Maika 7:14 - Uwumbɔr aagbaŋ

¹⁴ Uwumbɔr, li bi saanib bi aa lee na chee ke upihdaan na. Bi yaa, ki bi kipɔɔk ni la, le kitiŋ ki nyuun na bi bi chee. Cha bi buen Basann, ni Gilead aapihkpaamoor ti nyuun na ni, ke baah nan bi n‑yaayoonn na pu na.

Maika 7:14 ပူးပေါင်းရင်းမြစ်များ

Ilahn 100:3

Taa suln man ke Uwumbɔr ye Tidindaan la. Uma le nan ŋa timi ŋitimbol, le ti ye uyaab; ti ye waanib la, ti ye waapiih la.

Ilahn 143:5

M teer n‑yoonn mu jer na; m dak saah nan tun pu n‑yoonn ngbaan na, saatun mɔmɔk beenin bi n‑yil ni.

Ilahn 28:9

Uwumbɔr, gaa saanib lii, ki ŋa saanyoor ŋa saah yeh binib bi na pu, ki li ye u kpaa bi ki lik bi pu n‑yoonn mɔmɔk na.

Ilahn 95:7

Uma le ye timi Aawumbɔr; timi le ye binib bi u lik ti pu na, ki ye binib bi u tii bi tiwan na. Li pel man waah len pu din wee na;

Nnyam 33:16

Aa yaa kaa dii timi buen kan, ni ga ŋa kinye aan unii bee ke aasui piin m ni saanib pu? Saah bi ti chee pu na le ga cha ti ni biken aabimbin taa li kpaa dulnyaa wee ni.”

Solomonn Aalahn 4:1

Mbɔɔn, saanyaan ti nyaŋ sakpen a. Aa di kiyibubuuk biin aanimbil wɔb, le saabɔngeehm beenin kpii ni. Saayikpir gbeeni ke iŋoob le aah san sunn ni Gilead aagongon na.

Aisaya 27:13

Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Aisaya 35:2

Nteersakpiin aatiŋ ngbaan ga li kpa mpopiin ki gaa ilahn ki li tar, ki ga li ŋan ke Lebanonn aajoo pu na la. Kitiŋ ngbaan ga li nyuun ke Kamel ni Saronn aakpaakon na. Binib mɔmɔk ga kan Uwumbɔr aah kpa kipak pu na, ki kan waah ye unikpaan ki kpa mpɔɔn pu na.

Aisaya 37:24

Aa tun ni saanaagbiib ke bi nan puk kipupuk m chee, ke aa di saataan aatɔroku tiib ki nyaŋ Lebanonn aajoo ŋi fɔk na aanib, le ki gaa santina aasui i fɔk na, ni isui i ŋan na mɔmɔk lii kitiŋ, ki koo tichoor ponn ni pam.

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 49:10

nkon ni nnyunyuu aan ki chuu bi. Le nwiin, ni nteersakpiin pu aatotoŋ aan ki see bi, ba pu? u gee bi na le ga li joo bi. U ga mɔk bi uyayak aanyunbun chee.

Aisaya 65:10

Bi ga li dooni mi aan ki di baawakor di buen Saronn, ni bi liwilir wɔb na, ni Tibɔbir Aafataŋ ki bi liwipuul wɔb na ti ti ŋmɔ timoor.

Jeremia 49:31

‘Dan man. Ti ga tak binib bi dak ke bi ŋmar, nibaa aan ŋa bi na. Baatiŋ aa kpa ibisamɔi i laŋni na, le ubaa aa kii ki.’

Inandalahn 1:7

Jerusalem aatiŋ teer kaayaayoonn na aanyaan bɔr, le ki gur ber ki dɔ suuna. Kaah nan lir kaadim aaŋaal ni na, ubaa aa nan bi ki ter ki. Le binib bi nan nyaŋ ki na laa, kaah nan lir pu na.

Inandalahn 5:21

Uwumbɔr, giin ni timi aabaa chee. Giin ni timi. Taah nan kpa kipak ki n‑yaajayoonn na, giin ki tii timi.

