Maika 6:12 - Uwumbɔr aagbaŋ

¹² Nimi aawankpadam ji bigiim pem pem la, le ni mɔmɔk ye binyamɔndam.

Maika 6:12 ပူးပေါင်းရင်းမြစ်များ

Ilahn 120:2

Uwumbɔr, nyan mi binyamɔndam ni biŋmaŋmannim chee.

Ilahn 35:20

Baabɔlen aa ŋan, le bi mɔnn inyamɔn mɔk aabɔŋ paani binib bi gee nsuudoon aabɔr na.

Ilahn 78:36

Tɔ, baamɔbon tee ye inyamɔn la; baabɔr mɔmɔk aa gbiini.

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 3:8

Mbamɔn, Jerusalem sil kuln a. Juda mu bi lir la. Baah ŋani tiwan nimɔk ki len pu na mɔmɔk seei Uwumbɔr binib aanimbil ni la; le bi fii sil uma Uwumbɔr u kpa mpɔɔn mɔmɔk na pu.

Aisaya 5:7

Israel ni Juda aanib le ye Uwumbɔr Mpɔɔnsakpiindaan aasaak, bima le ye ŋisubil aasui i u ŋum na. U nan dak ke bi ba ŋa ni ŋan na, le bi yii ki ku binib. U nan dak ke bi ba li ŋani ni tok na, le bi nan ŋani binib mbiin, le bi wii baabamɔn pu.

Jeremia 9:8

Bilambil bi ke ipiin i kpa liluul na la; ŋi geei inyamɔn n‑yoonn mɔmɔk la. Unii mɔmɔk len tibɔnyaan le uŋeen aatɔ chee, le ki tee bi pen u gaawɔb.

Hosea 7:1

“M yaa ti ban ke m tii maanib Israel yaab laafee, ki ki tii bi nkam kan, m kani baatunwanbir ni mbiin mu bi tun na baanja la. Bi ji tɔb la; bi koo biken aadichal ni le ki su kinaayuk; ki su binib kinaayuk kitiŋ ponn ni.

Hosea 7:13

“Baamɔfal junn a. Bi di mi lii le ki nyan mpuwɔb. Bi ga kuln. M ba ban ke m ter bi la, le bi mu aa dii mi mbamɔm.

Amos 2:4

Uwumbɔr ki len ke, “Juda yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi lik maamɔkm fam, kaa kii maamɔb. Biyaajatiib aah nan dii inyamɔn aawaa ŋi na le ŋmann bi koon timoor ni.

Amos 6:4

Nimi bi dɔ nimi aawandookaan ni diin ki ŋan na pu, ki ji n‑yaan ni nkpan na, naa ga nan li ŋan tii nimi kpala.

Sefania 1:9

M ga daa binib bi mɔmɔk aa taar mbisamɔb na aatafal. Bi su kinaayuk mu, ki ku binib, ki joo baawan ti bilni baawaadir ni na.”

Sefania 3:3

Kaaninkpiib bi ke ichinn i ŋuuni na la; le kaabɔjirb naahn takɔ tiib bi nkon joo bi na, kaan ŋmaa mɔr ke likpabl li dɔ ki ti woln kitaak.

Lituln 24:9

Tetulus aah len pu na, le Juu yaab kpaan kii, ke ti gbii.

Rom Yaab 3:13

Baaliin po ye iliin i bir na la. Bi geei inyamɔn ki ŋmanni binib. Baaliin bii binib ke ujagen aaluul aah bii binib pu na la.