Maika 5:2 - Uwumbɔr aagbaŋ

² Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Maika 5:2 ပူးပေါင်းရင်းမြစ်များ

Mpiin 35:16

Jakob ni waamaal nan nyan Betel aatiŋ ni ki cha, kaa kee fuu Efraf aatiŋ ni, le imalween chuu Rachel, ki ye imalween i pɔɔ ti nyaŋ na.

Mpiin 35:19

Rachel aah nan kpo na, bi nan di u sub gbaŋ Efraf aasan chee, dandana bi yin nima chee ke Betlehem.

Mpiin 48:7

Aana Rachel pu le m bi ŋani kina. U nan kpo Kanaann aatiŋ ni, naa daa Efraf chee, n‑yoonn mu m nan nyan Mesopotamia aatiŋ ni na. Le ni bii nsui pam. M di u sub Efraf aatiŋ aasan chee la.” Dandana wee bi yin Efraf aatiŋ ngbaan ke Betlehem la.

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

1 Bibɔrb Aabɔr 2:54

Salma, u nan naan Betlehem aatiŋ na, le nan ye Netofaf aanib, ni Atrof Bef Joab, ni Sor aanib aayaaja. Sor aanib nan ye Manahaf aatiŋ aataŋaal ilee na ponn ni mubaa la.

1 Bibɔrb Aabɔr 5:2

Ni mu nan tee ye Juda aanibol le nan ŋa bipɔɔndam le ki nyan bijojoob tii ŋinibol ŋiken na mɔmɔk.

Ilahn 132:6

Betlehem ni le ti ŋun Nkaal Aadakaa bɔr, le ki ti kan u Jearim aakpaakon ni.

Ilahn 90:2

Waahr aan aa nin naan ŋigongon ni dulnyaa na, aa nan ye Uwumbɔr u kaa kpa ndoon na, ki ga li beenin ye Uwumbɔr ki ti saa n‑yoonn mu kaa kpa ndoon na.

Nnyam 18:21

Tɔ, tiwan ni kpee na sɔ, pɔɔn aabaa ki nyan bijab bi ga ŋmaa joo biken na, ki tii bi nsaloln aatuln bi li joo biken: bisalolm ngbaan bibaa li lik lichur lichur, bibaa mu li lik nkub nkub, bibaa mu li lik piiŋmu piiŋmu, bibaa mu li lik kipiik kipiik aanib. Cha binib ngbaan li ye binib bi san Uwumbɔr ijawaan ki tun lituln mbamɔm, kaan li gaal igaŋgaŋlik na.

Nnyam 18:25

le ki nyan Israel yaab ponn ni bijab bi ga ŋmaa toor biken aabɔr na. U nan di binib lichur lichur, ni nkub nkub, ni piiŋmu piiŋmu, ni kipiik kipiik, ki tii bisalolm ngbaan, bi mɔmɔk aah ga ŋman pu na.

Aisaya 11:1

Baah gaa busub lii aan ibonpɔɔn ki kpenn pu na, kina le ubɔrkpaan David aamaal ponn ni bi. Ubɔrkpaan pɔɔn ga ki nyan ni David aayaabitiib ni.

Aisaya 53:2

Ni nan ye Uwumbɔr aageehn ke waatutunn nyal sil ke busub bu si nteer pu ki kpa inyaan na. Waa kpa kinyaan ni bunyuŋ ni ga cha binib li neen u na. Nibaa aa nan bi u chee ki ŋan, nibaa aa bi, ki ga daa timi dan u chee.

Aisaya 55:4

M nan ŋa u ŋitimbol mɔmɔk aayidaan; le ki cha bi kan maapɔɔn aah bi pu na u pu.

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Jeremia 30:21

Baajojoor ga nya ni baatimbol ni la, le baayidaan nya ni bibaa aanib ni. M yaa tun yin u kan, u ga dan m chee, maah kaa tun yin u na waan kaa dan m chee. Bi ga li ye maanib, le m ye Baawumbɔr. Min Uwumbɔr le len kina.”

