Maika 3:4 - Uwumbɔr aagbaŋ

⁴ N‑yoonn choo le ni ga nan wii ban Uwumbɔr chee nterm, le waan gar nimi. Waan ŋun nimi aameel; ba pu? ni tun titunwanbir la.

Maika 3:4 ပူးပေါင်းရင်းမြစ်များ

Job Aagbaŋ 27:9

Uwumbɔr ga ŋun baawiil tibɔbir yoonn aa?

Job Aagbaŋ 35:13

Baawiil ye fam la; Uwumbɔr Mpɔɔnsakpiindaan aa waa bi le kaa kpaan ŋun bi pu.

Ilahn 18:41

Bi wii ban nterm, le ubaa mu aan gaa bi lii; bi yin Uwumbɔr, le waan gar bi.

Ŋiyataŋak 1:28

N‑yoonn ngbaan le ni ga yin mi, le maan gar nimi. Ni ga tee mban ki ban mi nwiin pu, ni kinyeek, kaan kan mi.

Ŋiyataŋak 28:9

Aa yaa kaa joo Uwumbɔr aakaal kan, waan ŋun saameel.

Aisaya 1:15

“Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Aisaya 3:11

Le titunwanbirdam ga kuln; le baah ŋa biken pu na, Uwumbɔr ga di giin ŋa bi.

Jeremia 11:11

Tɔ, le min Uwumbɔr sak bi ke m ga cha libiil dan bi pu, le baan ŋmar. Bi yaa wii yin mi ki ban nterm kan, maan pel bi chee.

Jeremia 14:12

Hali bi yaa lul bumɔb kan, maan pel baaterm aawiil; le bi yaa toor kitork ki see ki mmii ni tii mi, ki tii mi njikaabim aapiin kan, nsui aan piir bi pu. Maah ga ŋa pu na le ye ke m ku bi butɔb, ni nkon, ni iween ni.”

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Esekiel 8:18

Bi ga kan maaŋuul aah pɔɔ pu na mɔmɔk. Maan san bi kinimbaak, kaan di cha pinn bi mu. Bi ga li tar mpɔɔn pu sakpen ki mee mi limeel, le maan gar bi.”

Maika 3:7

Binib bi nyi n‑yoonn mu choo na aabɔr ki nabr na ga ji inimɔɔn, baah kaan ki li nyi nibaa pu na pu. Uwumbɔr aah kaan gar bi pu na pu le bi ga kpaln binimɔɔnib.

Maika 7:13

Tɔ, kitiŋ kee tee ga kpaln nteer ŋmeen, binib bi bi ki pu na aatunwanbir pu.

Sekaria 7:13

Baah nan yii kaa pel buyoonn m nan len bi chee tibɔr na, le m yii kaa pel baah mee mi pu na.

Matiu 7:22

Liyaadaal ngbaan le binib pam ga bui mi, ‘Tidindaan, Tidindaan, ti nan nabr Uwumbɔr aabɔr saayimbil pu, ki nyan tiyayaar binib ni, saayimbil pu, ki tun lijinjiir aatun saayimbil pu.’

Jɔnn 9:31

Ti nyi ke Uwumbɔr aan ŋun titunwanbirdam aameen. Unii yaa dii Uwumbɔr ki ŋa Uwumbɔr aageehn kan, uma le Uwumbɔr ga ŋun waameen.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

1 Samuel 8:18

N‑yoonn ngbaan yaa nan fuu ni kan, ni ga li wii nimi aabɔr u nimi nibaa lee u na aah ŋani nimi pu na, le Uwumbɔr aan gar nimi.”