Maika 6:14 - Uwumbɔr aagbaŋ

¹⁴ Ni ga ji, le ki mu aan bab; mbamɔn, nkon ga li joo nimi. Ni ga kuun liwangol di bil, le ki mu aan ŋmaa li joo li; naah ga li kpa tiwan nimɔk na, m ga bii kina aawan butɔb ponn ni.

Maika 6:14 ပူးပေါင်းရင်းမြစ်များ

Aisaya 30:6

Uwumbɔr aah len tiwakor ti bi nteersakpiin ngbaan ni na aabɔr ti na sɔ: “Juda aaninkpiib ngbaan chuun isan i kpa tibɔbir na pu, ni nin chee ichinn koo na, ni nin chee iwaa i bir na bi na, ni nin chee tipeewanbir ti fii paacham na koo na. Bi di ipiin i kpa kidaak na buu baabon, ni laakumii mam pu, bi ti tii litimbol li kaan ŋmaa tii bi nterm mubaa na.

Aisaya 65:13

le m ban m bui nimi ke binib bi dooni mi ki kii maamɔb na ga li kpa pam bi ji ki nyu, nimi ma kan, nkon ni nnyunyuu ga li joo nimi. Bi ga li kpa mpopiin, le nimi ga ji inimɔɔn.

Aisaya 9:20

Le kitiŋ ngbaan mɔmɔk pu aanib ga li tɔkl tijikaar siib ti bi kan na le ki ji. Nimina mɔmɔk mu aan cha nkon doo. Hali bi ga di baabim ŋa tijikaar.

Jeremia 48:44

Uwumbɔr aah siin n‑yoonn mu ke u kuln Moab na, unii umɔk pɔɔn ubaa ke u san ŋmar ijawaan chee na ga lir ŋibugen ni, le umɔk baar nyan ŋibugen ni na, gaawɔb mam le ga chuu u.

Esekiel 5:12

Nimi aanib ŋiker ŋitaa ponn ni aaker libaa ga kpo iween, ni nkon aakun kitiŋ ngbaan ponn ni; le liker liken ga bee kijaak aajuk aakun ni, kitiŋ ngbaan aagbaan; le m ga di litatar na yaa tii libuln, ki di maajaak aajuk paan bi pu.

Hosea 4:10

Bi yaa toor kitork kan, ni ga ji nimi yaan, ki mu aan bab. Ni ga li dii timar aawaa, ki mu aan li kpa mbim, ba pu? ni fenn nipuwɔb tii mi, le ki ti dii ŋiwaa.”

Liifai Yaab 26:26

Le m ga cha nimi aajikaar taa ki ŋa mbamɔm, le kina pu, bipiib kipiik ga di baah kpa tijikaar ti na kpaan ŋaan likumbuul libaa ni. Le bi yaa yakr ti, ni jin kan, naan bab. Nkon ga li beenin joo nimi.

Hagai 1:6

Ni bun njikaabim pam, le ki tee nan chee njikaabim pɔkaa kina. Ni kpa tijikaar ni ji, le ki mu aa babr. Ni kpa ndaan ni nyu, le mu aa tee gbii nimi. Ni kpa tiwanpeenkaan, le ni mu aa leer nimi tiwoor. Bijab bi tun lituln ki gaal lipal na aapal aa fuur bi.

Hagai 2:16

ni ga nan buen lidikpukl libaa chee ki dak ke ni ga ti kan ndibim mu gbiin bɔtɔ tiib bilee na, le ki ti mui mu ye bɔtɔ ubaa baanja la. Ni ga nan buen ke ni ti chuun ndaan ikinja ilee, le ki ti mui mu ye nkinja mubaa baanja la.