Maika 4:11 - Uwumbɔr aagbaŋ

¹¹ Ŋitimbol pam le kuun ni ke ŋi nan tak nimi. Bi bui ke, “Ti ga bii Jerusalem aatiŋ doo. Ti ga kan ke kitiŋ ngbaan bii doo.”

Maika 4:11 ပူးပေါင်းရင်းမြစ်များ

Ilahn 129:5

Cha bi nyaŋ ki jenn giin unii umɔk kaa gee Sionn aatiŋ na.

Ilahn 83:5

Bi kpokl le ki kii tii tɔb, le ki ŋa limaantɔl ki fii sil aa pu;

Aisaya 10:7

Le Asiria aabɔrkpaan ngbaan ma tee kpa ubaa aalandak i kaa ŋan na uyil ponn ni. Waalandak le ye ke u bii ŋitimbol pam;

Aisaya 17:12

Ŋitimbol ŋi kpa mpɔɔn na aalan ŋmal, le bi kpa kifuuk ki naahn nnyusakpem aanyunkpenn aafuuk, ki yur ke tinyunkpenn ti wiir na.

Aisaya 29:7

n‑yoonn ngbaan le ŋitimbol ngbaan aajab bi bi tak kitisakpeŋ ki ye Uwumbɔr aatork aabimbiln ngbaan na aajawan ga lir ke naah ye tidaŋ le na, ki naahn ke unii aah dɔ geen kinyeek ki dak ilandak pu na.

Jeremia 52:4

Kina pu le Nebukadnesar nan di waajab mɔmɔk dan nan tak Jerusalem, Sedekia aanaan aabiwawaer ni aaŋmapiik aawiin kipiik daal. Bi nan kuun kal kitiŋ ngbaan aagbaan, le ki maa ŋikɔl ŋikɔl kitiŋ ngbaan aagon aataab kina

Esekiel 26:3

“Tɔ, min Dindaan Uwumbɔr aah len pu sɔ: Taya aatiŋ, min le ye saadin. M ga cha ŋitimbol pam dan ki nan tak si, ŋi ga dan ke nnyusakpem aanyunkpenn na la.

Esekiel 38:17

Saabɔr le m nan len n‑yaayoonn na, ki cha maatutum, bi ye maabɔnabr ki nan bi Israel aatiŋ ni na moon, ke n‑yoonn choo le m ga nan cha unii ubaa tak Israel aatiŋ.” Dindaan Uwumbɔr le len kina.

Obadia 1:12

Naa ŋan ke ni ba li mɔɔni buyoonn ninaabitiib Juda yaab kan mpombiin na. Nwiin mundaal bi nan kuln baatiŋ na, naa ba ga nan li kpa mpopiin liyaadaal ngbaan. Naa ŋan ke buyoonn bi nan bi tibɔbir ni na, nimi li bi laa.

Maika 7:10

Timi aadim ga kan nimina, le ki ji inimɔɔn, bidimbaam bi nan ŋani timi yaansara ki bui ke, “Nidindaan Uwumbɔr bi la?” na. Ti ga kan binib aah nyaŋ bi pu na, ki taa bi bil kitiŋ ke tikpakpar na.

Sekaria 12:3

Tɔ, n‑yoonn ngbaan yaa nan fuu ni kan, m ga cha Jerusalem nyuŋ ke litakpal sakpeln na. Le litimbol li pɔɔn libaa ke li yoor li na kan, li kan titotonn. Dulnyaa aatimbol mɔmɔk ga kuun nan kpaan ke ŋi tak Jerusalem.