Hosea 6:3

Cha ti pɔɔn tibaa man ki li nyi Uwumbɔr, ki nyi waah ban pu na. U ga sil dan ti chee ke kitaak aah ga woln pu na, u ga dan ti chee ke unaalantaal u sɔŋni kitiŋ na.”

Amos 9:11

Uwumbɔr ki len ke, “Nwiin mubaa choo, buyoonn m ga ki gir maa Ubɔrkpaan David aanaan mu bi ke lidichal li ber doo na. M ga ki gir fiin mu. M ga ki fiin mu siin ke mu aah nan bi pu n‑yaayoonn na.

Maika 4:10

Jerusalem aatiŋ aanib, li mur fenni ki ker idun ke upii u imalween joo u na, ba pu? ni ga nya kitiŋ ponn ni ki ti li koo timoor ni. Ni ga buen Babiloŋ aatiŋ ni; le Uwumbɔr ga ti tee gaa nimi, nimi aadim chee lii nima.

Sekaria 13:7

Uwumbɔr Mpɔɔnsakpiindaan bui ke, “Kijaak aajuk, finn ngeen pu, ki ti tak upihkpaal u tun maatuln na. Ku u, ki cha ipiih yaa.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Matiu 2:1

Bi nan ma Yesu, Betlehem aatiŋ ponn ni la, ki bi Judea aatiŋ ni na, n‑yoonn mu Herod ye ubɔr na. Baah ma Yesu na, le bilankpalb bibaa nyan ni liwipuul wɔb ki dan Jerusalem,

Matiu 2:6

‘Sin Betlehem aatiŋ, ki bi Judea aatiŋ ni na, saa ye kitiwaatiir Judea aatim ponn ni; ba pu? uyidaan ga nyan aa ponn ni, ki ga li ye Uwumbɔr aanib Israel yaab aayidaan.’”

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Tibɔnyaan ti Luk ŋmee ti na 23:2

le ki piin ki bi galni u, ki bui ke, “Ti kan uja wee ŋmanni timi aanibol la. U tuk bi ke bi taa ki pa lampoo tii Ubɔrkpaan Siisa, ke uma ubaa le ye Kristo u ga gaa binib lii na, ki ye Ubɔr.”

Tibɔnyaan ti Luk ŋmee ti na 23:38

Bi nan ŋmee kigbaŋ tam waadɔpuinkoo pu, uyil paab. Ni ŋmee ke, “Juu yaab Aabɔr le na.”

Jɔnn 7:42

Uwumbɔr Aagbaŋ len ke u ga li ye tiyaaja David aayaabil, ki ga nyan ni Betlehem aatiŋ ni, kitiŋ ki ye David do na.”

Ikaal 1:15

Nima pu na, m nan di binib bi kpa nlan, ki nyi mbimbin mbamɔm, aan ni nan nyan bi nimi aanibol ni ki di bi tii mi na, ki di nimi kpaan bi. Bibaa nan lik nimi binib lichur, biken mu binib nkub, le biken mu binib piiŋmu, biken mu kipiik. M nan ki nyan biyidam bibaa mu ke bi li lik ŋinibol ngbaan mɔmɔk.

Kolosiya 1:17

Uma Yesu le puen tiwan mɔmɔk bi. Uma pu le tiwan mɔmɔk beenin bi.

Hiibru Yaab 13:8

Yesu Kristo aa kpelni. Waah fe bi fen na pu na, u beenin bi kina le din, ki joo cha n‑yoonn mu kaa kpa ndoon na.

Hiibru Yaab 7:14

Binib mɔmɔk nyi ke Tidindaan nan ye Juda aanibol ponn ni aanii la. Moses aa nan len ke linibol ngbaan aanib ga li ye bitotoorb.

