Maika 1:5 - Uwumbɔr aagbaŋ

⁵ Israel aanib aah tun titunwanbir ki yii Uwumbɔr aamɔb na le ga cha nimina mɔmɔk ŋa kina. Ŋma aan bi ga galn Israel yaab aah yii Uwumbɔr aamɔb pu na pu? Ni ye Israel aatiyil Samaria la. Ŋma bi Juda aatiŋ ni ki dii ŋiwaa? Ni ye Jerusalem aatiŋ la.

Maika 1:5 ပူးပေါင်းရင်းမြစ်များ

1 Bibɔrb 11:7

U nan maa nin chee u ga li dooni Moab yaab aawaal Kemos li bir na, ni Amonn yaab aawaal Molek mu yaan, lijool li bi Jerusalem aawipuul wɔb na.

1 Bibɔrb 13:32

Waah nan di Uwumbɔr aamɔbon len bii kitork aabimbiln li bi Betel ni na, ni tiwaadir timɔk bi Samaria aatim ni na ga sil gbiin kina.”

1 Bibɔrb 16:24

le ki nin daa Samaria aagongoln aatiŋ tikunabr aamombil ŋichur ŋiloob, uja u bi nan yin u ke Semer na chee. Omri nan maa kitiŋ nima, le ki maa ŋigon gob ki, le ki di Semer, u nan yeh ligongoln ngbaan na aayimbil ki di yin ki ke Samaria.

2 Bibɔrb Aabɔr 34:3

Josia aah nan jin nnaan ki ti saa ŋibin ŋiniin, aan ki laa beenin ye unachipɔnbo na, le u piin ki dooni uyaaja Ubɔr David Aawumbɔr. Ki nyan n‑yoonn ngbaan ki ti saa ŋibin ŋinaa aapuwɔb, le u piin ki ber tiwaadir, ni liwaapii Asera aanaŋ, ni ŋiwaa ŋi mɔmɔk gur na.

2 Bibɔrb Aabɔr 34:4

U nan cha waajab gbaa wɔi Baal aawaa aatork aabimbin, ki gbaa ber ŋibimbin ŋi pu bi nan seer nnyɔknii na. Bi nan nan liwaapii Asera aanaŋ ni ŋiwaa ŋiken le ni ti kpaln ntayon, le bi di ntayon ngbaan yaa yaa binib bi nan toor ŋi na aakaakul pu.

Aisaya 7:9

Israel aa pɔɔ ki jer Samaria ki ye kaatiyil na, le Samaria mu aa pɔɔ jer ubɔrkpaan Peka. “Aa yaa kaa kpa gaakii u ga yunn na kan, aa mu aan li bi ki yunn.”

Jeremia 2:17

Israel yaab, nimi le joo ni nimina niyil pu. Ni yii min, Nidindaan Uwumbɔr, buyoonn m nan cheeni nimi cha na.

Jeremia 2:19

Nimi nibaa aatunwanbir le ga daa nitafal, le naah fenn nipuwɔb tii mi pu na ga bii nimi. Ni ga bee ke ni yaa yii min Nidindaan Uwumbɔr, kaa ki tii mi naadii kan, naa ŋan, ki mu ga li wu. Min, Nidindaan Uwumbɔr Mpɔɔnsakpiindaan le len kina.”

Jeremia 23:13

M kan bibɔnabr bi bi Samaria aatiŋ ni na aatunwanbir; bi joo Baal aayimbil le nabr tibɔr, le ki di maanib yenn.

Jeremia 23:14

M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Jeremia 4:18

Juda yaab, naah bi mbimbin mu na, ni ŋitun ŋi ni tun na le cha ni joo ni nima nibaa pu. Nimi aatunwanbir le joo ni falaa umina; ti saa chaar nipobil a.

Jeremia 5:25

Le nimi aatunwanbir cha nimina mɔmɔk nyan niŋaal ni.

Jeremia 6:19

Kitiŋ, li pel. Maanib aabeebee aatuln pu le m ban m joo ni libiil nan lii bi pu, ba pu? bi yii maamɔkm kaa tii maabɔr naadii.

Inandalahn 5:16

Taah nan mak tiwan ni pu na aa ki gur. Ti tun titunwanbir, le timi aamɔfal kuln.

Esekiel 16:46

“Aakpel upol le ye Samaria aatiŋ ki ni kaatimbim bi ŋŋangan wɔb na. Aanaal le ye Sodom aatiŋ ki ni kaatimbim bi ŋŋangii wɔb na.

Hosea 7:1

“M yaa ti ban ke m tii maanib Israel yaab laafee, ki ki tii bi nkam kan, m kani baatunwanbir ni mbiin mu bi tun na baanja la. Bi ji tɔb la; bi koo biken aadichal ni le ki su kinaayuk; ki su binib kinaayuk kitiŋ ponn ni.

Amos 6:1

Nimi bi bi dafir Sionn aatiŋ ni, ni nimi bi dak ke ni kan limɔfal Samaria aatiŋ ni na, naan nan li ŋan ni pu, nimi bi ye linibokpaan Israel na aaninkpiib, nimi bi binib biken chaa ni chee ki ti ban nterm na,

Amos 7:9

Nin chee Aisak aayaabitiib nan mee min Uwumbɔr na mɔmɔk ga bii doo. Israel yaab aameen aadir mɔmɔk ga kpaln ŋilangben ŋi ber doo na la. M ga kuln ubɔr Jeroboam aanaan.”

Amos 8:14

Binib bi puuni Samaria aawaa ki len ke ‘Dann aawaal pu’, bee ‘Beerseba aawaal pu’ na, kina aanib ga lir, kaan ki fii sil daalbaadaal.”

Maika 1:13

Lakis aatiŋ aanib, di itaan aatɔroku tiib tul itaan pu man. Ni mu tun Israel yaab aatunwanbir, le ki cha Jerusalem yaab tun titunwanbir.