Maika 3:2 - Uwumbɔr aagbaŋ

² le ni nan tiwan ni ŋan na, ki tee gee titunwanbir. Maanib aa kee kpoi le ni sun baagban ki dar lui baanann baakpab pu.

Maika 3:2 ပူးပေါင်းရင်းမြစ်များ

1 Bibɔrb 21:20

Ahab aah kan Elaija na, le u baa u ke, “Maadin, aa pii ni mi do oo?” Le Elaija gar u ke, “Een, m pii ni si. Aa di aabaa tii ke aa li tun ni kaa ŋan Uwumbɔr chee na la.

2 Bibɔrb Aabɔr 19:2

Hanani aajapɔɔn Jehu, u nan ye Uwumbɔr aabɔnabr na, nan buen ti tooh u nsan ni, ki baa u nsurm ni ke, “Aa dak ke ni ŋan ke aa ter bibiindam, ki kpee binib bi nan Uwumbɔr na pu uu? Saah tun pu na cha Uwumbɔr aaŋuul fii aa pu.

Ilahn 15:4

Binib bi Uwumbɔr yii bi na, kina aanii lik bi fam la, le ki tee nyuŋni binib bi keei Uwumbɔr aamɔb na. U yaa puu ke u ga ŋa pu na kan, kina le u ŋani, kaa dakl lik naah ga bii waatuln pu na.

Ilahn 53:4

Le Uwumbɔr baa ke, “Baa nyi la aa? Titunwanbirdam bee aa nyi la aa? Bi su maanib kinaayuk le ki ji, le kaa dooni mi kpala.”

Ŋiyataŋak 28:4

Aa yaa kaa joo Uwumbɔr aakaal kan, aa bi bibiindam wɔb la; le aa yaa joo i kan, aa ye baadin la.

Aisaya 3:15

Naa ŋan ke ni muen maanib ki ji bigiim ke baah ye bigiim na. Min, Nidindaan Uwumbɔr Mpɔɔnsakpiindaan le len kina.”

Aisaya 5:20

Nimi aadoon le na. Tiwan ni kaa ŋan na le ni yin ke ni ŋan, le ki yin ni ŋan na ke naa ŋan. Ni chee ye mbɔmbɔɔn na le ni yin nwiihn; le ni chee wiin na, ni yin mbɔmbɔɔn. Nimi le yin tiwan ni mɔɔn na tiwan ni mɔ na, le ki yin ni mɔ na tiwan ni mɔɔn na.

Aisaya 57:12

Ni dak ke naah ŋani pu na le ŋan, le m ga nyan nimi aatuln mɔmɔk mpaan pu, le nimi aawaa ngbaan aan ŋma gaa nimi lii.

Esekiel 11:7

“Kina pu na, min Nidindaan Uwumbɔr aah bi tuk nimi pu na sɔ. Kitiŋ kee sil ye lisaamɔnkumbuul, tɔ, ba ye tinann? Binib bi ni ku na le ye tinann. Naan ki li bi do, m ga jenn nyan nimi kitiŋ kee ni.

Esekiel 22:27

Kitiŋ aaninkpiib naahn takɔ tiib la, le ki dar par baah ku tinann ti na. Bi ku binib le ke bi kan ŋimombil.

Esekiel 24:4

Jak tinannyaan ti ye tiboor, ni ŋitaajal na, ŋa li ponn ni, ki di ŋikpab aanannyaan mu kpee.

Esekiel 34:3

Ni nyu yaabiin, ki peeni yaakor aawanpeenkaan, ki kɔr ki ŋmɔ ipiih i ŋan sakpen na. Tɔ, naa tee kpiini ipiih ngbaan.

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Maika 2:8

Le Uwumbɔr ga gar ke, “Ni tak maanib ke bidim na la. Bijab nyan ni butɔb ni, ki dak ke baah fuu ni linampal na bi ŋmar la, le ni bi nima chee ke ni nan su baabɔkur.

Maika 7:2

Unii ubaa aa gur kitiŋ ngbaan pu ki bi chob, ubaa mu aa bi ki kii tii Uwumbɔr. Binib mɔmɔk ka kii ke bi ku binib biken la. Unii mɔmɔk dɔ ban udo yoo le u ku.

Maika 7:3

Bi mɔmɔk ye binib bi nyi titunwanbir aatuln na la. Ŋitun aaninkpiib, ni bibɔlem ban igaŋgaŋlik la. Binib bi kpa mpɔɔn na len baah ban pu na la, le bi kpaani ki kpokl.

Sefania 3:3

Kaaninkpiib bi ke ichinn i ŋuuni na la; le kaabɔjirb naahn takɔ tiib bi nkon joo bi na, kaan ŋmaa mɔr ke likpabl li dɔ ki ti woln kitaak.

Tibɔnyaan ti Luk ŋmee ti na 19:14

Le waatiŋ ni aanib nan nan u, ki tun binib ke bi paan u pu ki ti bui ubɔrkpaan na, ‘Taa ban ke uja ngbaan le ye timi aabɔr.’

Jɔnn 18:40

Le bi teen, “Taa di uja ngbaan lii. Di Barabas lii.” Barabas nan ye ufifiir la.

Jɔnn 7:7

Dulnyaa aanib aa ŋmaa li nan nimi. Bi nan mi la; ba pu? m tuk bi ke baatuln aa ŋan.

Rom Yaab 1:32

Bi nyi ke Uwumbɔr len ke binib bi ŋani kina na ŋeer nkun, le bi tee beenin ŋani kina, ki len ke binib yaa ŋani kina kan, naa bir.

Rom Yaab 12:9

Tɔ, ni li gee binib nisui ni. Ni li nan lituln li kaa ŋan na, ki li gee lituln li ŋan na.

2 Timoti 3:3

kaan li gee baamaal aanib, kaan di cha pinn binib. Bi ga li ye binibiinib. Baan ŋmaa chuu bibaa. Bi ga li kpa mbiin, ki ga li nan nsanyaan.