Maika 3:12 - Uwumbɔr aagbaŋ

¹² Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Maika 3:12 ပူးပေါင်းရင်းမြစ်များ

Ilahn 107:34

U cha kitiŋ ki kpa tijikaar na kpaln nteersakpiin, bibiindam bi koo nima chee na pu.

Ilahn 79:1

Uwumbɔr, binib bi kaa nyi si na koo ni saatiŋ ni. Bi bii Saadichal li bi chain na, le ki cha Jerusalem gur ye tilangbenn.

Aisaya 32:14

Hali libɔrchiln na mu ga kpaln nkuun, le litiyil na mu ga kpaln nkuun, ubaa aan ki li bi li ni. Ŋidichal ni ŋigon ŋi kiir ŋi na mɔmɔk ga kuln, kaan ki fii daalbaadaal. Ibon i bi timoor ni na le ga li gur chuun nima, le ipiih mu kan nin chee i ga li ŋmɔ timoor na.

Jeremia 17:3

ni ŋijoo paab, ikpaakon ni. M ga cha nimi aadim nan yoor nimi aawangol ni nimi aawankpal buen, naah tun titunwanbir ti kitiŋ kee mɔmɔk pu na pu.

Jeremia 22:5

Tɔ, ni yaa kaa ŋani maah tuk nimi pu na kan, m puu tii nimi ke libɔrdichal limina ga ber doo ki kpaln lilangbeln. Min Uwumbɔr le len kina.

Jeremia 22:6

“M chee kan, Juda aanaan aadichal ŋan ke Gilead aatiŋ, ni Lebanonn aajoo na la; le m ga ŋa li nin chee ubaa aan ŋmaa koo na.

Jeremia 26:18

“Hesekia aah nan ye Juda aabɔr na, Uwumbɔr aabɔnabr Maika u nan bi Moresef aatiŋ ni na nan tuk binib mɔmɔk ke Uwumbɔr Mpɔɔnsakpiindaan len ke, ‘Bi ga kpar Sionn ke lisikpel na, le Jerusalem kpaln tilangbenn aakpuk, le Uwumbɔr Aadichal aagongoln ga kpaln kichook.’

Jeremia 35:17

Kina pu na, min Uwumbɔr Mpɔɔnsakpiindaan u ye Israel yaab Aawumbɔr na ga cha libiil li m puu ke li ga dan na, dan nimi Juda ni Jerusalem aanib pu. Maah len ni chee aan naa pel, ki yin nimi aan naa kii na, le ga cha m ŋa kina.”

Jeremia 44:2

Uwumbɔr Mpɔɔnsakpiindaan, u ye Israel yaab Aawumbɔr na bui ke, “Nimi nibaa nan kan tibɔbir ti m nan cha ti dan Jerusalem ni Juda aatim muken mɔmɔk pu pu na. Ki nan saa din wee, mu beenin ye tilangbenn, le unii ubaa aa bi mu ponn ni; ba pu?

Jeremia 52:13

U nan see Uwumbɔr Aadichal, ni libɔrdichal, ni binikpaam bi mɔmɔk bi Jerusalem na aadichal lii;

Jeremia 9:10

Le m bui ke, “M ga wii ŋijoo aakpowiil ki wii tiwakor aamoŋmɔpaan aah kuur pu aan ubaa aa chuun nima chee pu na aakpowiil. Inaa aawiil ŋmin chii; inyoon ni ipeel fii ki san buen a.”

Jeremia 9:11

Le Uwumbɔr bui ke, “M ga cha Jerusalem kpaln ŋilangbentakpal, nin chee iŋɔk koo na; Juda aatim ga kpaln nteersakpiin, nin chee ubaa aa koo na.”

Inandalahn 5:18

ba pu? Uwumbɔr Aadichal Aajool gur nkuun la, le ikakal san nuuni laalangbenn ni.

Maika 1:6

Kina pu le Uwumbɔr len ke, “M ga cha Samaria kpaln litakpakpokl le kipɔɔk ni, nin chee bi ga ko ndaan aasubil aasui aasar na. M ga ber kaagon lii, ki faa kaabir ti mee kifataŋ ni.

Matiu 24:2

Le u bui bi, “Ni kan tiwan nimina mɔmɔk aa? M tuk nimi la, bi ga nan gbaa wii lidichal limina mɔmɔk. Litakpal libaa aan ki li paa liken pu.”