Maika 2:12 - Uwumbɔr aagbaŋ

¹² “Le m ga kuun ni nimi Israel aanib bi gur na nan kpaan. M ga kuun ni nimi ke ipiih aah kpaan chaa koo yaabool ponn ni pu na la. Nimi aatiŋ ga ki gbiin binib ke kipihkpaamook ki ponn ni gbii ipiih na la.”

Maika 2:12 ပူးပေါင်းရင်းမြစ်များ

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 27:12

Nwiin ngbaan daal, ki nya Yufrates aamɔɔl ki ti saa Ijipt yaab aatiŋ aanaanmɔk, Uwumbɔr ga kuun ni waanib ubaabaa, ke unii aah ganni mmuubim ki cha timuupɔkr pu na.

Aisaya 34:6

Waajaak aajuk po ga li ye nsin ni nkpan ŋmeen la, ki ga li naahn ipiih ni iŋoob i bi di toor kitork na aasin ni nkpan la. Uwumbɔr ga toor kitork kimina Bosra aatisakpeŋ ni la; u ga ŋa linikul sakpeln limina Edom aatiŋ ni la.

Aisaya 5:17

Ntim mu kpaln tilangbenn na ni, le ipiih ga ŋmɔ timoor aan iŋoob mu kan yaamoŋmɔpaan.

Jeremia 23:3

M ga kuun ni maanib bi ŋmar na ki nya ni ntim mu m yaa bi aan bi bi mu ponn ni na, le ki giin ni bi bido aatiŋ pu. Bi ga li kpa mbim pam ki pɔr kpee.

Jeremia 3:18

Israel yaab ga buen ti kpee Juda yaab pu, le bi mɔmɔk ga nya tinaagbiir ni, ŋŋangan wɔb aatiŋ na ponn ni, ki gir ni kitiŋ ki m nan di tii niyaajatiib ke ki li ye biyaan na pu.”

Esekiel 34:11

“Min Nidindaan Uwumbɔr bui nimi ke min mbaa le ga ban kan maapiih ki li joo i

Esekiel 34:13

M ga nyan ni i nwɔwɔtim ni, ki kuun ni i nan kpaan, ki giin ni i yaatiŋ pu. M ga di i giin buen Israel aajoo, ni ikpen chee, ki ga cha i ŋmɔ timoor mmoŋmɔpaan mu ŋan na ni.

Esekiel 34:22

Tɔ, m ga gaa maapiih lii kaan ki cha ubaa ŋa i mbiin. M ga lik maapiih mɔk mbamɔm ki gann i ŋan na, i kaa ŋan na ponn ni.

Esekiel 34:31

Tidindaan Uwumbɔr ki len ke, “Nimi maapiih, kipihpaak ki m kpiini na le ye maanib, le m ye nimi Aawumbɔr.”

Esekiel 36:37

Tidindaan Uwumbɔr nan ki len ke, “M ga cha Israel yaab ki gir ban m chee nterm, m ga cha bi moo pɔr ke kipihpaak na.

Esekiel 37:21

ki tuk bi ke min Bidindaan Uwumbɔr ban m nyan maanib mɔmɔk ŋitimbol ŋi ponn ni bi buen na, ki kuun ni bi, ki giin ni bi bibaa aatiŋ pu.

Hosea 1:11

Juda aanib ni Israel aanib ga ki gir kpaan kimɔbaan. Bi ga kpaan le ki ban usaloln ubaa, le bi ga ki pɔr ki kan nkam baatiŋ ni. Een, Jesreel aawiin daal ga li ye nwinkpaan la.

Amos 1:12

Kina pu na, m ga cha mmii wu baatiŋ Temann aagon, ni baatiŋ Bosra aadichal ŋi fɔk ki pɔɔ aan bi maa kiir bibaa na mɔmɔk.”

Maika 2:13

Uwumbɔr le ga ki piir nsan tii bi aan ki di bi nya ni tinaagbiir kitiyayaŋ ni. Bi ga gaa bibaa lii ki dii ibisamɔi nya. Baabɔr, Uwumbɔr ubaa, le ga cheen bi nya ni.

Maika 4:8

Le sin, Jerusalem aatiŋ ni, nin chee Uwumbɔr lik waanib pu ke upihdaan na, ga ki gir kpaln nnaan mu aa nan yeh na aatiyil.

Maika 5:7

Israel aanib bi ŋmar na ga li naahn limaln li Uwumbɔr tun ni li na le ŋitimbol pam chee, ki naahn utaal u pui tijikaar pu na. Bi ga li bi Uwumbɔr pu la, naan li ye unibɔn pu.

Maika 5:8

Binib bi gur ki ŋmal ŋitimbol ŋiken ni na ga li bi ke uchinn u bi ban tijikaar kichook ni, bee kipihkpaamook ni na la: u ga koo ipiih ni, le ki chur i, le ki daa par par i, le yaan kan nterm nibaa chee.

Maika 7:14

Uwumbɔr, li bi saanib bi aa lee na chee ke upihdaan na. Bi yaa, ki bi kipɔɔk ni la, le kitiŋ ki nyuun na bi bi chee. Cha bi buen Basann, ni Gilead aapihkpaamoor ti nyuun na ni, ke baah nan bi n‑yaayoonn na pu na.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Sefania 3:20

N‑yoonn ngbaan choo, le m ga giin ni nimi aanib bi yaa na linampal; m ga cha ni li kpa liyimbil dulnyaa wee mɔmɔk ni, ki cha ni ki gir kan liwangol.” Uwumbɔr le len kina.