Esekiel 36:11

M ga cha binib ni tiwakor moo pɔr kpee. Ni ga wiir jer n‑yaayoonn na, le ki ga kan mbim pam. M ga cha ni li koo nima chee ke naah nan koo pu na, ki ga cha ni kan liwangol ki jer naah kaa kee kan pu na. N‑yoonn ngbaan le ni ga bee ke min le ye Uwumbɔr.

Liifai Yaab 27:32

Tiwakor ponn ni, unii yaa kpa ti ki ti saa kipiik kan, Uwumbɔr ti yeh kibaa. Ni yaa kahn tiwakor ngbaan ki ti saa kipiik kan, kibaa ye Uwumbɔr yaan la.

Amos 9:11

Uwumbɔr ki len ke, “Nwiin mubaa choo, buyoonn m ga ki gir maa Ubɔrkpaan David aanaan mu bi ke lidichal li ber doo na. M ga ki gir fiin mu. M ga ki fiin mu siin ke mu aah nan bi pu n‑yaayoonn na.

Obadia 1:19

Binib ga nyan ni Juda aawilir aaŋangii wɔb le ki nan gaa Edom aatiŋ; le binib bi bi liwilir wɔb aagongon ni na ga gaa Filistia yaab aatiŋ, Israel yaab mu ga gaa Efraim ni Samaria aatim, le Benjaminn aanib ga gaa Gilead aatiŋ.

Maika 5:4

Ujojoor ngbaan yaa nan fuu ni kan, u ga di mpɔɔn sakpiin mu nyan ni Tidindaan Uwumbɔr ubaa chee na le di joo waanib. Waanib ga li bi lifuur ni la; ba pu? kitiŋ kee mɔmɔk aanib ga li nyi waapɔɔn bɔr,

Sefania 3:13

Israel aanib bi ŋmar na aan tun ubaa taani, kaan gii inyamɔn, kaan ŋmann ubaa. Bi ga kan liwangol, ki li bi ŋŋmarm ni, kaan li san unii ubaa ijawaan.”

Sekaria 10:10

M ga nyan ni bi Ijipt ni Asiria aatim ni ki giin bi kunn ni ki nan di bi kaan baatiŋ pu. M ga kaan bi Gilead ni Lebanonn mu aatim ni; kitiŋ ngbaan mɔmɔk ga kpaln binib ŋmeen la.

Sekaria 11:7

Binib bi daa ki kooh ipiih na, nan pan mi, le m kpaln ipiih i bi joo i cha bi ti kɔr na aapihkpaal. M nan ban idɔ ilee, m nan yin mubaa ke “Lineen” le ki yin muken na ke, “Kimɔbaan.” Le m nan kpaa ipiih ngbaan.

Malakai 3:4

Le kitork aapiin i Juda ni Jerusalem aanib joo nan tii Uwumbɔr na ga piir usui, ke yaah nan piir usui n‑yaayoonn na pu na.

Nkahm 23:9

Maah si ŋitakpal fɔfɔŋ ŋee pu na, m waa bi; maah si ŋigongon ŋee pu na, m waa bi. Bi ye linibol li kaa di libaa ŋmal biken ponn ni na la. Bi nyi ke bi kan tinyoor jer ŋinibol ŋiken.

Nkahm 32:1

Rubenn ni Gad aanibol nan kpa tiwakor ti wiir pam. Bi nan kan ke Jaser ni Gilead aatim kpa kimopɔɔk ki ŋan tiwakor ga kan timoor ki ŋmɔ na,

Matiu 2:6

‘Sin Betlehem aatiŋ, ki bi Judea aatiŋ ni na, saa ye kitiwaatiir Judea aatim ponn ni; ba pu? uyidaan ga nyan aa ponn ni, ki ga li ye Uwumbɔr aanib Israel yaab aayidaan.’”

Jɔnn 17:16

Maah kaa ye dulnyaa yoo na, kina le bi mu aa ye dulnyaa yaab.

Ikaal 33:28

Nima pu na, le Jakob aayaabitiib bi bibaa pu, ki kpa nsuudoon, ni mpɔɔn, ki bi kitiŋ ki gbii tijikaar, ni ŋisubil aadaan na, nin chee limaln nyani kitaapaak ki sɔŋni kitiŋ ngbaan n‑yoonn mɔmɔk na.