Maika 3:6 - Uwumbɔr aagbaŋ

⁶ “Bibɔnabr, nimi aawiin bi door la; nwiin ga lir buyoonn naa kee gor na. Naah di maanib yenn pu na, le ni ga ŋa kina, naan ki kan tibɔkpiirkaan ti ni ga di nabr na, kaan ki ŋmaa bui ke tiwan nibaa ga ŋa, aan tiwan ngbaan sil ŋa kina.”

Maika 3:6 ပူးပေါင်းရင်းမြစ်များ

Ilahn 74:9

Timi aawan nimɔk ye kitork aawan na buen a; saabɔnabtiib aa ki gur, le ubaa aa nyi nimina aah ga yunn ki ti saa pu na.

Aisaya 29:10

Uwumbɔr le cha ni doon ki geen kaan finn mala. Nimi Uwumbɔr aabɔnabr le ba ye binib aanimbil, le Uwumbɔr ŋum ninimbil.

Aisaya 59:10

le ti chuun tuul ke bijoom na. Ti chuun nwiin pu le ki gbeer, ke naah ye kinyeek le na, ki naahn ke taah bi kitekpiitiŋ ni le na.

Jeremia 13:16

Nyuŋ Nidindaan Uwumbɔr man waahr aan u nin joo ni mbɔmbɔɔn, mu ga cha ni li gbeer ŋijoo paab ki cha nwiihn mu ni mak mu pu na kpaln mbɔmbɔɔn na.

Jeremia 15:9

Upii umɔk aabim mulole kpo na nan fik, kaa ki ŋmaa fuur. Waawiihn nan kpaln mbɔmbɔɔn la; u nan jin inimɔɔn, le usui bii. M ga cha nimi aadim ku nimi bi beenin fu na. Min Uwumbɔr le len kina.”

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Esekiel 13:9

M ban m daa nimi bibɔnabr bi ye binyamɔndam ki kani tibɔkpiirkaan ti kaa gbii na ki len tibɔr ti joo binib yenni na aatafal la. Maanib yaa kuun ke bi kpokl kan, naan li bi nima; nimi aayimbil aan li bi Israel aanib aayimbil ni; naan ki gir ni nimi aatiŋ pu daalbaadaal. N‑yoonn ngbaan le ni ga bee ke min le ye Nidindaan Uwumbɔr.

Esekiel 7:26

Tibɔbir tibaa ga dan, le tiken paan ni ti pu, le tibɔbir ga li puu fuur ni nimi ke nkpen aah puu pu na. Ni ga gaŋ maabɔnabtiib ke bi tuk nimi baah kan tibɔr ti ga dan ni pu na. Bitotoorb aan li kpa nibaa bi di mɔk binib, le bininkpiib aan li kpa nsurm mubaa bi tii.

Amos 8:11

“N‑yoonn choo, buyoonn m ga tun ni nkon kitiŋ kee pu na. Nkon ga li joo binib, ni mu aan li ye tijikaar aakon; nnyunyuu ga li joo bi, ki mu aan li ye nnyun aanyunyuu. Uwumbɔr aabɔr aakon ni taanyunyuu le ga li joo bi. Min Uwumbɔr Mpɔɔndaan le len kina.

Maika 2:6

Binib mooni m pu ki len ke, “Taa mooni ti chee. Taa mooni tima ngbaan mɔmɔk man. Uwumbɔr aan jinn timi inimɔɔn.