Maika 2:2 - Uwumbɔr aagbaŋ

² Bi yaa ban ikpaakon kan, bi gaal i mpɔɔn la; bi yaa ban ŋidichal kan, bi gaal ŋi mpɔɔn la. Ubaa aadichal bee waawangol aa nyan tibɔr ni.

Maika 2:2 ပူးပေါင်းရင်းမြစ်များ

1 Bibɔrb 21:1

Uja u bi yin u ke Nabof na nan kpa ŋisubil aasui aasaak kibaa aan ki bi gbɔk Ubɔr Ahab aabɔrdichal, Jesreel aatiŋ ni.

2 Bibɔrb 9:26

‘M kan baah ku Nabof ni ujapɔtiib fen na pu na. Le m puu ke m ga daa aatafal nkpaakon baan mue ni.’” Le Jehu bui waaja ngbaan ke, “Yoor Joram ki di mee Nabof aakpaakon ni, aan ni gbiin Uwumbɔr aah nan puu pu na.”

Job Aagbaŋ 31:38

M yaa nan sun kitiŋ ki m ko na, ki gaa ki ukpaakon daan chee,

Nnyam 20:17

“Aa taa cha aanimbil li man aaŋeen aatɔ aadichal, bee upuu, bee waanaagbiib, bee waanaa, bee waabon, bee waah kpa tiwan nimɔk na pu.”

Aisaya 3:14

Uwumbɔr kuun bininkpiib, ni binib bi ye bisalolm na ke u ji bi tibɔr. Waah di ngalm mu di bil bi na sɔ: “Ni sun biken aasar mpɔɔn pu, le nimi aadichal ni gbii tiwan ni ni gaa bigiim chee na.

Aisaya 5:8

Nimi aamɔfal doo a. Ni moo daa ŋidichal ni ikpaakon ki kpei naah puen kpa i na pu. Naan yunn le unii aan ki kan mpaan ki koo nima chee, le nimi baanja le ga gur kitiŋ ngbaan pu.

Jeremia 22:17

Le aa ma le ban saakumɔŋ aanyoor baanja; aa ku binib bi kaa kpa taani ubaa na, le ki joo mbimbinpɔɔl muk saanib. Uwumbɔr le len kina.

Esekiel 18:12

U ji bigiim pem pem, ki su kinaayuk; unii yaa pinn u chee ŋimombil ki di waawan nibaa siin lipɔln ngbaan pu kan, waa joo giini. U chaa tiwaachur ni, ki dooni ŋiwaa ŋi sukr ponn ni na,

Esekiel 22:12

Saanib bibaa ku binib le ki gaal tipar. Biken gaal ŋimombil paani baah pinn pu tii biŋeen aatɔtiib Israel yaab biken na, le ki kani kina aajinjin pu ŋimombil. Bi suln mbɔr.” Bidindaan Uwumbɔr le len kina.

Esekiel 22:13

“M ga daa Jerusalem aatiŋ aatafal kaanaayuk ni linikul ngbaan pu.

Esekiel 33:26

Ni mak nimi aajaak aajum pu la. Nimi aabimbin sukr ponn ni la. Unii mɔmɔk gɔr kidagook la. Ba cha ni dak ke kitiŋ ngbaan ye nimi yaak?

Esekiel 45:9

Tidindaan Uwumbɔr len ke, “Nimi Israel aatiŋ aajojoob, ni tun titunwanbir ni yunn sakpen. Di cha nimi aabimbipɔɔl ni limukl man. Li ŋani tiwan ni ŋan ki tok na man. Ni taa ki jenn nyan maanib baatiŋ pu daalbaadaal. Min Nidindaan Uwumbɔr le bi tuk nimi kina.

Esekiel 46:18

Ujojoor ngbaan taa gaa unii ubaa aatiŋ u chee. Baah di kitiŋ ki tii u na ponn ni le u ga ŋmaa gii tii ujapɔtiib, nima kan, waan ŋmaa muk maanib ki gaa baatiŋ bi chee.”

Esekiel 8:17

Uwumbɔr nan ki baa mi ke, “Unibɔn, aa kan aa? Juda aanib bimina aa lik faar baah tun ŋitun ŋi sukr ponn ni, ni baah tun mbimbinpɔɔl aatun ŋi kitiŋ kee pu na. Baa lik faar kina, see bi dan nan tun ŋi Maadichal mu ni, ki moo fiini maaŋuul. Lik baah pɔɔn bibaa ki seei mi ŋisiibil ŋi wu sakpen na pu na.

Amos 2:7

Bi jon ki taar binib bi kaa kpa mpɔɔn na pu, le ki tur bigiim lir isan ni. Le uja ni ute kpaani unaagbiipiibo baan, kina le bi bii maayimbil li bi chain na.

Amos 4:1

Samaria aapiib, li pel man tibɔr timina, nimi bi filk ke Basann aanaa i jin ki bab na, nimi bi muk binib bi kaa kpa mpɔɔn, ni bigiim na, nimi bi muk nichatiib ke bi li tii nimi ndaan n‑yoonn mɔmɔk na, li pel man.

Amos 8:4

Li pel nimina man, nimi bi muk bifalaadam, ki ban ke ni ku doo bigiim kitiŋ kee ni na.

Maika 3:9

Nimi Israel aanib aajojoob, li pel man, nimi bi kaa gee ibamɔn ki kpelni tiwan ni ŋan na ŋani taani na.

Maika 6:12

Nimi aawankpadam ji bigiim pem pem la, le ni mɔmɔk ye binyamɔndam.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Matiu 23:13

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni kiir binib ke bi taa koo Uwumbɔr aanaan ni. Nimi nibaa aa koo ni, ki mu aa kii ke binib bi ban bi koo ni na koo ni. [

1 Timoti 6:10

Binib yaa gee ŋimombil sakpen kan, nima le cha bi tun titunwanbir mɔk aabɔŋ. Binib bibaa aanimbil aah man ŋimombil pu pu na le cha bi yenn, kaa ki dii Yesu aasan, ki kan mpombiin ki ti chaar jer.