Maika 7:17 - Uwumbɔr aagbaŋ

¹⁷ Bi ga baar kitiŋ titan ni, ke iwaa na la; bi ga nyan ni baadichal ŋi kpa ŋigon ŋi fɔk na ni, ki jii ijawaan pu. Ijawaan pu, bi ga fenn ban Tidindaan Uwumbɔr.

Maika 7:17 ပူးပေါင်းရင်းမြစ်များ

2 Samuel 22:46

Bitaakpab yɔl la, le bi san gbeer nyani baapɔɔn aatim ni.

2 Bibɔrb Aabɔr 17:10

Uwumbɔr nan cha nnaan mu maln goln Ubɔr Jehosafat na san u ijawaan, kaa kaa bi ki tak u.

Ilahn 18:45

Bitaakpab yɔl la, le bi san gbeer nyani baapɔɔn aatim ni.

Ilahn 72:11

Bibɔrb mɔmɔk ga gbaan unimbiin ni; ŋitimbol mɔmɔk ga li dii uma la.

Ilahn 72:9

Nteersakpiin pu aanib ga gbaan unimbiin ni; waadim ga tar lir kitiŋ, unimbiin ni.

Ilahn 9:20

Uwumbɔr, cha bi li san ijawaan; cha bi bee ke bi ye tiwan ni ga kpo na la.

Aisaya 25:3

Ŋitimbol ŋi kpa mpɔɔn sakpen na aanib ga pak si; bi ga san si ijawaan bibiindam aatimbol ni.

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Aisaya 59:19

Ki nya liwipuul ki ti saa liwilir wɔb, bi ga li san u ni waapɔɔn. U ga dan ke limɔɔl li puu mala mala na la, ki naahn libuln li pɔɔ na.

Aisaya 60:14

Binib bi muk si na aajapɔtiib ga dan ki nan gbaan kitiŋ aanimbiin ni. Binib bimɔk nan lik seen si n‑yoonn mu jer na ga dan nan gbaan kitiŋ ki doon si. Bi ga yin si ke ‘Uwumbɔr aatiŋ’, ki ki yin si ke, ‘Sionn, Israel yaab Aawumbɔr u bi chain na aatiŋ’.

Aisaya 64:2

Ŋi ga li gii ke nnyuntom aah leer pu na la. Dan ki nan kpiir saapɔɔn mɔk saadim, ki cha ŋitimbol aawon li gbaa aanimbiin ni.

Aisaya 65:25

Takɔ tiib ni ipihbi ga kpaan ji; ichinn ga ŋmɔ timoor ke inaa aah ŋmɔ pu na, le iwaa mu aan ki li bir. Maagongoln Sionn li bi chain na pu, nibaa aan li bi li paab ki bir.”

Aisaya 7:19

I ga fii nan gbiin tifatann aalɔlɔnn ni, ni titakpalunn ni, ki ga biin ikokon aasui mɔmɔk pu, ki biin kimopɔɔk mɔmɔk ni.

Jeremia 16:16

Uwumbɔr nan ki bui ke, “M bi tun ban bijanbam pam ke bi nan chur binib bee la, le ki tun yin ni bikpam pam, ke bi nan tee mban ki taa taa nyan ni bi lijool, ni ligongoln mɔmɔk paab, ni titakpalunn ni.

Jeremia 33:9

Jerusalem ni le maamɔɔn, ni bunyuŋ, ni limakl ga li nya ni, le dulnyaa wee aatimbol li ŋun maah ŋani tiwanyaan ni tii Jerusalem aanib, ni nkam mu m joo ni kitiŋ ngbaan ni na pu kan, biwon ga li gbaa, le bi san ijawaan.”

Inandalahn 3:29

Ni ŋan ke ti kii ke ti tun taani, nibaakan, limakl ga li bi.

Sekaria 14:5

Kifataŋ ki yakr lijool limina nfum mulee na ponn ni, le ni ga dii ki san ŋmar. Ni ga san ke kitiŋ aah nan puu, Juda aabɔr Usia aayoonn, aan niyaajatiib nan san pu na. Ndindaan Uwumbɔr ga joo ni waatuuntiib mɔmɔk ki dan.

Ikaal 32:24

Bi ga kpo nkon, ni iween ponn ni la, le iween i bir na mu ga ku bi. M ga cha tipeewanbir le dan nan lir bi pu, ki cha iwaa i kpa liluul sakpen na mu junn bi.

Josua 9:24

Le bi giin bui u ke, “Uninkpel, taah ŋun ibamɔn ni, ke Nidindaan Uwumbɔr nan bui waatutunn Moses, ke naah tur koo ni kitiŋ ngbaan mɔmɔk ponn ni na, u ga cha ni ku binib bimɔk bi ki ponn ni na pu la, nima le cha ti ŋa kina. Tipobil le yuk, le timi aamɔfal pu na, ijawaan chuu timi ke ni ga ku ti mɔmɔk.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.

1 Samuel 14:11

Le bi cha Filistia yaab ngbaan kan bi; le bi bui ke, “Lik man, Hiibru yaab bibaa le bi nyan ni ibuu i ponn ni bi bɔr na,”