Tibɔnyaan ti Luk ŋmee ti na 9:29 - Uwumbɔr aagbaŋ

²⁹ Waah bi mee Uwumbɔr na, le unimbil wɔb kpeln. Le waawanpeenkaan mu kpaln tiwanpipiln ni ga li deer aanimbil na.

UWONBƆR A GBƆNPƆŊ LIKƆƆNL

²⁹ waah nan be miɛ Uwonbɔr nan le u num paam nan kpenn. Le u wan yɔɔr nan penn ki nyagin ke nŋmi peen ni.

Tibɔnyaan ti Luk ŋmee ti na 9:29 ပူးပေါင်းရင်းမြစ်များ

Aisaya 33:17

Ni ga ki kan ubɔrkpaan u joo waanib kinyaan na joo kitiŋ ki wiir ŋipepel mɔmɔk na.

Aisaya 53:2

Ni nan ye Uwumbɔr aageehn ke waatutunn nyal sil ke busub bu si nteer pu ki kpa inyaan na. Waa kpa kinyaan ni bunyuŋ ni ga cha binib li neen u na. Nibaa aa nan bi u chee ki ŋan, nibaa aa bi, ki ga daa timi dan u chee.

Matiu 17:2

Le uwon kpeln binimbil ni. Unimbil wɔb wiin ke nwiin aah wiin pu na. Le waawanpeenkaan kpaln tiwanpipinn ke nwiihn aah piin pu na.

Tibɔnyaan ti Mak ŋmee ti na 16:12

Nimina aapuwɔb, le bi ponn ni bilee nan chuun cha ntingbaan ni. Baah cha na, le Yesu nan di ubaa mɔk bi. Waa nan bi ke waah nan bi pu buyoonn Mari Magdalene kan u na.

Tibɔnyaan ti Luk ŋmee ti na 3:21

Jɔnn aah nan muin binib nnyun ni na, le u muin Yesu mu nnyun ni. Le Yesu mee Uwumbɔr. Waah bi mee Uwumbɔr na, le kitaapaak chuu piir.

Tibɔnyaan ti Luk ŋmee ti na 5:16

N‑yoonn, n‑yoonn kan, le u ti nya bi chee, ki buen kipɔɔk ni, u ti mee Uwumbɔr.

Tibɔnyaan ti Luk ŋmee ti na 6:12

N‑yoonn ngbaan le Yesu jon lijool paab, u ti mee Uwumbɔr, le ki mee u kinyeek ngbaan ki ti woln kitaak.

Tibɔnyaan ti Luk ŋmee ti na 9:18

Kitaak kibaa daal, le Yesu nan bi mee Uwumbɔr ubaa. Waadidiliib mu bi u chee. Le u baa bi, “Kinipaak ngbaan bui ke m ye ŋma?”

Tibɔnyaan ti Luk ŋmee ti na 9:30

Le bi kan bijab bilee bi wiin chain na bi len u chee tibɔr. Bi nan ye n‑yaayoonn na aabɔnabtiib Moses ni Elaija la. Bi nan len waah ga ŋa Uwumbɔr aageehn ki kpo Jerusalem ponn ni pu na.

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Lituln 6:15

Le bibɔjirb aaninkpiib mɔmɔk lik Stiifen ki kan ke unimbil wɔb wiin chain ke Uwumbɔr aatuun aanimbil wɔb na.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.