Maika 6:15 - Uwumbɔr aagbaŋ

¹⁵ Ni ga bu njikaabim, ki mu aan chee tijikaar. Ni ga nyan nkpan olif aasubil ni, ki mu aan ŋmaa di mu ŋa nibaa. Ni ga ŋaa ndaan, ki mu aan nyu mu.

Maika 6:15 ပူးပေါင်းရင်းမြစ်များ

Job Aagbaŋ 31:8

cha maajikaar bii doo, bee aa cha biken ji tijikaar ti m bun na.

Jeremia 12:13

Maanib nan bun imuul, le ki tee nan chee timoor; bi nan tun le kitotoŋ nyan, le kaa nan kan nibaa. Maaŋuusakpeln pu le baajikaar aa ŋa.”

Liifai Yaab 26:16

m ga daa nitafal. M ga cha tibɔbir dan ni pu, le iween i kaan sɔŋ na ga dan ni pu, ki ga cha nimi aawon toŋ, ki ga cha ni jɔb, ki ŋa fam. Ni ga bu njikaabim, le ni mu aan ter nimi, ba pu? nimi aadim le ga dan nan nyaŋ nimi, ki ji naah kon tijikaar ti na.

Liifai Yaab 26:20

Le naah ga li pɔɔni nibaa ki tun sakpen pu na, naan ter nimi, ba pu? nimi aatiŋ aan ki ŋa tijikaar, le nimi aasui mu aan ki lu ŋisubil.

Amos 5:11

Ni muk bigiim le ki gaal baah kpa tijikaar ni tiwan siib ni na. Kina pu na, naan koo ŋitakpal aadichanyaan ŋi ni maa siin na ni, kaan nyu naah ŋum ŋisubil aasui i na aadaan mu.

Habakuk 3:17

Ŋikakan yaa kaa ŋeen, le ndaan aasubil mu yaa kaa baa isui pu, olif aakpan aasui mu yaa yii kaa lun, le tijikaar mu yaa kaa ŋa ikpaakon ni, ipiih mu yaa kaa bi kibɔkpuk ni, le inaa mu yaa kaa bi tinaabar ni kan,

Sefania 1:13

Bidim ga yoor baawangol buen, le baadichal ber. Baan koo ŋidichal ŋi bi bi maa na ponn ni, kaan nyu baah bi ŋumni ndaan aasubil aasui i na aadaan kpala.”

Hagai 1:6

Ni bun njikaabim pam, le ki tee nan chee njikaabim pɔkaa kina. Ni kpa tijikaar ni ji, le ki mu aa babr. Ni kpa ndaan ni nyu, le mu aa tee gbii nimi. Ni kpa tiwanpeenkaan, le ni mu aa leer nimi tiwoor. Bijab bi tun lituln ki gaal lipal na aapal aa fuur bi.

Jɔnn 4:37

Bi len ke ‘Ubaa bun, le uken chee,’ le ti gbii;

Bibɔjirb 6:4

Bi ga nan kal kitiŋ ngbaan pu, le ki bii baajikaar kina, ki ti saa ŋŋangii wɔb, lipepel li mann goln Gasa aatiŋ na. Bi ga nan chur ipiih, ni inaa, ni ibon mɔmɔk, kaan gur Israel aanib nibaa ke bi li joo kpiini bibaa.