Maika 6:8 - Uwumbɔr aagbaŋ

⁸ Aayii. Uwumbɔr bui timi tiwan ni ŋan na. Waah ban tiwan ni ti chee na sɔ: ke ti ŋa tiwan ni tok ki ŋan na, ki li kpa ngeehm n‑yoonn mɔmɔk, ki li bi suuna timi Aawumbɔr chee.

Maika 6:8 ပူးပေါင်းရင်းမြစ်များ

Mpiin 18:19

M lee u ke u di maakaal mɔk waabim, ni uyaabitiib, aan bi kii tii mi ki li ŋani ni ŋan na mbamɔm. Bi yaa kii kina kan, m ga ŋa tinyoor ŋa bi pu ke maah nan puu pu tii Abraham na.”

Mpiin 5:22

Nee aapuwɔb le Enok nan dii Uwumbɔr aasan mbamɔm, le ki ma mbim muken, le ki nan beenin bi, ki ti saa ŋibin ikui itaa.

2 Bibɔrb Aabɔr 30:11

Bibaa mu nan tee nyan ni Aser, ni Manase, ni Sebulunn aanibol ni ki gee ke bi dan Jerusalem aatiŋ ni.

2 Bibɔrb Aabɔr 32:26

Tɔ, kookoo na, Hesekia ni Jerusalem aanib nan sunn bibaa taab, le Uwumbɔr aa nan ki daa binib ngbaan aatafal ki ti saa buyoonn Hesekia kpo na.

2 Bibɔrb Aabɔr 33:19

Ubɔr ngbaan aameel, ni Uwumbɔr aah nan kii li pu na, ni waah nan tun titunwanbir ti ki nin kpeln waabimbin na, ni tibɔbir ti u nan ŋa na, ni waah nan maa tiwaadir ti na, ni liwaapii Asera aanaŋ ti u nan naan na, ni ŋiwaa ŋi u nan dooni na, mɔmɔk mu bi Uwumbɔr aabɔnabtiib aagbaŋ ni.

2 Bibɔrb Aabɔr 33:23

Tɔ, uma aa nan tee sunn ubaa taab ke ute na ki fenn toŋ Uwumbɔr. U nan kpaan ye utunwanbirdaan ki jer ute.

2 Bibɔrb Aabɔr 34:27

le aa kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem aatiŋ, ni kaanib aatafal pu na. M ŋun saameel,

Nehemia 9:13

Aa nan sunn ni bi chee Sainai Aajool chee; nima chee le aa nan len bi chee tibɔr ki tii bi ikaal i ŋan na, ni mbaem mu kpa ntataa na.

Ilahn 101:1

Uwumbɔr, maalahn ye ibamɔn ni ngeehm aalahn la, le m gaa mu tii si.

Ilahn 112:4

Bininyaam yaa bi mbɔmbɔɔn ni kan, ni ye nwiihn ŋmeen la; ni ye nwiihn ki tii binib bi san kinimbaak, ki kpa tiŋann, ki si chob na.

Ilahn 112:9

U tii binib bi kaa kpa na, ni usui mɔmɔk la, le waaŋann aa kpa ndoon; u ga li kpa mpɔɔn ni kipak.

Ilahn 37:26

N‑yoonn mɔmɔk kan, bi tii la, le ki pinni tii binib biken kaa gaal nibaa, le baabim mu ye bi tinyoor.

Ilahn 73:28

Mma chee kan, ni ŋan ki ti nyaŋ ke m li duun Uwumbɔr; ni ŋan ti nyaŋ ke m kan Ndindaan Uwumbɔr chee nkiirm, ki moon waah ŋa pu na mɔmɔk.

Ŋiyataŋak 21:3

Ŋa ni ŋan ki tok na. Nima le piir Uwumbɔr aasui ki jer saah kɔr tiwakor ti ke aa toor kitork tii u na.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Aisaya 56:1

Uwumbɔr bui waanib ke, “Li ŋani man tiwan ni ŋan ki tok na, ba pu? naan ki yunn le m ga gaa nimi lii.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Jeremia 22:16

U nan jin bigiim aabɔr ibamɔn pu, le waawan mɔmɔk nan kpa nsan. Kina le mɔk ke unii sil nyi Uwumbɔr.

Jeremia 22:3

“Min Uwumbɔr bui ke ni li ŋani tiwan ni ŋan ki ye ibamɔn na. Ni sil unii u uken bi ji u na aapuwɔb. Taa ŋa biwɔwɔm, ni nkpobim, ni bikpopiib mbiin; ki taa ku binib bi kaa tun taani ubaa na do chee na.

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Inandalahn 3:26

Kina pu na, ni ŋan ke ti di limɔr kiir u, aan u nan gaa timi lii.

Esekiel 16:63

M ga di cha pinn si saah tun taani u mɔmɔk na, aa mu tee ga teer taani ngbaan bɔr, le inimɔɔn ga chuu si sakpen, le saan ki ŋmaa waar aamɔb.” Aadindaan Uwumbɔr le len kina.

Esekiel 33:14

Nibaakan, m ga sak utunwanbirdaan ke u ga kpo, tɔ, u yaa di cha titunwanbir aatum, ki gur tun ni ŋan na kan, u ga ŋmar;

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Hosea 12:6

Kina pu na, Jakob aayaabitiib, kii tii nimi Aawumbɔr, ki fenn gir ni u chee. Li si uchaŋ ni ki li bi mbamɔm, ki li kii nimi Aawumbɔr aah ga nan tun pu na.

Hosea 6:6

M ban nimi aageehm le n‑yoonn mɔmɔk, maa ban nimi aatork baanja la. M ga li gee ke maanib li nyi mi ki jer ke bi li joo kitork seer mmii ni tii mi.

