Maika 2:3 - Uwumbɔr aagbaŋ

³ Kina pu le Uwumbɔr bui ke, “M bi dakl ke m joo ni tibɔbir nan lii ni pu la, le naan ŋmaa nya ti ponn ni. Ni ga kan ke ni bi tibɔr ni la, le naan ki chuun kigaak aasachuln.

Maika 2:3 ပူးပေါင်းရင်းမြစ်များ

Aisaya 29:20

Binib bi muk biken ki lik seen Uwumbɔr na aamɔfal ga doo. U ga kuln titunwanbirdam mɔmɔk aamɔfal.

Aisaya 3:16

Le Uwumbɔr bui ke, “Lik Jerusalem aapiib aah kpa kigaak pu na. Bi chuun le bimɔfal ŋui paacham ke ibɔ na. N‑yoonn mɔmɔk bi chuun gɔr kidagook la. Bi tai dim dim, le ŋibɔlun ŋi gbin bitaagbin na weeni kiliŋ kiliŋ.

Aisaya 5:19

Le ni len ke, “Cha Israel yaab Aawumbɔr u bi chain na ŋa mala ki ŋa waah bui ke u ban pu na, aan ti kan ni, aan ki bee waalandak.”

Jeremia 18:11

Tɔ, bui Juda ni Jerusalem aanib ke m bi kpokl bi pu la, le ki gor ke m daa bitafal. Bui bi ke bi di cha titunwanbir aabimbin, ki kpeln baabimbin, ni tiwan ni bi ŋani na.

Jeremia 27:12

M nan bui Juda Aabɔr Sedekia tibɔchachaan ngbaan la, “Kii tii Babiloŋ aabɔr. Li tun tii u ni waanib, ki li kpa limɔfal.

Jeremia 34:17

Le min Uwumbɔr bui ke ni yii maamɔboln, ke naan tii nina aabitiib Israel yaab lifuur li bi ban na. Kina pu na, m ga tii nimi lifuur, m ga tii nimi lifuur ke ni kpo butɔb ni, ni iween ni, ni nkon ni. Maah ga ŋa nimi pu na ga cha dulnyaa wee aatimbol mɔmɔk san ijawaan.

Jeremia 36:23

Jehudi yaa ti karn ŋipepel ŋitaa bee ŋinaa doo kan, le ubɔr ti di kijuk chuu gii nima ki di mee lii mmii ni. U nan ŋani kina le kigbaŋ ngbaan mɔmɔk ti wun doo.

Jeremia 43:2

Le Hosaya aajapɔɔn Asaria, ni Karea aajapɔɔn Johanann, ni bigaadam biken na mɔmɔk bui mi ke, “Tidindaan Uwumbɔr aa tun ni si ke aa nan tuk timi ke ti taa buen Ijipt aatiŋ ni ki ti li koo nima. Aa gii la.

Jeremia 8:3

Le titunwanbir aatimbol limina aanib bi ŋmar, ki koo maah cha bi yaa ki bi nin chee na, ga li neen nkun ki jer ke bi li fu. Min Uwumbɔr le len kina.”

Inandalahn 1:14

U ŋmee maatunwanbir mɔmɔk bil le ki buu ti mɔmɔk kpaan tɔb ni. U nan di ti leen nneen ni, le taanyunyuun nyii mi bil kitiŋ. Uwumbɔr di mi tii maadim, le maa nan kpa mpɔɔn mubaa bi chee.

Inandalahn 2:17

Uwumbɔr nan ŋa waah faan ke u ga ŋa pu na. U kuln timi kaa san timi kinimbaak, ke waah nan sak timi n‑yoonn mu jer na pu na. U tii timi aadim linyaŋ, u cha ti lir le ki tii bi mpopiin.

Inandalahn 5:5

Bi jak timi mpɔɔn ke ibon ni laakumii tiib na la, le ti ti bak, le baan cha ti fuur.

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Amos 2:14

Hali, binib bi ŋmaa san sakpen na aan ŋmar; bipɔɔndam aapɔɔn ga doo, le butɔb aajab aan ki ŋmaa gaa bibaa lii.

Amos 3:1

Israel yaab, linibomɔln li Uwumbɔr nyan li Ijipt aatiŋ ni na, li pel man nimi aabɔr ti u len na.

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Amos 5:13

Kina pu na, kinimbɔŋ aayoonn ngbaan kan, unii u kpa nlan na ga li ŋmin suuna la.

Maika 2:1

Tibɔbir bi binib bi dɔ dak titunwanbir pu kinyeek na pu. Kitaak yaa woln, aan bi kan nsan siib na, le bi ŋa titunwanbir ti bi kpokl na.

Rom Yaab 16:4

M pu le bi mɔmɔk ba ga kpo. Nima le m dooni bi. Naa ye mi baanja le dooni bi. Yesu aanib bi kaa ye Juu yaab na mɔmɔk mu dooni bi.

Efesusi 5:16

Ni li tun Uwumbɔr aatuln n‑yoonn mɔmɔk, ki taa li ka fam; ba pu? titunwanbir wiir dandana wee la.

Ikaal 28:48

Kina pu na, ni ga li tun tii nimi aadim bi Uwumbɔr cha bi nan nyaŋ nimi butɔb ni na la. Nkon ni nnyunyuu ga chuu nimi, le ni ga chuun ni ŋmeen, kaan li kpa nibaa, ki ye bigiim. Uwumbɔr ga daa nitafal pam, le ni ti kuln.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.