Maika 6:16 - Uwumbɔr aagbaŋ

¹⁶ Naah dii Ubɔr Omri aajapɔɔn Ubɔr Ahab aatunwanbir aasan na pu, le kina ga ŋa. Ni beenin joo baakaal la, kina pu le m ga bii doo nimi, le unii mɔk ga lik nimi fam. Binib bi bi dulnyaa wee ni na ga lik seen nimi.”

Maika 6:16 ပူးပေါင်းရင်းမြစ်များ

1 Bibɔrb 18:4

le n‑yoonn mu Jesebel nan bi ku Uwumbɔr aabɔnabtiib na, Obadia nan di bi ponn ni nkub ti bɔr titakpalunn tilee ponn ni. Piiŋmu piiŋmu le nan bi kitakpaluŋ ni, le u tii bi tijikaar ni nnyun.

1 Bibɔrb 9:8

Lidichal limina ga ber, le unii umɔk jer nima chee na, ni ga ŋa u iwaan ni lijinjiir. Le bi ga baa ke, ‘Ba ŋa Uwumbɔr ŋa kitiŋ kimina, ni Waadichal limina kina?’

2 Bibɔrb 16:3

le ki dii Israel aatiŋ aabɔrb aasan i kaa ŋan na. U nan kpaan di ujapɔɔn kɔr toor ŋiwaa ki see u mmii ni tii ŋi, le ki tun tijɔŋ aatunwanbir ti binib bi Uwumbɔr nan jenn nyan bi baatiŋ ni buyoonn Israel yaab nan choo na nan tun na.

2 Bibɔrb 21:3

U nan ki gir maa tiwaadir ti ute Hesekia nan ber na. U nan maa ŋiwaa aatork aabimbin ke bi li dooni liwaal Baal nima chee, le ki naan liwaapii Asera aanaŋ, ke Israel yaab aabɔr Ahab aah nan ŋani pu na, ki dooni iŋmabi mu.

2 Bibɔrb Aabɔr 22:4

Ute aah kpo na, Ubɔr Ahab aadichal ni aanib bibaa le nan ye waasusurb, le ki cha u tun Uwumbɔr titunwanbir le ki lir.

2 Bibɔrb Aabɔr 34:25

Bi yii mi le ki dooni ŋiwaa, li ki di baah tun pu na mɔmɔk fiin maaŋuul. Maaŋuul fii Jerusalem aanib pu, kaan sɔŋ.

Ilahn 1:1

Binib bi yii titunwanbirdam aasurm, kaa dii kinimbɔŋdam aabimbin, kaa kpaani binib bi kaa nyi Uwumbɔr na chee na kpa mpopiin.

Ilahn 44:13

Timi ni binib bi koo gbɔk tɔb na kani saah ŋani timi pu na, le bi ŋani timi mbɔnyun ki laa timi.

Ilahn 44:14

Aa di timi ŋa yaansara aawan le ŋitimbol ŋiken chee; bi laa timi le ki gbakr biyil.

Aisaya 25:8

Tidindaan Uwumbɔr ga nyaŋ nkun ki kuln mu. U ga per binib mɔmɔk aanimbil tinyunyunn, ki nyan inimɔɔn i waanib jin dulnyaa wee mɔmɔk ni na. Uma Uwumbɔr le len kina.

Aisaya 9:16

Binib bi loln bi pu nsan na di bi yenn a, ki cha bilan ŋmal bi.

Jeremia 19:8

Maah ga joo ni tibɔbir ti nan lii do na ga ŋa unii umɔk jer do na lijinjiir ni iwaan.

Jeremia 25:18

Jerusalem aatiŋ, ni Juda aatim mɔmɔk, ki kpee kaabɔrb ni biyidam mɔmɔk, m nan cha bi nyun ki ponn ni, ki cha bi kpaln nteersakpiin, ki kpa ijawaan, ki cha binib joo baayimbil puuni lir biken pu, ke baah beenin ŋani pu na.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 29:18

M ga li joo ni butɔb, ni nkon, ni iween le san dii bi, le dulnyaa wee aatimbol mɔmɔk ga san ijawaan, baah kan pu na pu. Nimɔk m cha bi yaa ki bi na, binib aapobil ga yuk, ki san ijawaan, baah kan tiwan ni mɔmɔk na. Binib ga laa bi, ki li joo baayimbil puuni lir biken pu.

Jeremia 51:51

Ni bui ke, ‘Bi jinn timi inimɔɔn a; le biwɔwɔm aah gaa ŋipepel ŋi bi chain Uwumbɔr Aadichal ni na, ti kan ke taa ki kpa nterm mubaa.’

Jeremia 7:24

Le baa kii maamɔb, kaa kpa ntafaŋum mu, le ki tee tun baamaaŋuntafal ni baatunwanbir aasui ngbaan aah bui bi pu na, le ki moo bii cha.

Inandalahn 5:1

Uwumbɔr, teer tiwan ni dan ti pu na. Lik ni timi, ki kan timi aanimɔɔn.

Esekiel 39:26

Bi yaa ki gir kal baatiŋ ngbaan pu lifuur ni, aan ubaa aa ki bi u faan bi kan, bi ga ŋmaa suln baah nya mpuwɔb ki jin inimɔɔn i na bɔr.

Daniel 9:16

Sin le nan kii timi n‑yoonn mu jer na, kina pu na, taa ki gee Jerusalem aatiŋ pu liŋuul. Ki ye saatiŋ ki bi chain na la. Binib bi mɔmɔk bi itingbaan mɔmɔk ni na lik seen Jerusalem aatiŋ, ni saanib, timi aatunwanbir, ni tiyaajatiib aatunwanbir pu.

Hosea 12:14

Israel aanib cha Uwumbɔr aaŋuul fii ni ti nyaŋ, baatunwanbir ŋeer nkun la. Uwumbɔr ga daa bitafal titunwanbir ti bi di tii u na pu.

Hosea 5:11

Israel yaab bi ji limukl aafalaa la, ki lann kitiŋ ki nan ye bibaa aatiŋ na, ba pu? bi nan si chaa ti ban nterm binib bi kaan ŋmaa ter bi na chee la.

Maika 2:6

Binib mooni m pu ki len ke, “Taa mooni ti chee. Taa mooni tima ngbaan mɔmɔk man. Uwumbɔr aan jinn timi inimɔɔn.

Maika 6:13

Kina pu na, m puun gor ke m bii doo nimi, nimi aatunwanbir pu.

Tibɔkpiirkaan 2:20

Tɔ, m mu galn nimi; ba pu? ni ŋmin ki lik Jesebel, upii u len ke u ye Uwumbɔr aabɔnabpii kaa ye na. U ŋmanni maatutum, ki tuk bi ke bi yaa gɔr kidagook ki ŋman libaawol aanann kan, naa bir.