Maika 1:11 - Uwumbɔr aagbaŋ

¹¹ Safir aatiŋ aanib, di inimɔɔn ki chuun niŋmeen man, nimi aadim aah di nimi buen kitiyayaŋ ni man. Binib bi koo Saanann aatiŋ ni na aa kaa ke bi nya ni baatiŋ ponn ni. Ni yaa nan ŋun Bef Esel aatiŋ aanib bi wii kan, ni bee ke lifuur aa bi nima.

Maika 1:11 ပူးပေါင်းရင်းမြစ်များ

Aisaya 16:2

Bi nan si Anonn aamɔɔl aagbaan le ki kii, kaa nyi baah ga ŋa pu na, aan ki di ti nya do, ki nan nya do, ke inyoon i bi jenn nyan i yaanyondil ni na.

Aisaya 20:4

Asiria aabɔrkpaan ga di biyom bi u chuu ŋitingbaln ŋilee ngbaan ni na di buen biŋmeen, kaa tak ŋinaatak mu. Mbim ni bininkpiib mɔmɔk ga chuun biŋmeen, kaan li tak ŋinaatak mu, le bimunjal dɔ; nimina le ga joo ni inimɔɔn nan tii Ijipt aatiŋ.

Jeremia 13:22

Aa yaa nan baa ke ba ŋa nimina ŋa si, le saakeken kar kar aan bi chuu si mpɔɔn ki doon aa chee kan, aa li nyi ke saatunwanbir nyaŋ sakpen a.

Jeremia 48:6

Bi len le ke, ‘Mala, li san ban nimi aamɔfal man. Li san man ke nteersakpiin pu aabon u bi timoor ni na.’

Jeremia 48:9

Ban likaakul aatakpal bil Moab aatiŋ man; ki ga kuln dandana. Kaatim ga kpaln tilangbenn la, le ubaa aan ki li koo nima.”

Esekiel 16:37

Nimina pu na, m ga kuun ni aabɔtiib bikpokb bi aa nan gee bi na, ni saah nan kaa gee bi na nan kpaan. M ga cha bi nan mann goln si, le m chuu gbabr si ki cha bi kan si aaŋmeen.

Esekiel 23:29

Le baah nan si na, bi ga gaa saawan ni mɔmɔk aa tun ki kan na, ki cha si aaŋmeen ke udagoor na. Saajaakpakr ni saadagook

Maika 1:8

Le Maika bui ke, “Nimina pu le m ga wii, ki gaa ikpolahn. M ga chuun ŋŋmeen kaan taŋ ŋinaatak, ki mɔk maapombiin aah bi pu na. M ga gbei ke ikakal na, ki wii ke taataa na.

Nahum 3:5

Uwumbɔr Mpɔɔnsakpiindaan bui ke, “M ga daa sin Ninefa aatiŋ aanib aatafal. M ga gbabr si ki cha si aaŋmeen ki cha ŋitimbol ŋiken kan si, ŋi ga kan si saanimɔɔn ngbaan ni.

Sekaria 14:5

Kifataŋ ki yakr lijool limina nfum mulee na ponn ni, le ni ga dii ki san ŋmar. Ni ga san ke kitiŋ aah nan puu, Juda aabɔr Usia aayoonn, aan niyaajatiib nan san pu na. Ndindaan Uwumbɔr ga joo ni waatuuntiib mɔmɔk ki dan.

Josua 15:37

Ntim mu nan ki kpee na le nan ye Senann, ni Hadasa, ni Migdal Gad,