Maika 1:8 - Uwumbɔr aagbaŋ

⁸ Le Maika bui ke, “Nimina pu le m ga wii, ki gaa ikpolahn. M ga chuun ŋŋmeen kaan taŋ ŋinaatak, ki mɔk maapombiin aah bi pu na. M ga gbei ke ikakal na, ki wii ke taataa na.

Maika 1:8 ပူးပေါင်းရင်းမြစ်များ

2 Bibɔrb 18:13

Hesekia aanaan aabin kipiik ni linanar ponn ni, le Asiria aatiŋ aabɔrkpaan Senakerib nan ti tak Juda aatim mu bi maa ŋigon kiir mu, aan mu kpa tijawan na, ki nyaŋ mu.

Esta 4:1

Modekai aah ŋun tibɔr ti mɔmɔk ŋa na, le u daa kar waawanpeenkaan mpombiin pu, le ki di tiwanpeenkaan ni saak kuub na peen, ki di nfatan puŋ uyil, ki bɔ dii kitiŋ ni, ki wii ikpowiil mpombiin pu,

Job Aagbaŋ 30:29

Nneen bi suuna le kaa ki mɔ ki naahn ikakal ni taataa aaneel.

Ilahn 102:6

M gur naahn timoor ni aanyoon u bi nteersakpiin ni na la, ki naahn ufiin u bi tilangbenn ni na.

Aisaya 13:21

Ki ga kpaln nin chee timoor ni aapeel, ni ifiin ga li koo na la. Taataa mam ni ipeel ga li san nima la.

Aisaya 13:22

Takɔ tiib ni ikakal yaa wii nima kan, ni ga li keei tidir fɔfɔk na, ni ŋibɔrdichal na ni la. Babiloŋ aayoonn fuu ni a. Kaawiin doo a.”

Aisaya 16:9

Dandana m wii Sibma aatiŋ aasui ngbaan pu ke maah wii Jasar aatiŋ pu pu na. M wii tii Hesbonn ni Eleale aatim; ba pu? nibaa aa bi aan binib ngbaan ga chee aan ni mɔɔr bi.

Aisaya 21:3

Maah kan ki ŋun tibɔr ti tibɔkpiirkaan ngbaan ponn ni na tii mi ijawaan ni iween, iween i wu ke imalween na.

Aisaya 22:4

Di cha mi man aan m wii maanib bimɔk kpo na pu. Taa sɔŋni nsui man.

Aisaya 32:11

Ni po bi nibaa pu la, kaa kpa ilandak ibaa; dandana ma kan, cha niwon li gbaa ijawaan pu. Gbabr nimi aakeken mee man, ki ban tiwankpir di gbin nichaŋ ni.

Jeremia 4:19

Iween sakpen yee. Maan ŋmaa joo iween ngbaan. Mpobil yuk a. Mpobil gbaa mpɔɔn pu la. Maan ŋmaa ŋmin suuna, m ŋun ikpiin aawiil ni butɔb aakuun pu.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Jeremia 9:10

Le m bui ke, “M ga wii ŋijoo aakpowiil ki wii tiwakor aamoŋmɔpaan aah kuur pu aan ubaa aa chuun nima chee pu na aakpowiil. Inaa aawiil ŋmin chii; inyoon ni ipeel fii ki san buen a.”

Jeremia 9:19

Li pel man iwiil aafuuk Sionn aatiŋ ni, “Timi aamɔfal junn a. Ti kpaln binimɔɔnib la. Ti ga nya cha timi aatiŋ la; bi ber timi aadichal a.”

Esekiel 32:18

U nan bui ke, “Unibɔn, li wii Ijipt aanib mɔmɔk pu. Di bi ni ŋitimbol ŋi kpa mpɔɔn sakpen na buen kitekpiitiŋ ni.”

Maika 2:4

N‑yoonn ngbaan yaa nan fuu ni kan, binib ga di nimi aabɔr le di ŋa tibɔbir aaseeraa, le ki ga gaa nnandalahn mue, naah kan pu na pu: Ti doo a. Uwumbɔr chuu gaa timi aatiŋ ti chee, ki di tii binib bi chur timi tinaagbiir na.”

1 Samuel 19:24

U nan chuu peer waawanpeenkaan ki pak Uwumbɔr, Waafuur Nyaan aapɔɔn pu, Samuel aanimbiin ni. Nwiin ngbaan pu ki ti woln kitaak, u nan dɔ u ŋmeen la. Nima chee le tibɔr tee nan nyan ni ke, “Sɔɔl mu kpaln Uwumbɔr aabɔnabr la aa?”