Liifai Yaab 26:41

ki cha m fenn daa bitafal, aan ki cha baadim chur bi buen baatim ni tinaagbiir ni na. Aayaabitiib yaa nan sunn bibaa taab, ki kan baah bii pu na aatafadaan kan,

Amos 5:24

Naah ga ŋa pu ki piir nsui na sɔ: Cha ibamɔn ni mbimbinyaan li wiir ke limɔɔl aanyun aah wiir kaa door pu na.

Maika 6:9

Ni ye nlan aawan le ke ti li san Uwumbɔr. U yin kitiŋ ngbaan ni aanib ke, “Li pel man, nimi bi kuun kitiŋ ngbaan ni na.

Sefania 2:3

Fenn gir ni Uwumbɔr chee, nimi binib bi mɔmɔk sunn nibaa taab ki kii waakaal na, fenn gir ni u chee man. Ŋa tiwan ni ŋan na man, ki sunn nibaa taab Uwumbɔr aanimbiin ni. Nibaakan, ni ga nan nya ntafadaan ni, bundaal aan Uwumbɔr ga nan nyan waaŋuul paacham na.

Sekaria 7:9

“N‑yaayoonn na le m nan di ikaal imina tii maanib. Ima le ye ke: ‘Ni cha ibamɔn li bi, ki li gee tɔb ki san tɔb kinimbaak.

Matiu 5:3

Binib bi nyi ke bi ye bigiim Uwumbɔr wɔb na, waanyoor bi bi pu. Bima le yeh Uwumbɔr aanaan.

Matiu 5:7

Binib bi kpa linimbaasaln na, Uwumbɔr aanyoor bi bi pu. U mu ga san bi kinimbaak.

Tibɔnyaan ti Luk ŋmee ti na 10:42

Tiwan nibaa baanja le aa lann. Mari aah lee ni na le ŋan. Ubaa aan nyan waah lee ni na u chee.”

Tibɔnyaan ti Luk ŋmee ti na 11:42

“Nimi Farisii yaab, tibɔbir bi ni pu; ba pu? ni yakr tikpifar nfum kipiik le ki nyan nibaa le di tii Uwumbɔr, kaa ŋani ni ŋan na, kaa gee Uwumbɔr. Ni ŋan ke ni li ŋani ni ŋan na, ki li gee Uwumbɔr, ki yakr nimi aawan mu ki di tii u.

Tibɔnyaan ti Luk ŋmee ti na 12:14

Le Yesu bui u, “Uja, ŋma tii mi nsan ke m ji nimi tibɔr ki yakr lifaal tii nimi?”

Tibɔnyaan ti Luk ŋmee ti na 6:36

Ni li kpa linimbaasaln ke Nite Uwumbɔr aah kpa pu na.”

Rom Yaab 7:16

M yaa ŋani maah kaa gee ke m li ŋani tiwan ni na kan, nima le mɔk ke m kii ke Uwumbɔr aakaal ŋan.

Rom Yaab 9:20

Njɔ, aa ye ŋma ki kpak Uwumbɔr? Tiwanaankaan aan baa unii u naan ni na, “Ba ŋa aa naan mi kina?”

1 Korenti 7:16

Upii, aa nyi ke sin pu aachal ga ŋmar aan waan ŋmar? Uja, aa nyi ke sin pu aapuu ga ŋmar aan waan ŋmar?

Efesusi 4:32

Ni li ŋani tɔb tiŋann, ki li san tɔb kinimbaak, ki di cha pinn tɔb ke Uwumbɔr aah di cha pinn nimi, Kristo pu pu na.

Ikaal 27:10

nima pu na, ni kii tii u ki li joo waakaal imɔk m di tuk nimi din wee na.”

Ikaal 30:15

“Din aataak kee, m tii nimi nsan ke ni nyan naah gee tiwan ni na, ni ban ni ŋan na le aan ni ban ni kaa ŋan na la, ni ban limɔfal le aan ni ban nkun la?

Kolosiya 3:12

Uwumbɔr nan nyan nimi, ki ŋa nimi waaninyaam, ki gee nimi. Nima pu na, ni li kpa linimbaasaln, ni tibulchinn, ki sunn nibaa taab, ki li bi suuna, ki li kpa suklaa,

2 Tesalonika 2:16

Tɔ, Tite Uwumbɔr gee timi sakpen. Waabulchinn pu, le u tii timi lipobisoon li kaan doo na, ni limakl nyaan.

Jemisi 2:20

Si ujɔr, cha m tuk si, aa yaa len ke aa gaa Uwumbɔr ki kii, kaa tun litunyaan kan, ni ye yɔli la.

Josua 24:14

Josua nan ki bui bi ke, “Kina pu na, ni li nyuŋni Uwumbɔr, ki gaa u iŋaal ilee, ki li dii u mbamɔm. Ni di ŋiwaa ŋi niyaajatiib nan dooni ŋi Mesopotamia, ni Ijipt aatim ni na lii, aan ki dii Uwumbɔr baanja.

1 Piita 3:8

Kookoo aabɔr le ye ke ni mɔmɔk li kpaan kimɔbaan, ki cha nitafal li bi tɔb ni, ki li gee tɔb ke naabitiib na, ki li san tɔb kinimbaak, ki sunn nibaa taab.

1 Samuel 12:23

M ma kan, Uwumbɔr taa cha m tun titunwanbir ke maan ki mee u tii nimi. M ga mɔk nimi nsan mu ŋan ke ni dii mu na.

1 Samuel 15:22

Le Samuel bui u ke, “Uwumbɔr tee gee nilani: aa kii waamɔb, bee aa toor kitork tii u? Ni ŋan ke aa kii waamɔb ki jer ke aa di ipiih i ŋan na toor kitork tii u.