Maika 2:7 - Uwumbɔr aagbaŋ

⁷ Nimi Israel yaab len ke Uwumbɔr aa ki kpa limɔr la aa? U ga sil ŋa tiwan ngbaan mɔmɔk aa? Waa len binib bi ŋani ni ŋan na chee ki san bi kinimbaak aa?”

Maika 2:7 ပူးပေါင်းရင်းမြစ်များ

Ilahn 119:65

Uwumbɔr, aa joo saah nan puu tipuur ti na, aa kpa tiŋann min saatutunn pu.

Ilahn 119:68

Aa kpa tiŋann sakpen a. Mɔk mi saakaal.

Ilahn 15:2

Unii u keei Uwumbɔr aamɔb tiwan mɔmɔk ni, ki ŋani ni ŋan na n‑yoonn mɔmɔk, aan waamɔliin ye ibamɔn ki gbii na,

Ilahn 18:26

Aa bi chain, binib bi bi chain na chee, le kaa gee bibiindam.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Ŋiyataŋak 10:29

Uwumbɔr le kii binib bi aabimbin ŋan na, le ki tee kuln binib bi tun taani na.

Ŋiyataŋak 10:9

Binib bi aabimbin ŋan na bi ŋŋmarm, ni lifuur ni la, le binib bi aabimbin aa ŋan na ma ga koo tibɔr ni.

Ŋiyataŋak 14:2

Cha saabimbin li ŋan ki mɔk ke aa san Uwumbɔr ijawaan; li ye ubeebeedaan ki mɔk ke saa san u.

Ŋiyataŋak 2:7

U ter binib bi aabimbin ŋan na, le ki kii bi.

Ŋiyataŋak 28:18

Li bi mbamɔm ki ŋmar. Aa yaa ye beebeedaan kan, aa ga lir mala la.

Aisaya 50:2

Ba nan ŋa maanib yii kaa kii tii mi buyoonn m nan buen m ti gaa bi lii na? Ba nan ŋa baa kii buyoonn m nan yin bi na? Maa ki kpa mpɔɔn m di gaa bi lii la aa? Maamɔliin baanja le ga cha nnyusakpem foor, ki cha ŋimɔɔ mɔmɔk kpaln kitikuun, le ŋaajan kpo nnyunyuu pu.

Aisaya 58:1

Uwumbɔr bui ke, “Li tar man mpɔɔn pu naah gee pu na. Bui maanib Israel yaab baatunwanbir pu.

Jeremia 15:16

Aa len m chee tibɔr le m pel ki ŋun ti mɔmɔk. Tidindaan Uwumbɔr Mpɔɔnsakpiindaan, m ye sin yoo la, le saabɔr tii mi mmɔɔn, ni mpopiin.

Jeremia 2:4

Nimi Jakob aayaabitiib, Israel aanibol, pel Uwumbɔr aabɔr man.

Hosea 14:9

Cha binib bi kpa nlan na bee tibɔr ti ŋmee do na aatataa, ki di ti ŋa bisui ni. Uwumbɔr aasan le ŋan, le binib bi aabimbin ŋan na dii ima le ki kpa limɔfal, le titunwanbirdam ma aatafal aa bi i ni, le ki gbeer ki lir.

Maika 3:9

Nimi Israel aanib aajojoob, li pel man, nimi bi kaa gee ibamɔn ki kpelni tiwan ni ŋan na ŋani taani na.

Sekaria 4:6

Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

Nkahm 11:23

Le Uwumbɔr giin baa u ke, “Aa nyi maapɔɔn mɔk aa? Naan yunn le aa ga kan ke maah len pu na ga ŋa aan naan ŋa.”

Matiu 3:8

Ni li tun lituln li ga mɔk ke ni sil kpeln nimi aabimbin na,

Jɔnn 8:39

Le bi bui u, “Tite le ye Abraham.” Le u bui bi, “Ni yaa ba ye Abraham aabibamɔm kan, ni ba ga tun waah nan tun pu na.

Rom Yaab 7:13

Waakaal mu ŋan na le ku mi ii? Aayii. Titunwanbir le ku mi. Nkaal mu ŋan na pu, le titunwanbir ku mi, ki cha ti bee ke titunwanbir aa ŋan. Nkaal na le mɔk timi titunwanbir aah bir sakpen pu na.

2 Korenti 6:12

Naa ye ke timi le aa gee nimi. Ni ye ke nimi le aa gee timi.

2 Timoti 3:5

Bi ga li ŋmanni ke bi dii Uwumbɔr aasan, ki ga lann Uwumbɔr aapɔɔn. Aa taa dii binib ngbaan.