1 Jɔnn 1:1

Timi Yesu aakpambalb le ban ke ti tuk nimi limɔfal aabɔr. Tibɔr ngbaan ye Yesu aabɔr la. U nan bi n‑yaayoonn na, ki beenin bi. Ti nan ŋun waah len pu na. Tinimbil nan kan u, ki lik mbamɔm waah bi pu na. Tiŋaal nan meeh u.

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”

Tibɔkpiirkaan 2:8

“Ŋmee kigbaŋ tii maanib bi bi Simina aatiŋ ni na aatuun ke min Yesu u ye mpiin ngbaan ni ndoon ngbaan, ki nan kpo ki ki fikr na le len tibɔr timina:

Tibɔkpiirkaan 21:6

Le u ki bui mi ke, “M ŋa tiwan ngbaan mɔmɔk doo. Min le ye Alfa ni Omega, mpiin ni ndoon ngbaan. Unii umɔk nnyunyuu chuu u na, m ga tii u limɔfal aanyun, le waan pa nibaa.

Bibɔjirb 17:7

N‑yoonn baan ngbaan Liifai aanachipɔɔn ubaa nan bi Betlehem, kitiŋ ki bi Juda aanibol aatiŋ ni na ni.

Ruf Aagbaŋ 1:1

N‑yoonn mu jer aan Israel yaab aa nan kee kpa bibɔrb na, le nkon nan lir Israel yaab aatiŋ pu. Kina pu le uja u bi nan yin u ke Elimelek, aan u ye Efraf aamaal aanii, ki koo Betlehem aatiŋ ki bi Juda aatiŋ pu na, ni upuu Naomi, ni ujapɔtiib bilee bi bi yin bi ke Malonn ni Kilionn na, nan laa fii kun Moab aatiŋ ni.

Ruf Aagbaŋ 4:11

Biyidam ngbaan ni bimɔk nan bi nima na, nan bui ke, “Mbamɔn, ti ye biseeraadam. Uwumbɔr cha aapuu ngbaan ŋa ke Rachel ni Lea bi nan maa Jakob lidichal na. U tii si likpal Efraf aamaal ni, ki cha Betlehem aanib mɔmɔk li nyi si.

1 Samuel 10:19

Min le ye nimi Aawumbɔr, u nyan ni nimi tibɔr, ni ŋimuk mɔmɔk ponn ni na, le din wee ni yii mi, le ki bui mi ke m tii nimi ubɔr. Ni ŋan, kina pu na, kuun tɔb man, ki kal ŋinibol ŋinibol, ni imaal imaal, Uwumbɔr aanimbiin ni.’”

1 Samuel 17:12

David nan ye Efraf aanii Jese u nyan ni Betlehem aatiŋ ki bi Juda ni na aajapɔɔn la. Jese nan kpa japɔtiib biniin la, ki nan ye uninkpel u kpa kipak na buyoonn Sɔɔl nan ye ubɔr na.

1 Samuel 17:18

ki yoor wangaasi kpin kipiik ŋee mu ti tii bijab ngbaan aaninkpel. Ti lik aakpetiib aah bi pu na, ki li joo ni limɔkl libaa nan mɔk ke aa sil kan bi, le bi kpa laafee.

1 Samuel 23:23

Bee man libuul li ni chob u bɔr na, ki gir nan tuk mi man mala. Le m ni nimi dii buen, le u yaa beenin bi nima kan, m ga tee mban kan u. Hali ni yaa ye ke m ban u Juda aatiŋ mɔmɔk ni kan, m ga ban kan u.”

1 Samuel 8:12

Bibaa ga li ye bijab lichur aaninkpiib, le biken mu ye bijab piiŋmu aaninkpiib. Nijapɔtiib le ga ko waakpaakon ni, ki chee waajikaar, ki mɔɔ waajawan, ni waataan aatɔroku mam aawan.