cha bi buen Basann, ni Gilead aapihkpaamoor ti nyuun na ni, ke baah nan bi n‑yaayoonn na pu na.

Sefania 3:17

Nidindaan Uwumbɔr bi ni chee; waapɔɔn le tii nimi linyaŋ. Uwumbɔr ga li neen nimi le ki ga tii nimi limɔfapɔln waageehm ni. Nimi pu le u ga gaa ilahn ki li kpa mpopiin,

Nkahm 23:21

Maah kan pu na, Israel yaab aan kan tibɔbir, bee limukl libaa. Bidindaan Uwumbɔr bi bi chee; bi mooni ke u ye baabɔr la.

Tibɔnyaan ti Luk ŋmee ti na 15:32

Aanaal umina, m nan nyi ke u kpo a, le u bi. U nan wɔŋ a, le m ki kan u. Nima le ni ŋan ke ti li mɔɔni ki li kpa mpopiin.’”

Tibɔnyaan ti Luk ŋmee ti na 24:47

Ni li mooni binib maayimbil pu, ke bi yaa kpeln baabimbin kan, Uwumbɔr ga di cha baatunwanbir pinn bi. Ni piin ki li mooni Jerusalem aatiŋ aanib ni, aan ki nin moon ŋinibol mɔmɔk mu ni.

Rom Yaab 11:4

Uwumbɔr nan bui u kinye? U nan bui u, “M gur mbaa bijab ŋichur ŋilole bi kaa gbaan ki doon liwaal Baal na.”

Ikaal 33:26

Israel aanib, ubaa aa ki bi ke nimi Aawumbɔr na, uma le bi paacham, ntaalangbam ni, ki ter nimi.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

Bibɔjirb 10:16

Bi nan di ŋiwaa lii, le ki dooni Uwumbɔr, le baapombiin aabɔr nan ki muk u.