Maika 1:12 - Uwumbɔr aagbaŋ

¹² Marof aatiŋ aanib ka jek ki kii lifuur; ba pu? Uwumbɔr di tibɔbir ŋɔŋ ni Jerusalem aatiŋ pu a.

Maika 1:12 ပူးပေါင်းရင်းမြစ်များ

Job Aagbaŋ 30:26

M nan mak ban mpopiin ni nwiihn la, le tibɔbir ni mbɔmbɔɔn labr dan.

Aisaya 45:7

Min le naan nwiihn ni mbɔmbɔɔn mu; min le joo ni tinyoor ni tibɔbir mu. Min Uwumbɔr le ŋani nimina mɔmɔk.

Jeremia 14:19

Uwumbɔr, aa yii Juda aanib kookoo la aa? Aa nan Sionn aatiŋ aanib la aa? Ba ŋa aa tii timi titotonn ti kaan sɔŋ na? Ti nan lik ban nsuudoon, le kinyaan kibaa aa choo; ti nan ka ban laafee, le tibɔbir tee dan.

Jeremia 8:15

Ti nan ka mak nsuudoon ni laafee aayoonn pu, le naa nan kpa tinyoor; ijawaan sakpiin le nan labr dan.

Amos 3:6

Ukpiin yaa wii kitiŋ ni kan, ijawaan chur binib mɔmɔk la. Tibɔbir aan ŋmaa koo ni kitisakpeŋ ni kaa nyan ni Uwumbɔr chee.

Maika 1:9

Samaria yaab aabuun aan yann, le Juda yaab mu ga kan kina aaween dandana; libiil fuu ni Jerusalem aatiŋ ni nin chee maanib koo na aabisamɔi ibaa ni.”

Ruf Aagbaŋ 1:20

Le Naomi bui ke, “Taa ki yin mi ke Naomi, ni li yin mi ke Mara, ba pu? Uwumbɔr Mpɔɔnsakpiindaan cha mmɔb ponn ni toŋ.

1 Samuel 4:13

Eli, u nan ka lijal pu nsan chee, aan Uwumbɔr Aakaal Aadakaa aabɔr muk u sakpen na, nan ka lik nsan pu. Uja ngbaan nan di tibɔr ngbaan moon kitiŋ ponn ni, le ijawaan chuu binib mɔmɔk, le bi wii.