Maika 4:5 - Uwumbɔr aagbaŋ

⁵ Litimbol mɔk dooni ki keei laawaal aamɔb la, le ti mɔmɔk ga nan doon ki kii Tidindaan Uwumbɔr aamɔb ki ti saa n‑yoonn mu kaa kpa ndoon na.

Maika 4:5 ပူးပေါင်းရင်းမြစ်များ

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

2 Bibɔrb 17:29

Tɔ, binib bi nan koo Samaria ni na nan beenin naani baawaa, le ki di ŋi ŋa Israel yaab aah nan maa tiwaadir ti na ponn ni. Linibol mɔk nan naan laawaa laah koo ntim mu ni na la:

2 Bibɔrb 17:34

Bi beenin joo baakaal le ki nan saa din na. Baa dooni Uwumbɔr, kaa kii tii ikaal, ni mmɔkm mu u nan di tii Jakob aayaabitiib na. Jakob le Uwumbɔr nan ki yin ke Israel na.

Ilahn 20:6

M bee dandana wee ke Uwumbɔr le tii waah lee ubɔr u na linyaŋ; u bi waapaacham ni bi chain na ni, le ki keei u, ki joo waapɔɔn tii u linyaŋ.

Ilahn 48:14

“Uwumbɔr umina ye timi Aawumbɔr le ki ti saa n‑yoonn mu kaa kpa ndoon na.” Uma le ga mɔk timi nsan ki ti saa n‑yoonn mu kaa kpa ndoon na.

Ilahn 71:16

Ndindaan Uwumbɔr, m ga pak saapɔɔn; m ga moon sin baanja aaŋann le pu.

Aisaya 2:5

Nimi Jakob aayaabitiib, cha ti li gur chuun man nwiihn mu Uwumbɔr di tii timi na ni.

Aisaya 26:13

Tidindaan Uwumbɔr, dindaayayan le nan joo timi, sin baanja mu le ye Tidindaan.

Aisaya 26:8

Ti dii saah ban pu na ki kpa limakl aa pu; si le ye taah ban nimɔk na.

Jeremia 32:40

M ga puu tipuur ti kaa kpa ndoon na tii bi. M ga li ŋani tiwan ni ŋan na tii bi n‑yoonn mɔmɔk, le ki ga cha bi li san mi bisui mɔmɔk ni, aan bi taa ki fenn bipuwɔb tii mi daalbaadaal.

Sekaria 10:12

M ga tii maanib mpɔɔn; bi ga kii maamɔb ki li dooni mi.” Uwumbɔr le len kina.

Lituln 14:16

N‑yaayoonn na, u nan cha ŋinibol mɔmɔk ŋani baah gee pu na.

Ikaal 27:10

nima pu na, ni kii tii u ki li joo waakaal imɔk m di tuk nimi din wee na.”

Kolosiya 2:6

Ni nan gaa Yesu Kristo, ki kii ke u ye Nidindaan. Nima pu na, ni li kpaan u ni, ki li dii u man,

Kolosiya 3:17

Ni yaa len kan, ni len Tidindaan Yesu aayimbil pu; ni yaa tun lituln kan, ni li tun waayimbil pu, ki li ŋani tiwan mɔmɔk waayimbil pu, ki li dooni Tite Uwumbɔr u pu.

Josua 24:15

Ni yaa kaa gee ke ni li dooni u kan, din wee, ni nyan naah ga dii u na; ni ga li dooni ŋiwaa ŋi niyaajatiib nan dooni ŋi Mesopotamia aatiŋ ni na aa? bee ni ga li dooni Amor yaab, bi ni bi baatiŋ ponn ni na le aawaa? M ni maamaal ma kan, ti ga li dii Uwumbɔr la.”