Maika 4:8 - Uwumbɔr aagbaŋ

⁸ Le sin, Jerusalem aatiŋ ni, nin chee Uwumbɔr lik waanib pu ke upihdaan na, ga ki gir kpaln nnaan mu aa nan yeh na aatiyil.

Maika 4:8 ပူးပေါင်းရင်းမြစ်များ

Mpiin 35:21

Le Jakob fii nima chee, le ki ti kal Eder aadifɔfɔŋ aapepel libaa.

2 Samuel 5:7

David mu nan tee nyaŋ baapɔɔn aajool Sionn, le bi gur yin kitiŋ ngbaan ke “David Aatiŋ.”

Nehemia 3:25

Le Usai aajapɔɔn Palal mu piin kilɔlɔŋ ngbaan ni, ni bikikiib aadifɔfɔk ki bi libɔrdichal li bi paacham wɔb, ki bi gbɔk ukikiir aachiln na ki maa: Paros aajapɔɔn Pedaya mu le nan paan ki maa ligeln li paa na, ki ti saa liwipuul wɔb, nin chee duun mbisamɔb mu bi yin mu ke Nnyun Aabisamɔb na, ni bikikiib aadifɔfɔk ki kii Uwumbɔr Aadichal na. Ligeln ngbaan nan bi gbɔk kitiŋ ngbaan nin chee bi yin ni ke Ofel na, nin chee Uwumbɔr Aadichal ni aatutum koo na.

Ilahn 24:7

Chuu piir waan man ibisamɔi, piir man n‑yaayoonn na aajaaleŋ mam na, ki cha ubɔrkpaan ngbaan koo ni.

Ilahn 48:3

Uwumbɔr mɔk ke lifuur bi u chee, waatiŋ ki bi maa ŋigon kiir ki na ponn ni.

Ilahn 61:3

ba pu? sin le ye u kii mi na, ki ye u pɔɔ ki kii mi maadim chee na.

Solomonn Aalahn 4:4

Aasil joon ki bi mɔlb ke David aakikiib aadifɔfɔŋ na la, le nneeleen mu bi ke kijaak aapen lichur na gbin mu pu.

Aisaya 1:26

M ga tii nimi biyidam bi ga li sur nimi ke naah nan puen kpa pu na. N‑yoonn ngbaan le bi ga ki yin Jerusalem aanib ke binib bi ŋan ki dii mi Uwumbɔr baanja na.”

Aisaya 10:32

Din wee bidim ngbaan fuu ni Nob aatiŋ ponn ni, le ki joo biŋaal mɔk Sionn Aajool li Jerusalem bi li paab na.

Aisaya 5:2

U nan kuun ŋitakpal le ki kon ki ŋum isui i lu ŋisubil ŋi ŋan na ki ponn ni, le ki maa libimbifɔfɔŋ ke bi li ka li paab ki kiir kisaak na, le ki gbii libuul litakpasakpeln ni, li bi ga di ŋisubil ŋa li ponn ni na aan ki ŋmaa ŋaanyun nyan na; le ki kii buyoonn ŋisubil ga puir na; le ŋisubil na mɔmɔk nan mɔɔn la.

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Daniel 7:18

Le Uwumbɔr u kaa kpa ŋeen aatɔ na aanib ga gaa nnaan aapɔɔn ki li joo mu n‑yoonn mɔmɔk.”

Obadia 1:21

Jerusalem yaab bi ga nyaŋ baadim mɔmɔk na ga tak Edom yaab ki nyaŋ bi. Le Uwumbɔr uma ubaa ga li ye Ubɔrkpaan.”

Maika 2:12

“Le m ga kuun ni nimi Israel aanib bi gur na nan kpaan. M ga kuun ni nimi ke ipiih aah kpaan chaa koo yaabool ponn ni pu na la. Nimi aatiŋ ga ki gbiin binib ke kipihkpaamook ki ponn ni gbii ipiih na la.”

Sekaria 9:10

Uwumbɔr bui ke, “M ga nyan butɔb aataan aatɔroku tiib Israel aatiŋ ni, ki nyan itaan Jerusalem aatiŋ ni; m ga kool baah joo itɔi i chaa butɔb ni na. Nimi aabɔrkpaan ga cha nsuudoon dan ŋitimbol chee; u ga li joo kitiŋ ki nya nnyusakpem mue chee ki ti saa mue chee, ki nya Yufrates Aamɔɔl ni, ki ti saa kitiŋ aanaanmɔk.”

Sekaria 9:12

Nimi binaagbiib bi bi kitiyayaŋ ni na, ni kpa limakl dandana wee la; gir ni man, gir ni nin chee kpa lifuur na man. M tuk nimi la, m ga gir pa nimi tinyoor nfum mulee ki jer naah nan jin falaa pu na.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Nkahm 24:19

Israel yaab aatimbol ga nyaŋ bi, ki taa bi diin, ki ku binib bi mɔmɔk nan ŋmar na.”

Matiu 21:33

“Li pel man liyataŋakl liken. Udichadaan ubaa le nan bi le ki naan kisaak, le ki ŋum isui i lu ŋisubil na ki ponn ni, le ki di idɔ gob kisaak ngbaan, le ki gbii libuul li bi ga di ŋisubil ŋa li ponn ni na aan ki mueni nyani ŋaanyun na, le ki maa libimbifɔfɔŋ ke unii li ka li paab ki kiir kisaak ngbaan, le ki yin bikpaab bibaa, le ki di kisaak ngbaan ŋa biŋaal ni, ke bi li lik ki. Isui ngbaan yaa nan lun ŋisubil kan, bi ker ki tii u, aan ki ker bibaa mu. Waah ŋa kina na, le u siir ki buen kitiŋ ki daa na ni.

Tibɔnyaan ti Mak ŋmee ti na 12:1

Le Yesu ki ŋakl bi ŋiyataŋak ke, “Uja ubaa le nan naan kisaak, le ki ŋum isui i lu ŋisubil na ki ponn ni, le ki di idɔ gob kisaak ngbaan, le ki gbii libuul li bi ga di ŋisubil ŋa li ponn ni aan ki muen nyan ŋaanyun na, le ki maa libimbifɔfɔŋ ke unii li ka li paab ki kiir kisaak ngbaan, le ki yin bikpaab bibaa, ki di kisaak ngbaan ŋa biŋaal ni ke bi li lik ki. Isui ngbaan yaa nan lun ŋisubil kan, bi ker tii u, aan ki ker bibaa mu. Waah ŋa kina na, le u siir ki buen kitiŋ ki daa na ni.

Efesusi 1:21

Uma Kristo bi nima ki kpa mpɔɔn mu jer mpɔɔn mɔmɔk na: u kpa mpɔɔn jer inyɔk, ni ŋiwaa, ni bipɔnib aapɔɔn, ki kpa tininkpir jer tininkpir mɔmɔk, ki kpa mpɔɔn jer dindatiib aapɔɔn mɔmɔk. Waayimbil jer ŋiyimbil ŋimɔk bi dandana wee na, ni ŋimɔk ga li bi n‑yoonn mu choo na.

Tibɔkpiirkaan 22:5

Kinyeek aan ki li bi. Baan li ban karyaa, kaan li ban nwiin; ba pu? Tidindaan Uwumbɔr le ga li wiin bi pu. Bi ga li ye bibɔrb ki cha n‑yoonn mu kaa kpa ndoon na.