Maika 6:5 - Uwumbɔr aagbaŋ

⁵ Maanib, teer man Moab aabɔr Balak aah nan kpokl ke u ŋa nimi pu na, ki teer Beor aajapɔɔn Balaam aah nan gar u pu na. Teer man maah nan cha ni puur Jɔɔdann aamɔɔl na, buyoonn ni nan nyan ni Sitim aakakaa chee ki cha Gilgal aatiŋ ni na. Teer man tiwan nimina mɔmɔk ki bee maah nan ŋa pu ke m gaa nimi lii na.”

Maika 6:5 ပူးပေါင်းရင်းမြစ်များ

Ilahn 111:4

Uwumbɔr cha ti teer waatukpaan na pu, u kpa tiŋann le ki san kinimbaak mu.

Ilahn 143:11

Uwumbɔr, saah nan puu ke aa ga ŋa pu na, gaa mi lii; saaŋann sakpenn pu, nyan mi maabɔr ni.

Ilahn 36:10

Tɔ, li beenin gee binib bi nyi si na, ki ŋa bininyaam tiŋann.

Ilahn 71:19

Uwumbɔr, saabimbinyaan fuur kitaapaak, aa tun ŋitun ŋi nyaŋ na, ubaa aa bi ke si na.

Aisaya 1:27

Uwumbɔr aah ŋan pu na, u ga gaa Jerusalem, ni kaanib bi kpeln baabimbin na lii,

Nkahm 22:41

Naah woln kichakpiik ni na, le Balak di Balaam buen Bamof Baal aagongoln paab, nin chee Balaam ga li waa Israel yaab ngem na.

Nkahm 23:27

Balak nan ki bui ke, “Li dii ni mi aan ti ki buen niken chee. Nibaakan Uwumbɔr ga cha aa sil nima chee ki puun lii bi pu ki tii mi.”

Nkahm 25:1

N‑yoonn mu Israel yaab nan kal Sitim Aafataŋ ni, Moab yaab aatiŋ ni na, le Israel yaab aajab piin ki yoor ki kpaan doo kitiŋ ngbaan yaab aapiib chee.

Nkahm 25:2

Bipiib ngbaan nan chɔi bi, le bi chaa ti ji bido yaab aawaa ŋi bi dooni ŋi na aajim. Israel yaab nan ji baah di tijikaar ti tii baawaa na,

Nkahm 31:16

Ni teer man ke bipiib le nan kii tii Balaam, ki cha binib ngbaan nyan Uwumbɔr aapuwɔb, Peor aatiŋ ni. Nima le nan cha Uwumbɔr cha iween lir waanib pu, ki ku bi.

Nkahm 31:8

ki kpee Midiann yaab aabɔrb biŋmu bimina: Efi, ni Rekem, ni Sur, ni Hur, ni Reba. Bi nan ku Beor aajapɔɔn Balaam mu.

Efesusi 2:11

Nimi bi kaa ye Juu yaab na, Juu yaab yin nimi binib bi kaa geei ŋichakpan na, ki yin bibaa bichakpangeeb; ba pu? bi geei ŋichakpan. Ni teer man, naah nan bi pu n‑yoonn mu jer na.

Ikaal 16:3

Ni yaa ban ni ji tijikaar ngbaan kan, ni taa ŋmɔ boroboro u kpa boroboro aanyɔk na. N‑yoonn ngbaan kan, ni taa ŋmɔ boroboro u kpa boroboro aanyɔk na ki ti saa iwiin ilole, ke naah nan ban ni nya Ijipt aatiŋ ni woween ki ŋman pu na. Ni li ŋmɔ boroboro ngbaan aaboln; ni ga li yin u ke falaa aaboroboro la. Ni li teer nwiin mundaal ni nan nyan Ijipt aatiŋ ki ti nan jin falaa ki ponn ni na, n‑yoonn mɔmɔk.

Ikaal 23:6

Naah ye litimbol ki kpa limɔfal na, ni taa ter ŋitimbol ngbaan ke ŋi kan tinyoor.

Ikaal 8:18

Ni teer ke Nidindaan Uwumbɔr le ŋa nimi biwankpadam; waah nan puu tipuur ti tii niyaajatiib na, le u beenin joo ti, ki ŋa kina.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

Ikaal 9:7

“Ni teer, ki taa suln naah nan bi nteersakpiin ni, ki ŋa Nidindaan Uwumbɔr liŋuul pu na. Nwiin mundaal ni nyan ni Ijipt aatiŋ ni, ki nan saa bundaal ni fuu ni do na, ni yii waamɔb.

Josua 2:1

Baah nan bi Sitim aatiŋ ni na, le Josua tun bipepekr bilee, ke bi buen Kanaann aatiŋ ni, ki loon lik ke Jeriko aatisakpeŋ aanib bi kinye. N‑yoonn mu bi ti fuu kitisakpeŋ ngbaan ni na, le bi buen pateer u bi nan yin u ke Rahab na do.

Josua 3:1

Naah woln kichakpiik ni na, Josua ni Israel aanib ngbaan mɔmɔk nan fii lichakpitaawoln, le ki nyan Sitim aatiŋ ni, ki buen Jɔɔdann Aamɔɔl chee. Bi nan bi nima chee ki kii nwiin mu bi ga puur li na.

Josua 4:19

Binib ngbaan nan puur Jɔɔdann Aamɔɔl njan aaŋmal aawiin kipiik daal la, le ki kal Gilgal aatiŋ ni, Jeriko aawipuul wɔb.

2 Piita 2:15

Bi yii nsanyaan le ki yenn, ki dii Beor aajapɔɔn Balaam aah nan dii pu na. U nan gee titunwanbir aanyoor la.

1 Jɔnn 1:9

Uwumbɔr ŋani waah len pu na ki ye mbamɔndaan la. Ti yaa kpiir timi aatunwanbir tuk u kan, u ga di cha pinn timi aatunwanbir, ki finn tipobil, ki nyan tiwan ni kaa ŋan na mɔmɔk.

Juud 1:11

Tibɔbir bi bi pu la. Bi yii Uwumbɔr aamɔb ke Keenn aah nan yii pu na. Bi mɔk binib mmɔkm mu kaa ŋan na ŋimombil pu, ke Balaam aah nan ŋa pu na. Bi yii baaninkpiib aamɔi ke Kora aah nan yii pu na. Uwumbɔr ga bii bi mu.

Tibɔkpiirkaan 2:14

Tɔ, m mu galn nimi tibɔr tibaa pu. Ba pu? Ni ponn ni bibaa joo Balaam aamɔkm; uma le nan mɔk Ubɔr Balak waah ga ŋa pu ki tɔŋ Israel yaab bi ti ŋmɔ libaawol aanann, ki gɔr kidagook, aan Uwumbɔr daa bitafal na.

Bibɔjirb 11:25

Aa dak ke sin le jer Sipor aajapɔɔn Balak u nan ye Moab aatiŋ aabɔr na aa? U kee kpak Israel yaab aa? U kee faa timi butɔb aa?

Bibɔjirb 5:11

Li pel man, kinipaak aafuuk ki bi ŋibun chee na; bi len Uwumbɔr aanyaŋ aabɔr la, bi bi len Israel aanib aanyaŋ pu la. Le Uwumbɔr aanib chɔr nyan baatim ni.

1 Samuel 12:7

Tɔ, li si man naah si nin chee na, aan m galn nimi Uwumbɔr aanimbiin ni, ki teer nimi waah tun ŋitun sakpiin ŋi ki gaa nimi ni niyaajatiib lii na pu.