Maika 1:3 - Uwumbɔr aagbaŋ

³ Uwumbɔr ga nya ni waabuul li bi chain na ni le ki dan; u ga sunn ni ki nan chuun ŋijoo paab.

Maika 1:3 ပူးပေါင်းရင်းမြစ်များ

Job Aagbaŋ 40:12

Mbamɔn, lik bi, ki sunn ni bi taab; doo bibiindam baah si nin chee na.

Ilahn 115:3

Timi Aawumbɔr bi paacham la; u ŋani waah gee pu na.

Aisaya 25:10

Uwumbɔr ga kiir Sionn paab aanib; Moab yaab ma kan, u ga taa diin bi pu, ke inaa aah taa diini likakl tinaanyar ponn ni pu na la.

Aisaya 26:21

Uwumbɔr ga nyan ni waakookoo yaan mu bi paacham na, ki nan daa kitiŋ kee pu aanib aatafal baatunwanbir pu. Binib bi, bi nan ku ki di bɔr kitiŋ kee pu na aabɔr ga nyan mpaan pu, kitiŋ kee aan ki bɔr binib bi bi ku bi na pu.

Esekiel 3:12

Uwumbɔr Aafuur Nyaan nan yoor mi paacham le m ŋun nneel mu ŋuuni kaakaan na len ke, “Pak Uwumbɔr aanyuŋ paacham man.”

Amos 4:13

Uma Uwumbɔr le naan ŋijoo sakpiin, ki naan libuln mu. U joo waakaal kpiir tuk unibɔn; u kpeln nwiin pu ŋani kinyeek. U chuun dulnyaa wee ni, nin chee fɔk sakpen na. Waayimbil sɔ: Tidindaan Uwumbɔr Mpɔɔnsakpiindaan.

Amos 9:5

Tidindaan Uwumbɔr Mpɔɔnsakpiindaan yaa meeh kitiŋ kan, ki deŋni la, le binib bimɔk bi nima na wii ikpowiil. Dulnyaa mɔmɔk fii ki lir ke Nail Aamɔɔsakpeln aah fii ki lir pu na la.

Habakuk 3:19

Ndindaan Uwumbɔr le ye maapɔɔn; u ŋa maataafar ke upeeman aataabuseen na la, le ki kii mi ŋijoo paab.

Sekaria 14:4

N‑yoonn ngbaan kan, u ga ti li si Olif Aasui Aajool li bi Jerusalem aawipuul wɔb na pu la. Le Olif Aasui Aajool ngbaan ga bool nfum mulee, le kifataŋ sakpeŋ doon kaasisik ni, ki nya liwipuul ki ti saa liwilir. Libool libaa ga di toŋ ŋŋangan wɔb, le liken na di toŋ ŋŋangii wɔb.

Ikaal 32:13

Uma le cha bi joo ŋijoo aatim, le ki cha bi ji kipɔɔk ni aasubil. U nan di tisiir ti bi titakpalunn ni na le kpiin bi, le baakpan aasui nan ŋani ntakpateer pu.

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.