Maika 1:1 - Uwumbɔr aagbaŋ

¹ N‑yoonn mu bibɔrb bitaa bimina nan jin nnaan Juda aatiŋ pu ki paan paan tɔb pu na, le Uwumbɔr nan di tibɔr timina tuk waabɔnabr Maika, u ye Moresef aatiŋ ni aanii na. Bibɔrb ngbaan sɔ: Jotam le nan puen jin nnaan, le Ahas paan u pu, le Hesekia nan gbeln puwɔb. Uwumbɔr nan kpiir Samaria ni Jerusalem aatim aabɔr tee mɔmɔk le tuk Maika.

Maika 1:1 ပူးပေါင်းရင်းမြစ်များ

2 Bibɔrb 15:32

Remalia aajapɔɔn Peka aah nan ye Israel yaab aabɔr pu na aabileler ni, le Usia aajapɔɔn Jotam jin Juda aanaan.

2 Bibɔrb 15:5

Uwumbɔr nan cha tiwon aaween i bir sakpen na chuu Usia, ki gaar u pu kina le u ti kpo. U nan gur koo ubaa aadichal ni la, le kaa ki tun nnaan aatuln libaa. Ujapɔɔn Jotam le nan gur joo kitiŋ ngbaan.

2 Bibɔrb 16:1

Remalia aajapɔɔn Peka aah nan ye Israel yaab aabɔr pu na aabin kipiik ni lilolole ni, le Jotam aajapɔɔn Ahas jin Juda aanaan.

2 Bibɔrb 18:1

Ela aajapɔɔn Hosea aah nan jin Israel aanaan na aabitatar ni, le Ahas aajapɔɔn Hesekia nan jin Juda aanaan.

2 Bibɔrb Aabɔr 28:1

Ahas nan ye ŋibin moninko aanii le ki jin nnaan, le ki ka Jerusalem ni, ki joo waanib ki ti saa ŋibin kipiik ni ŋiloob. Waa nan dii uyaaja Ubɔr David aah nan dii nsanyaan mu na. Uma nan labr tun Uwumbɔr aah kaa gee pu na la,

2 Bibɔrb Aabɔr 29:1

Hesekia nan ye ŋibin moninko ni ŋiŋmu aanii le ki jin nnaan, le ki ka Jerusalem ni, ki joo waanib ki ti saa ŋibin moninko ni ŋiwae. Bi nan yin una ke Abija. Una aate le nan ye Sekaria.

Aisaya 1:1

Tibɔr ti bi kigbaŋ kee ponn ni na ye Juda ni Jerusalem aatim aabɔr le Uwumbɔr nan kpiir tuk Amos aajapɔɔn Aisaya. Ni nan ye buyoonn bibɔrb binaa bee nan jin jin nnaan Juda aatiŋ ni ki paan tɔb pu na la. Njan, ubɔr Usia le nan jin nnaan, le ubɔr Jotam nan paan u pu, le ubɔr Ahas mu nan paan Jotam pu, le Hesekia nan gbeln puwɔb.

Aisaya 1:2

Uwumbɔr len ke, “Kitiŋ ni paacham, li pel man maah len pu na. Binib bi m kpiin bi na fii sil m pu.

Aisaya 7:1

Buyoonn ubɔrkpaan Jotam aajapɔɔn Ahas, u aayaaja ye Usia na, nan ye Juda aatiŋ aabɔr na, le butɔb nan fii nima. Resinn, u ye Siria aabɔrkpaan na, ni Remalia aajapɔɔn Peka, u ye Israel aabɔrkpaan nan buen ti tak Jerusalem yaab, le kaa ŋmaa nyaŋ bi.

Aisaya 7:9

Israel aa pɔɔ ki jer Samaria ki ye kaatiyil na, le Samaria mu aa pɔɔ jer ubɔrkpaan Peka. “Aa yaa kaa kpa gaakii u ga yunn na kan, aa mu aan li bi ki yunn.”

Jeremia 26:18

“Hesekia aah nan ye Juda aabɔr na, Uwumbɔr aabɔnabr Maika u nan bi Moresef aatiŋ ni na nan tuk binib mɔmɔk ke Uwumbɔr Mpɔɔnsakpiindaan len ke, ‘Bi ga kpar Sionn ke lisikpel na, le Jerusalem kpaln tilangbenn aakpuk, le Uwumbɔr Aadichal aagongoln ga kpaln kichook.’

Hosea 1:1

Bibɔrb bimina aah nan jin jin nnaan ki paan paan tɔb pu n‑yoonn mu aan Jehoas aajapɔɔn Jeroboam mu nan ye Israel aabɔr na, le Uwumbɔr nan di tibɔr timina tuk Beeri aajapɔɔn Hosea: Juda aabɔrb ngbaan le nan ye Usia, uma le nan puen jin nnaan, le Jotam paan u pu, le Ahas mu nan paan Jotam pu, le Hesekia ti gbeln puwɔb.

Hosea 4:15

“Tɔ, nimi Israel aanib aa kii maamɔb, Juda yaab ma taa ji kina aabɔkpol. Ni taa ki buen Gilgal, bee Bef Afenn ki ti doon mi, ki taa puu tipuur nima chee min Uwumbɔr u bi na aayimbil pu.

Hosea 8:14

“Israel aanib maa ŋibɔrdichal, le ki tee suln Uwumbɔr u naan bi na bɔr. Juda aanib maa ntim mu kpa tijawan aan bi maa ŋigon gob mu na. Le m ga cha mmii wu baabɔrdichal ni ntim ngbaan.”

Amos 1:1

Tibɔr ti Amos u ye upihkpaal ki nyan ni Tekoa aatiŋ ni na nan len na sɔ. Ŋibin ŋilee waahr aan kitiŋ nin deŋ na, n‑yoonn ngbaan le Usia nan ye Juda aabɔrkpaan aan Jehoas aajapɔɔn Jeroboam mu nan ye Israel aabɔrkpaan na, le Uwumbɔr nan kpiir Israel aatiŋ aabɔr timina mɔmɔk tuk Amos.

Amos 6:1

Nimi bi bi dafir Sionn aatiŋ ni, ni nimi bi dak ke ni kan limɔfal Samaria aatiŋ ni na, naan nan li ŋan ni pu, nimi bi ye linibokpaan Israel na aaninkpiib, nimi bi binib biken chaa ni chee ki ti ban nterm na,

Maika 1:5

Israel aanib aah tun titunwanbir ki yii Uwumbɔr aamɔb na le ga cha nimina mɔmɔk ŋa kina. Ŋma aan bi ga galn Israel yaab aah yii Uwumbɔr aamɔb pu na pu? Ni ye Israel aatiyil Samaria la. Ŋma bi Juda aatiŋ ni ki dii ŋiwaa? Ni ye Jerusalem aatiŋ la.

Maika 3:9

Nimi Israel aanib aajojoob, li pel man, nimi bi kaa gee ibamɔn ki kpelni tiwan ni ŋan na ŋani taani na.

Habakuk 1:1

Uwumbɔr aah nan kpiir tibɔr ti tuk waabɔnabr Habakuk na sɔ.

2 Piita 1:21

Naa ye bima bibaa aageehn pu le cha bi len. Bi nan len Uwumbɔr Aafuur Nyaan aah cha bi len pu na.