Maika 1:4 - Uwumbɔr aagbaŋ

⁴ Le ŋijoo ngbaan ga donn u taab ke tisikakpiin aah donni mmii ni pu na; ŋi ga puu ti lir tifatann ponn ni ke nnyun aah puu sunni ligongoln pu pu na.

Maika 1:4 ပူးပေါင်းရင်းမြစ်များ

Ilahn 46:6

Ijawaan chur ŋitimbol, le nnaan mɔmɔk jii; Uwumbɔr tar, le kitiŋ bunn doo.

Ilahn 68:2

Libuln aah daar iŋmanyuu cha pu na, kina le u jenni bi cha; nsiigban aah donni mmii chee pu na, kina le bibiindam kulni Uwumbɔr aanimbiin ni.

Ilahn 97:5

Ŋigongon donn ke nsiikpan na le Uwumbɔr aanimbiin ni, ŋi donn kitiŋ kee mɔmɔk Aadindaan aanimbiin ni la.

Amos 9:5

Tidindaan Uwumbɔr Mpɔɔnsakpiindaan yaa meeh kitiŋ kan, ki deŋni la, le binib bimɔk bi nima na wii ikpowiil. Dulnyaa mɔmɔk fii ki lir ke Nail Aamɔɔsakpeln aah fii ki lir pu na la.

Nahum 1:5

Ŋijoo jii Uwumbɔr aanimbiin ni la; le ŋigongon donn unimbiin ni. Kitiŋ yaa kan Uwumbɔr kan, ki deŋni la; dulnyaa, ni binib bi mɔmɔk bi u pu na aawon gbaa la.

Habakuk 3:10

Le ŋijoo kan si ki mur fenni. Nnyusakpem nyan ni paacham ki lir ni; le nnyun mu bi kitiŋ na puu mpɔɔn pu, le mu aanyunkpenn fii jon paacham.

Habakuk 3:6

U yaa sil kan, kitiŋ deŋni la; le u yaa yaar lik kan, ŋitimbol jii. Ŋijoo ŋi bi n‑yoonn mɔmɔk na wur la; le n‑yoonn mɔmɔk aagongon na mu ber lir kitiŋ. Ŋima pu le u nan chuun n‑yaayoonn na.

Sekaria 14:4

N‑yoonn ngbaan kan, u ga ti li si Olif Aasui Aajool li bi Jerusalem aawipuul wɔb na pu la. Le Olif Aasui Aajool ngbaan ga bool nfum mulee, le kifataŋ sakpeŋ doon kaasisik ni, ki nya liwipuul ki ti saa liwilir. Libool libaa ga di toŋ ŋŋangan wɔb, le liken na di toŋ ŋŋangii wɔb.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.

Bibɔjirb 5:4

Uwumbɔr, saah nan nyan ni Seir aajool pu na, saah nan nyan ni Edom aapepel ni na, kitiŋ nan dam, le utaal nyan kitaapaak ki lir ni. Mbamɔn, nnyun nan nyan ni ntaalangbam ponn ni.