Maika 7:1 - Uwumbɔr aagbaŋ

¹ Maa kpa nsuupiin. M naahn uja u nkon joo u aan lisubil mu aa gur waasui pu, aan ndaan aasubil mu aa bi ŋaasui pu na la. Bi ker ŋisubil mɔmɔɔn ngbaan mɔmɔk a.

Maika 7:1 ပူးပေါင်းရင်းမြစ်များ

Ilahn 120:5

Ni chee aakookoon aa ŋan ke unii u koo Mesek ni, kaa ŋan ke unii u koo Kedar aanib chee na la.

Ŋiyataŋak 20:6

Unii mɔmɔk len waah si chob ki ŋani tiwan mɔmɔk aah mɔk pu na la, tɔ, saan ŋmaa kan kina aanii.

Aisaya 17:6

Binib siib baanja le ga gur, le Israel aatiŋ ga li gur bi ke baah ker olif aasubil ki cha lisubil libaabaa bu aapaacham pu na, bee siisiib ŋi gur bu aataab aasubon pu pu na la. Min, Israel yaab Aadindaan Uwumbɔr le len kina.”

Aisaya 24:13

Kina le ga ŋa dulnyaa aatimbol mɔmɔk ni. Ni ga li naahn tijikaar aacheen yoonn la, buyoonn bi gbaa ker olif aakpan aasubil isui pu doo, ki ker ŋisubil ŋi gur na mu doo pu na.

Aisaya 24:16

Ti ga ŋun dulnyaa aatingbaan i bi dandar na aanib gaa ilahn ki pak Uwumbɔr u ŋan na. Nee mɔmɔk pu na le m bui ke maa kpa limakl. Nwon kpo doo a. Bibɔmbɔtukb beenin tuk tibɔr, le baabiin moo kpae.

Aisaya 28:4

Kipak ki bininkpiib bi ye bidagbiib na nan kpa na bi gbaar ke baah ker ŋikakan ŋi puen puir na mala pu na la.

Aisaya 6:5

Le m bui ke, “Maabɔr doo a. Maamɔfal junn le na; ba pu? tibɔr timɔk nyani mmɔb ponn ni na ye titunwanbir aabɔr la, le maah bi binib bi ponn ni na mu aabɔr ye titunwanbir la. Le nimina mɔmɔk aapuwɔb, m kan Ubɔrkpaan ngbaan, Uwumbɔr Mpɔɔnsakpiindaan.”

Jeremia 15:10

M ye unii u kaa kpa mpopiin na la. Nna nan ma mi lii ni dulnyaa wee ni ke m nan ŋa ba? M ni binib mɔmɔk kpak le ki jaa kitiŋ kee pu. Maa pinn ubaa limombil, ubaa mu aa pinn m chee limombil, le unii mɔmɔk mu puuni lir m pu la.

Jeremia 24:2

Njan aabɔɔkuuk na nan gbii ŋikakan ŋi puir mala ki ŋan na la; le kiken na gbii ŋikakan ŋi kaa ŋan, ki bur, baan ŋmaa ŋmɔ ŋi na.

Jeremia 4:31

M ŋun iwiil pu ke upii u ban u maa na aah wii pu na, iwiil i bi ke upii u ban u maa waajan aabo na aawiil. Jerusalem aanib aawiil le bi na, bi pɔɔni bibaa ke bi fuur la, ki taln biŋaal ki wii ke, “Timi aamɔfal junn a. Bi choo bi nan ku timi la.”

Jeremia 45:3

“Baruk, aa bi len ke, ‘M di cha a. Uwumbɔr moo di mpombiin le kpee maabɔr pu. Maah dɔ ŋuuni pu na yɔl nwon a, le maa ŋmaa kan lifuur libaa.’

Jeremia 5:1

Jerusalem aanib, san dii nimi aatiŋ ponn ni man. Lik lik man. Cha nimi nibaa aanimbil kan. Lik lik kinyaŋ ponn ni man. Ni ŋmaa kan unii ubaa aan u tun ni ŋan na ki pɔɔni ubaa ke u kii Uwumbɔr aamɔb aa? Ni yaa ga kan kina aanii kan, Uwumbɔr ga di cha Jerusalem yaab aatunwanbir pinn bi.

Hosea 9:10

Uwumbɔr bui ke, “Maah nan puen kan Israel na, ni nan bi ke unii aah kan ŋisubil nteersakpiin ni kan, ni bi pu na la. Maah nan puen kan niyaajatiib na, ni nan bi ke aa yaa kan ŋikakan ŋi puen puir na kan, ni bi pu na la. Baah nan fuu ni Peor Aajool chee na, le bi piin ki gur dooni liwaal Baal, le ki ŋa fam ke ŋiwaa ŋi bi gee ŋi na.

Nkahm 18:13

Nimina mɔmɔk ye sin yaan la. Saamaal ni aanii umɔk bi chain ki ŋeer na ga ŋmaa ji ni.