Maika 5:6 - Uwumbɔr aagbaŋ

⁶ Buyoonn bi koo ni timi aapepel ni na, le bi ga di tijawan ki nyaŋ Nimrod aatiŋ Asiria, le ki gaa timi Asiria yaab chee lii.

Maika 5:6 ပူးပေါင်းရင်းမြစ်များ

2 Bibɔrb 15:29

Peka aah nan ye Israel yaab aabɔr buyoonn na, le Asiria aatiŋ aabɔrkpaan Tiglaf Pileser nyaŋ Ijonn, ni Abel Bef Maaka, ni Janoa, ni Kedes, ni Hasor aatim, ni Gilead, ni Galilee, ni Naftali aapepel, le ki chur binib tinaagbiir buen Asiria aatiŋ ni.

1 Bibɔrb Aabɔr 1:10

Kus aajapɔɔn u bi nan yin u ke Nimrod na le nan puen ye dulnyaa wee ni aanii u nan nyaŋni butɔb ni pam na.

2 Bibɔrb Aabɔr 33:11

Kina pu na, Uwumbɔr nan cha Asiria aatɔb aajab aaninkpiib dan nan koo Juda aatiŋ ni. Bi nan chuu Manase, le ki di ijapiin saar lɔk lɔk u, ki di tikululn baa u, le ki di u buen Babiloŋ aatiŋ ni.

Job Aagbaŋ 29:22

le m yaa ti doo kan, baa kpa tibaa bi ki kpee. Maabɔr nan koo ke ntaanyun mu too na aah koo kitiŋ pu na la;

Ilahn 110:3

Nwiin mundaal aa ga tak saadim na, saanib ga nya sil ki ter si bibaa pu la. Saanachipɔm ga dan aa chee ŋijoo ŋi bi chain na pu ke kichakpiik ni aamaln na la.

Ilahn 72:6

Cha ubɔr li bi ke utaal aah nu ikpaakon i pu na, ki naahn titaapupur aah pui kitiŋ pu pu na.

Aisaya 14:2

Ŋitimbol pam le ga ter Israel yaab aan bi ki gir ni kitiŋ ki pu Uwumbɔr nan di tii bi na, le ŋitimbol pam ga li ye Israel yaab aanaagbiib ki tun lituln tii bi. Israel yaab ga ki nyaŋ binib bimɔk nan nyaŋ bi ki chur bi tinaagbiir na; le Israel yaab ga li gur joo binib bi nan muk bi na.

Aisaya 14:25

M ga kuln Asiria yaab bi bi maatiŋ Israel ni na, ki taa taa bi pu maajoo pu, ki nyan maanib falaa u Asiria yaab ŋani bi na ni, ki gaa bi lii.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Aisaya 37:36

Le Uwumbɔr aatuun buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Aisaya 37:37

Le Asiria aabɔrkpaan Senakerib fenn ki gir buen Ninefa aatiŋ ni.

Aisaya 6:13

Hali unii ubaa baanja le yaa gur binib kipiik ponn ni kitiŋ ngbaan pu kan, u mu ga kpo; unibaan ngbaan ga gur li bi ke baah gaa gii likpaln ki cha lisikpiil pu na la.” Lisikpiil ngbaan mɔk Uwumbɔr aanib bi ga nan ki naahn linibol pɔln na la.

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Nahum 2:11

Tɔ, kitiŋ ki nan bi ke ichinn aabuu na ki bi la chee? nin chee ichinn aabim ji, aan uchinnja ni uchinnpii nan chaa, aan yaabim bi lifuur ni na, bi la chee?

Sefania 2:13

Uwumbɔr ga di waapɔɔn kuln Asiria aatiŋ. U ga cha kaatiyil Ninefa kpaln tilangbenn, ni nteersakpiin mu kaa kpa nnyun na.

Sefania 3:12

M ga cha binib bi aabimbin ŋan aan bi sunn bibaa taab ki ga dan m chee ki nan ban nterm na le li bi nima.

Tibɔnyaan ti Luk ŋmee ti na 1:71

U nan puu tipuur ke u ga nyan timi, timi aadim aaŋaal ni, ni bimɔk nan timi na aaŋaal ni, aan ti ŋmar.

Tibɔnyaan ti Luk ŋmee ti na 1:74

ke u ga nyan timi, timi aadim aaŋaal ni, aan ti dii u ki taa li san ijawaan,

Tibɔnyaan ti Luk ŋmee ti na 24:27

Le Yesu ŋeer waabɔr ti ŋmee Uwumbɔr Aagbaŋ ni na mɔmɔk tuk bi. Njan u tuk bi Moses aah nan ŋmee ti pu na, le ki nin tuk bi Uwumbɔr aabɔnabtiib mɔmɔk aah nan ŋmee ti pu na.

Ikaal 32:2

Maamɔkm ga lir ke utaal na la, le ki bi kitiŋ pu ke limaln na. Maamɔbon ga lir ke titaapupur aah lir timoor ti laa diin na pu na la, ki ki naahn ke utaal u lir yɔl yɔl timoor ti laa chiin na pu na.